صوايغ من ماليزيا

[منيرره]

السلام بنات

اللي راحت ماليزيا ياليت تفيدنا شنو شرت صوغه حق خالتها ولا خواتها ولا أمها وشنو ممكن تتميز فيه الاسواق :klhfl:
بنات فيدونا

 

[haneen]

وانتي بكرمة الجواتي(كعب - صندل - جوتي ) .. روووووووووووووووووووعه روعه

ديزاين و سعر وكد وراحة ..

وايد ارخص من هنيه

وحتى الشنط التقليد درجة اولى حلوة .. خواتي وصوني عليها ..

وعجبهم الديزاينات ..

وطبعا ملابس اليهال الفنتق عجيبين ..

انتي لما تروحين هناك راح تشوفين شوي محلاتهم تختلف ..

وفيها شغلات حلوة وايد ورخيصة .. مع انها من مجمعات حلوة مو خربوطة



وموفقة ياقلبي

 

[%الجورية%]

مشكووره ياحنين ياليت باجي البنات يفيدوا
يعطيج العافيه منيره عالموضوع

 

[ms_5ajoola]

يقولون كلمن يروح ماليزيا لازم اييب معاه صوايغ جواااااااااااااااتي

 

[M!$$.3NoNa]

الجواتي عجيبه عجيبه

مجمعاتهم كبيره وراقيه مثلنا واكششششخ بعد


في محل اسمه فينشي هذا ميرت منه لي السنه اليايه وفي محل بعد ثاني ياربي نسيت اسمه تقريبا tsc لايفوتج هذا كله في مجمع بيراميد الي في صن وي لاقوون


وحتى محلات مكياجهم حلوووه وايد روحي شوفي الي يعجبج

 

[ArEEj]

صوايغ في سجادة العود
وفي البخور والعود
وطبعا الجواتي بس كل وحده فيهم اخذي لها اكبر برقم
والبلايز والتي شيرتات
الجناط والبوكه
اكسسوارات وساعات
بتحتارين اصلا شنو تاخذين من كثر الاشياء اللى جدامج

 

[أم حمودي**MALL**]

انا شريت سجادة العود
من السوق الصيني تشيرتات بولو ولاكوست تقليد

البلايز اللي تشب ليت من جنتنغ
وفي محل بمجمع لوت تن او سنغ وي مادري اي واحد فيه تيجان للبنات مع شبصاتهم وايد حلوين الطقم ب800 فلس!!

 

[bambena]

ام حمودي اي صوب بجنتنغ ؟

 

[المتفائله دائماً]

مجمع لوت تن في العاصمه

 

[أم عبد الله]

عن نفسي أمس راجعة من ماليزيا بالسلامة واي هالسنة الأشياء فضيعة كل شئ حلو ماشاء الله ماتدرين شنو تاخذين عندك كصوايغ عن نفسي رحت مصنع الكاكاو واشتريت منه 10 أكياس كاكاو كل كيس فيه كيلو وسعر الكيلو بالكويتي 6 دنانير بس شئ يسوى وحلو وبعد اشتريت بلايز للعيال والحلو فيهم اذا شريتي كمية من ماركة معينة يعطونك هدايا هذا اللي صار معاي عطوني 6 صناديق حلوة وايد هدايا للأطفال وحطيتها صوايغ بعد من ضمن الأغراض وبعد شريت جواتي وجنط هذه الصوايغ حقي لا اقدر اعد ولا احصي

 

[أم حمودي**MALL**]

ام حمودي اي صوب بجنتنغ ؟

بامبينا تلاقينه بالمجمع نفسه اللي فيه المحلات فووق واهوه نفسه اللي فيه الالعاب الداخليه

اوضحلج اكثر تلقينه جهة قرية الثلج في كشكات صغار اهناك اهوه مو حل لا كشك وتلاقينه كل عارض بلايز يشبون ليات

بلوزة اليهال تطلع بدينارين ونص تقريبا اما الكبار اغلى شوي

 

[bambena]

مشكوره حبيبتي

 

[أم حمودي**MALL**]

ام حمودي انا شريت حق ولدي منهم


بالمحل اشحلاتهم يشبون بس لما رديت الكويت ماشب الليت

لا يكون غسلتيهم بماي ترى يختربون لان الوايرات من داخل

لازم بس تبلينهم بماي مو غسيل وحتى البطاريه اللي داخل تشيلينها

 

[(ذلتهم عيوني)]

الصراحة احنا اذا رحنا هناك نشتري ملابس داخلية ماركة sloggi حدها اتينن وتظل معاج

وينفع حق صوغات ترى الوان وموديلات اتينن وفناتق

 

[%الجورية%]

الصراحة احنا اذا رحنا هناك نشتري ملابس داخلية ماركة sloggi حدها اتينن وتظل معاج

وينفع حق صوغات ترى الوان وموديلات اتينن وفناتق

وين مكانها بالضبط ؟؟

 

[(ذلتهم عيوني)]

حبيبتي تقريبا كل المجمعات فيها هالماركة بس بالضبط اي مجمع حدي ما اذكر لان من زمان مو رايحة ماليزيا وان شاء الله بروح هالصيف

 

[منيرره]

اللي ذكروا سجادة العود الله يسلمكم وين أحصلها

ومشكورين