صليب بالافنيوز

[السنافر]

متروسين بكل مكان عادي
لكم دينكم ولي دين
مانقدر نتحكم بالناس عدل
صحيح احنا بدولة مسلمة بس في ويانا مسيحيين وحتى كويتيين مسيحيين لازم نحترمهم عشان يحترمونا

 

[Aljohara]

حبيبتي عادي كما قال الرسول الكريم لكم دينكم ولي دين

 

[اميره بضحكتي]

عااااااااااااادي مافيها شي
عيل اذا بتشوفي واحد لابس الصليب شتبي تسويين
ياوخيتي هم لهم دينهم ونحن لنا ديننا
لكن ماادري ليه في فئة منكم بس يحبون يقرقروون ولا شافوا شي قووووو بسرعة نزلوا موضوع وصارت سالفة
ياحبكم للسوالف اللي موشي

 

[قطيووه^_^]

يا بنات صح ان ديننا حث على احترام الاديان بس مو معناه انا نحترمها لدرجة ما نحترم ديننا احنا دوله مسلمه بدال لا نبيع هالاشياء لازم نعترض بعدين اللي يقولون في كنيسه احنا ما نقول ان احنا راضين عن الكنيسه بس الشكوى لله بس عاد مو نحط راسنا بالارض ونقول شنسوي الحين الحريم يقولون لازم نتطور ونتساوى مع الرياجيل بكل شي اوكي هالمحل هذا حق حريم يعني مو واجد رياجيل يدشونه فاحنا ليه ما نعترض ونفضحهم ونقولهم ان مثل ما احترمناهم لازم يحترمونا وما يبيعون الشغلات لنا ولبناتنا لا وبالخشش والدس يعني تشترين بدي ولا جنطه وتفاجئين ان في صليب مرسوم عليه اذا هم يبون يشترون صليب يروحون لديرتهم يشترونه من هناك مو يبيعونه عندنا ولا على واجهات المحلات
يا بنات لازم يكون عندنا شخصيه ونقدر ندافع عن ديننا ونتكلم بكل حريه مو نخاف ونسكت ونقول كيفهم مدام الدوله راضيه احنا شنقدر نسوي يمكن الدوله غافله عن هالاشياء بس هذا ترى واجب علينا ان نتكلم ونقول ومثل مانحترمهم يحترموننا
وشكرا ارجو اني ما طولت عليكم بالحجي بس انقهرت من السلبيه اللي عند بعض البنات مع احترامي لهم

 

[([عطر رومانسي])]

بسوق الذهب من زمان

 

[شندوخه]

لووووووووووووووووول :dddds:
عادي شنو المشكلة حبيبتي

انتي بديرة ديمقراطية

يعني لا شفتي الصليب بنصير مسيحيين ؟؟

اكيد لا ..

ما انحط هالصليب الا حق اهله

ماعتقد فيها مشكلة ليش ما اعترضتي عالكنيسة
ليش ما اعترضتي على المقبرة المسيحية

خلي هذا

ليش ما تعترضون وقت الكرسمس
الي كل شي مخصص حق هاليوم ينباع بكل مكان ؟؟

يت على صليب

والي تقول احنا بدولة مسلمة والرسول قال كسرو الصليب
مو جذي نعامل غير المسلمين
منو قال هالحجي اصلا
الرسول حثنا اننا نحترم الديانات السماوية لكم دينكم ولي دين

ليش ابلغ واساسا الدولة فيها كنيسة وفيها مسيح
اذا في كويتيين بس ديانتهم مسيحية
يايه تقولين بلغوو على المحل لأن فيه صليب

فكرو شوي بمنطقية بعدين تكلمو

بس حبيت اعقب على كلامج
هذيله مو كويتين هذيله لبنانين وخذوا الجنسيه الكويتيه

 

[النوري]

المفروض ما ينرفع شأن المسيحين .. بالديره .. لأنهم يعتبرون ... نسيت إسمهم ..

يعني .. نحترمهم و نخليهم يصلون صلتهم . مو علنا .. ولا يدعون لدينهم بأي شكل من الأشكال .. ممنوع التبشير ...

ونبيعهم و نشتري منهم .. و نميزهم باللبس ممنوع يلبسون نفس المسلمين .. عشان يعرفون .. وما يقدرون ولا يقدمون على المسلم .. عشان جذي لبسهم غير ... عشان لا ينحط بصدر المجلس .. أو ينعطى وضيفه أكبر من وضيفة المسلمين .. إلخ إلخ ..


لحد يجادل ويقول من وين جبتي هالمعلومات .. روحو فتحو كتب الفقه .. مذهبي ( شافعي ) .. وتالي تعالو جادلو . .أما ماعمرج فتحي غير كتاب الدين .. خبرج فيه برابعه ثنوي .. وجايه تبين تتهاوشين .. لأ ..



يعني الصليب ممنوع ينباع بديار المسلمين ..

 

[« لـ / غيـرگ »]

آصلا سيدنآ إلي رفعه الله لسمآ ينزل ويكسر الصليب إلي موجود بديار المسلمين ,,~

وهذا معنآته إنها بتنتشر عندنآ بشكل ملحـوظ

 

[ترف 111]

شسالفه عادي احنا حتى بالدول الوروبيه فيه مساجد واحنا لرحنا امريكا واللا لندن نمشي بحجابنا وعادي يضحكون معانا ويسولفون اشفيكم انتوا عن التدقيق بهالامور

 

[toreto]

الله لا يبلانا ويكافينا الشر
الصليب كل مكان موجود

مرات تشترين شي بدون ماتدرين تلقين فيه صليييب

و مو لنا هالصليب حق المسيح على قولتكم


يسلمو على هالموضوع ^_^

 

[[[ عيون جابر ]]]

مادري احس يعني عشان الكويت فيها من جميع الجنسيات وفيها من جميع الديانات مو شرط لنا يمكن لآسيوين
تسلم ايدج وشكرا على خوفج وحرصج

 

[آبـلـہ نـونـو]

ويـــه ,,

آلحين عندنآ كنيسة طوؤوؤول بعرض !!

هذآ بيأثر .. ؟؟

صج إن شي يضيق آلخلق

بس لآ حول و لآ قوؤوهـ ..

الله يهدي آلجميع ,,

 

[asiii]

عادي حبيتي حق المسيحين مو بس قلايد بكل مكان اشوفه والاخت الي تقول ستاره ايكيا عليها صليب علم السويد بكبره عباره عن صليب وهوصاحب ايكيا ورافعينا عند الباب شي طبيعي بيحطونه باثاثهم بس احنا ما ننتبه...

 

[لآ بيرلآ]

اختي انتي شاريته ؟!

و عموما .. الدولة تكفل حرية الاديان

و الاخت اللي تقول لمن شفتيه جان قطيتيه بالزبالة .. عيل لا تزعلون لمن تسمعون انهم سووا شي أذوا المسلمين و الا مااحترموا مسيد و الا مااحترموا حجاب
المسألة مسألة مبدأ .. و الرسول عليه الصلاة و السلام اكثر من مرة وصانا على هالامور !!
و لا تقولون و الله اهمه ما يحترمونا .. شكثر منا راح دول اجنبية ما عمري شفت احد مسكنا و غلط علينا و لا شي
صحيح ان في شواذ بس لا تعممون الشر .. و هالحالات ما عليهم شرهه

و اتوقع احنا بزمن اللي عيالنا لمن يشوفون الصليب ما يفكرون يشترونه عشان ينقص عليهم ..

و بس سلامتكم

 

[WHO CARES!]

انتو اذا بتطبقون سالفه احترام الاديان ولازم كل ما نروح دوله تحترمها لا بالله رحنا فيها شخلينا لفرنسا ما توقع قلاده على شكل صليب بيأثر فينا مدام جذي عيل اذا رحتو ديره مسيحيه لا تلبسون حجاب مو تقولون احترام ديانتهم ولا تصلون علني عشان ما نجرح ديانتهم ولا تصومون هذي مو سالفه لكم دينكم ولي دين ما فيها شي اذا عندنا كنيسه او انباع صليب كل واحد يؤدي شعائره الدينيه باحترام والبنات اللي مو موافقين بوجود كنيسه او احتفال بكرسمس عندنا عيل لا تلمون فرنسا لمن طبقت قانون منع ارتداء الحجاب !!!

 

[N.O.O.R]

الدستور الكويتي فيه نص على يكفل حرية الاديان بعدين اقصاه صليب والمسيحيه دين سماوي ما فيها شي ما اغصبوا الناس يشترونا واكيد ماحد راح يشتريه الا المسيحيين حده عادي حبيبتي الموضوع ما يسوى

 

[Little_Queen]

بنات شدعوه مكبرين الموضوع

اكسسوار و معلق ، تبينه شريتيه ما تبينه لا تشترينه ، و برومود محل عالمي .. مو محل واحد كويتي عشان تصير السالفة على كيفه !


شدعوه عليكم بنات ترى مو صوره اباحية !! رمز ديني ... محد مجبور يشتريه !!

البضاعه و السوق مو بس حق المسلمين ، ديرتنا منفتحه و عندنا حرية بالتصرف ، ما رح نمنع الناس من أديانهم !!

 

[Little_Queen]

بتمنعون الكنيسة و الصليب .. منعوهم


بس لا تطلعون مظاهرات و صراخ و حرايق لي منعو المساجد و الحجاب في دول ثانية !!!!!!!!!!!!!

 

[اوركيدq8]

الدين تسامح و لازم نتعايش مع جميع الاديان

 

[Gears]

اممم مافيها شي =)

انا عبالي معلقينه بالافنيوز ولا شي =\
لووول


=) عادي عادي خو عندهم كنيسة ! مافيها شي كلش