صوبكم قاصده الوجهه يابلسم العله:://::اوربــــ2013ــــا

[قلب الزعابي]

هذا الفندق خخخخ مجابل الشلال لا تستغربون تراها صوره حقيقيه مو رسمه او شي
صدق صدق سبحان الخالق طبيعه خلابه والله
واضح فالصوره نفس الدخان ترا هذا من الشلال بسبة قوته ماشاء الله



احم احم شو رايكم بتصويري

عقبها تصورنا وخلصنا ردينا السياره لان بدت الدنيا تظلم يعني اتخيلو فالجبال وظلام صدق يخوف اكثر خخخخ





شوفو هالكرسي مسوينه مادري لييش جنه كرسي رئيس عصابه او الهنود الحمر خخخ والنص راس بقره مادري عنزه :eh_s(10):
قعدنا وتصورنا وسرنا



ونحن رادين الفندق
صلينا وريحنا وطلعنا اتعشينا ماكدونالز ونمنا

خلص هالبارت
يلا ابي ردود تشجيعيه كالعاده عشان اتحمس واكمل الباقي :eh_s(15):

 

[قلب الزعابي]

مااااشاءالله اجواء روعه


شنو اكثر شي عجبج ؟؟

هلا حبيبتي
والله كل مكان وله شي يميزه
وكل مكان اروع من الثاني
كفائه المناظر والأجواء
سويسرا وايد وايد غاليه يعني اللي بتسير تزيد الميزانيه :eh_s(1):



:eh_s(7):

 

[جامعيه]

استمتعت جدا بتقريرج روووووووعه الله يهنيج ولا يضرج يارب كملي متابعينج

 

[أحبكم فـ الله]

ماشاءالله رررررررررررررررررررررووووووووووووووووووعه
كملي كملي

 

[نـعـومـه]

اي سويسرا اغلى دوله اوربيه قالولي



انزين النمسا شلونها فيها نشاطات وماكن سياحية ولا بس طبيعه ؟؟

 

[قلب الزعابي]

اي سويسرا اغلى دوله اوربيه قالولي



انزين النمسا شلونها فيها نشاطات وماكن سياحية ولا بس طبيعه ؟؟

امممم سرت النمسا يوم واحد قعدنا في سالزبورغ تابعيني حبيبتي
بس للأسف يوم واحد مايكفي وامرنا وايد اماكن
بس روعه وخبال

 

[قلب الزعابي]

باك من يديد
شحالكم حبيباتي
بصراحه انا صدق زعلانه لان الكل يتابع ومحد يرد علي :eh_s(16):
غير تعب تصغير الصور وترتيبهم وكتابة التقرير شي متعب وانا متحمسه اسوي وفالنهايه محد يرد غير 2 او 3 :eh_s(11):
............................



لجل اللي ردو فديتهم بحط جزء بسيط الحين لين مااشوف ردود :yaaaaaarb:



..................................ز


بسم الله نبدا
فديتكم خبرتكم قبل انه في ميموري ضاعت عني وهي لقارمش في المانيا قضينا فيها يوم واحد
والله كل الاماكن الروعه قعدنا فيه يوم ليييتنا مددنا يلا المهم خذنا فكره والمره اليايه بنروح الاماكن اللي عجبتنا :rerrerek:

المهم ابشركم اني لقيت الميموري والله استانست من كل قلبي :yaaaaaarb:

وطبعن لازم ارواي الحلوات قارمش لانها خطيره

المهم ثاني يوم وصول عقب ميونخ انطلقنا لقارمش

هاي صوره للدرب



الجو خباااااااااااااااااااااااااااااااال



مااذكر بالضبط كم خذنا من ميونخ لقارمش بس مب وايد حول الساعتين يمكن ماادري



هني اول ماوصلنا قارمش

طبعن كنا نمشي عالجارمن كنا حاطين الفندق ووصلنا لمكان مب جنه فندق خخخخ قلنا يمكن مطعم

نزلنا ولا طلع فندق هو الوحيد 5 نجوم

اللوحه الخضرا فوق مكتوب اسم الفندق ريندل



هني نبركن موترنا



مدخل الفندق



اللوبي





المطعم ... اتريقنا هني



الغرفه



الحمام تكرمون

 

[قلب الزعابي]

الجو كان باارد
نصيحه
اللي تروح اوربا في كل طلعه خلي الجاكيت معاج لان الجو ينقلب عندهم وبردهم فضيع
بالذات ميونخ كان بررررررررررد بالليل نتنافض من البروده
في كل طلعه لازم الجاكيت معاكم :ggdw:




منظر من البلكونه هذا تكملة الفندق



هني بعد

(( بشكل عام الفندق حلو تقيمي له 8 من 10
الفندق ملموم وصغير ولكنه راقي وديكوراتهم حلوه ونظيف وايد المشكله اللفت وايد صغير يكفي شخص ونص خخخخخخ الريوق مالهم مول ماعجبني مع انه منوع ولكن مب شي
اما الباقي روعه ))


المهم اول ماوصلنا غرفتنا ريحنا مال دقايق وعقبها طلعنا
ركبنا السياره دورنا اماكن لقينا قمة ثلجية وبحيرة امبسي



ونحن رايحين لقينا هالمكان روعه روعه يفتح النفس وقفنا فالدرب وتصورنا هواء عليل يرد الروح
ياربي شي عجيب


وبس بوقف لين هني لين الاقي تشجيع هههه
لا تفوتكم قمة امبسي والبحيره

يلا اترياااكم :eh_s(9):

 

[بخـــارى]

ماشاءالله
تقرير حلو
وسويسرا والنمسا احسن دولتين من ناحية الطبيعه

ناطره باجي التقرير

 

[جـوود الحب]

لايوقف متابعين فديتك

 

[قلبي تركواز]

متااااااابعينك رووووووعه

 

[قلب الزعابي]

السلام عليكم
مبارك عليكم شهر رمضان اعاده الله علينا وعليكم بالخير وكل سنه وحول يارب

حابه اكمل معاكم سفرتي الروعه الى جنة الدنيا :eh_s(15):

وصلنا الى قارمش
ورحلتنا كانت لقمة ابسي والبحيره

قمنا الصبح واتريقنا بالفندق على اساس اتريقنا بوفيهم مو حلو ابد عشان جي ماصورته خخخخ

المهم بعدها حركنا للقممه



اول ماوصلنا المكان



هني خذنا جوله لان ماكنا عارفين شو السالفه وكيف نروح للقمه تمشينا لين لقينا شباك تذاكر وسالنا
انه نروح بالقطار للقمه مدة الروحه بالقطار حول النص ساعه بصراحه انا مادري كيف سوو القطار بين الجباااال والمكان صدق يخوف ندخل انفاق وكهوف يعني السكه فنص الجبل

قالت نطروا لين ماايي القطار الجو كان مشمس بس بارد والشمس تروح واتي



وصل القطار
وجك وجك وجك الكل يصور خخخخ



هالصوره فالقطار



وصلنا القمه كنا منبهرين من الثلج واااااااااااااو
المكان فيه مطعم وبقالات وهني للتزلج
الجو كان حار مب حار حار نفس جونا خخخخ بس حار نقدر نتحمله معتدل على فكره وشمس


اخليكم مع الصصور











شوي واكمل

 

[قلب الزعابي]

بعدها صعدنا تلفريك ثاني ووددنا الجبل الثاني





محل يبيع ملابس وكل مستلزمات الشتا واككاوات وحلويات واسكريم



حاطين هالتلفزيون يبين لنا درجات الحراره ومادري شسالفة هالمخططات لاحظو كم درجة الحراره حاطه عليها دائره



اسكريم على هالجو خخخخخخخخ

عقب مالعبنا بالثلج وخلصنا نطرنا الباص وطلعنا بنروح الجزيره بس للاسف امسكره وماشي انشطه لان الوقت اتاخر



هني رايحين صوب البحيره





اللي هناك فندق





فيه قوارب للاسف مالحقنا كان امبند ولا نموت على هالسوالف :eh_s(11):

ونحن رايحين للسياره



فالنهايه طلعنا ولابد ان ناكل وقعدنا محتارين شو ناكل وندور فالجارمن مطاعم
كلمت ريل اختي الله يعطيه العافيه وقت الازمات يطلع خخخخ
وقال روحو مطعم ايطالي يسوون بيتزا على الحطب
وعطانا اسمه وضبطنا الجارمن ورحنا له

لا يفوووووووووووووووتكم لان لذيذ لذيذ لذيذه البيتزا والله

ماعرف شو اسمه بتشوفون مكتوب على الصحن



هذي شوربة سي فود مانصح بها خخخخ
شكلهم تخصص بيتزا بس لان الباقي ماكان مميز



طلبنا سيزر سلد بس ماخلو خضره ماحطو فيها خخخخخخخخخخ



البيتزا تراارارارارا

حجمها كبير وايد توهقنا وطلبنا اربع بس لذيذه :eh_s(15):

بعدها تمشينا في قارمش شوي وعقبها حطينا راسنا ونمنا

وكانت الوجهه انترلاكن من صباح الله خير

هالله هالله بالردود

 

[بخـــارى]

يعطيج العافيه
ناطرين باجي التقرير الحلو

 

[@@@ام حمووودي@@@]

يعطييييييييييييييج العافيه عالتقرير انا صراحه توني قاريه التقرير وحييييل اندمجت معاج وخصوصا سفرتنا بعد العيد ان شالله وناطره التكمله :eh_s(17)::eh_s(17)::eh_s(17)::eh_s(17):

 

[طيبة83]

واااااايد حلو تقريرج كملي

والبيتزا يوعتني

 

[موله الكويت]

حبيبتي يهبل تقريرج ماشاء الله
واوروبا ان شاء الله تخطيطي حق الصيف الياي باذن الله
حفظت تقريرج عندي بالمفضله

 

[كوارين]

ماشاء الله تقريرج روووووووووووووووووووووووووووووووووووووووووووووووعة
كملي ناطرة باجي التقرير

 

[قلب الزعابي]

ان شاء الله اكمل فديتكم
من عيوني
تسلموووون حبايبي

 

[قلب الزعابي]

مرحبا رجعت لكم
اكمل لكم تقريري
بنكمل يوم طلعنا من قارمش رايحين انترلاكن بحط لكم صور من الدرب



ونحن طالعين رحنا المحطه نصب ديزل طبعا اخدم نفسك خخخ

صور من الدرب









هذا الدرب فالجبال وسيد رون سيد



وانفاق
طبعن هالنفق عادي تشوفونه
اما اكثر شي انفاقهم طويييييييله من 3 كيلو و10 كيلو اتخيلو ويكون فنص الجبل



خواتي لا تنسون قبل تدخلون سويسرا ضروري الاستيكر تاخذونه من اي محطه
ولا راح تتخالفون




شفنا هالبحيره ونزلنا نتصور



بعد ما دخلنا سويسرا شفنا مطعم جنب المحطه نزلنا نتغدا وليتنا مانزلنا
تشوفون هالهمبرجر 4 وجبات ب 400 درهم وشي مادري كم عندكم
وماتستاهل ابد مب شي الله يزيد النعمه
سويسرا وايد غاليه ترا