صناديق صناديق ابي صناديق:(

[strawberry_q8]

قوه بنوتات مبارك عليك الشهر
تعبت وانا ادور صناديق كبيره او وسط ابي اشتغل فيهم وازينهم بنفسي بس ابي اسعارهم معقوله لأني ابي بحدود ال 10 الى 15 صندوق والي الاقيهم غالين ياريت بنات الي تعرف وين احصلهم ويكونون رخاص تدلني وراح ادعيلها دعوه من قلب بصلاة القيام بس بنات الصناديق الي اتحجى عنهم مو مالت القرقيعان لا الصناديق الكبيره نفس ملوت بيت العود وغيره تكفوون محتاجتهم ضروري ضروري
​

وشاكره لكم

 

[كويتية أصيلة]

اختي جربتي تروحين تشوفين اللي بالشايع؟؟

بس بصراحه ما اعرف اسعارهم عندهم وايد احجام

وروحي لاند مارك هم بعد عندهم صناديق بس هم ما ادري بجم

 

[الاسطورية]

في بدايسو سوالف حلوه يمكن تلاقين الياباني الي بالشويخ

 

[strawberry_q8]

مشكووورين ياحلوات على الرد
كويتيه أصيله _ اللي بالشايع شفتهم بس غالين وانا ابي كميه وهم الي بلاند مارك
الاسطوريه _ حبيبتي الدايسو وين بالضبط ؟
وشنو الياباني الي بالشويخ ياريت تفصلين اكثر ياقلبي

 

[الـــحـ دبدوب ــب]

اسمع ان بالسوق الايرانى فيه صناديق حلوة ورخيصه بس مادرى

 

[اعييز]

دايسو ياطويلة العمر بالشويخ صوب تروفاليو واي تو زد المهم بهالشارع تلقينه يم هومز آر اس دخلي هالدخله تلقينه



بس ترى مو كل شي ب500 فلس ترى غلاّ اسعاره سليحط تسلحطهم

 

[FOZQ8]

في محل بحولي اللي بالسرداب والله مادري شسمه بس اللي اعرفه انه يم محل زهور العبير
معروف وايد يصير بالشارع اللي فيه المطافي ومجمع بيروت على نفس اللاين
اظن اسم المجمع مجمع الحازم
بنات احس سويت لويه اللي تعرف المحل توصفه للبنت عدل
فظيع واسعاره حلوه وكبير وايد انا حق الهدايا والقرقيعان كله اخذ من هناك

 

[strawberry_q8]

مشكووووووووووورين على الردود ماتحرمش منكم يااحلى كويتيات

 

[اعييز]

مادري اذا نفسه اللي عنده بياع الورد اللافته مالته برتقاليه والكتبه بالاسود مادري الازرق ..

تقريبا نفس وصفج فوز


عند مستشفى دار الشفا

 

[strawberry_q8]

الي عند بياع الورد رحت له وهم صناديقه غاليه

اعييز _ مادليت الدايسو ممكن توصفين لي اكثر وينه عن ايكيا ؟

 

[صديقة د. شريفه]

ما انصحج في دايسو خرابيط مرابيط شغله واشكره قاصين علينا صج ان كل شغله ابنص بس ما يسوون ، اذا تبين اسلال يمكن بس علب ماراح تلقين اشياء عنده تسوى ، علبو انه كل شي ابنص كودت وطلعت ابعشرين دينار وياليت على شي يسوى كلها خرابيط، انصحج اذا في احد عندج يدل الاسواق الشعبيه اللي بالفحيحيل ، حتى محلات بو اميه عندهم احلى من اللي عندنا ، على الاقل ما اتحسفين واتحسين انه مقصوص عليج.

 

[الـــحـ دبدوب ــب]

تذكرت شحقه ماتروحين رامز
بتحصلين عندهم واسعارهم حلوة

ومن صج دايم اسمع يمدحون الفحيحيل روحى لهم

 

[نعومه]

روحي رامز اييب صناديق احجام مختلفه

 

[moors]

اول لفة علي ايدج اليمين بعد لفة ايكيا لفيها روحي سيدة تلقين دايسو علي ايدج اليسار يم هوم ارز بس هالصناديق ما تلقينها عندهم
انا ما خذة من تريفاليو علي 15 دينار حلوين وايد وكبار في اسود وفي فضي وفي جيشي وبالتنزيلات يطلعون ارخص .

 

[رقي]

انا شايفه بمحل
اذا تبين دزيلي عالخاص
اسعار رخيصه واحجام مختلفه
خذيت حق القرقيعان
وفي عنده كبار نفس صتاديق المبيت

 

[( نـــور البيـــت )]

بالنسبة لرامز بضاعته من تخلص مو شرط يجيب غيرهم يعني ممكن تروحين وتلاقينهم طاروا.
دايسو مايسوا لاتضيعين وقتك بزيارته (بضاعته اغلبهابدون جودة)
الصناديق غير مصبغين (يعني انت تصبغينهم) او خشب معتق مثل ماقالوا البنات في السرداب الي تحت بياع الورد بحولي (مقابل لدار الشفاء) واحلى مافيه أن ورود الزينة والشرائط يهبلون عنده(مثل الموجودة ببيت الهدايا).
إذا لك روحه للفحيحيل بقصر السلطان السرداب ورا المواعين محل زهور مجففه صناديقه روعه واسعاره زينه واطلبي منه يوفر العدد الي تبينه.
عموما اغلب الاسواق الشعبية فيها محلات زهور وتحف عندهم هالصناديق.

 

[strawberry_q8]

يابعد عمري والله ماقصرتوا

 

[s3ad]

ستروبري روحي سرداب الشايع اللي بالمباركية
السوق اليديد اللي فيه الزل والافغان هناك مقابل الصرافين تحت
تلاقين كل شي عندهم

 

[@بنت الكويت@]

رقي ماعليج امر وين صاير المحل

 

[strawberry_q8]

مشكوره سعاد ان شالله الاقي الي ابيه