صورتي لمسربة

[q8_84]

جزاج الله خير على الكلام الرائع

الله يسامحنا ان شاء الله بس انا ضحكت على مكياجها ومنكيرها مو على لونها وخلقتها

بس حبيت انبهج ان انتي حاطه الصوره بتوقيعج والكل يشوفها خصوصا شباب واهي لبسها عاري فبالطريقه هذي قاعده تكسبين ذنوب زياده

*

 

[ليلو جبريت]

اغلب اللي علقوا على الستايل مو على شكل البنت .. اصلا اهي مو قبيحة صج سمره بس ملامحها عادية

بس ستايلها مرعب صراحة الحواجب بصوب والوان الشدو والمكياج فلم لو انها مو حاطه مكياج بتكون احلى يمكن من شكلها جذي

وانا احس انها مو كويتيه او خليجية اتوقع افريقيه ومو بالضرورة اهي كاتبه الموضوع صج جايز احد تعاطف معاها وكتب ونشر هالموضوع

انا الي تعاطفت معاها وكتبت الموضوووع
اظنج ماقريتيه كامل لو قريتيه جان عرفتي
وثانيا حتى لو تطنزوا على الميك اب مالها هي مو فنانه عشان نعرض صورها ونحكم على الميك اب وستايلها

هي انسانه عادية حتى لو كانت افريقية ومالنا حق نتمسخر عليها

ترضين ان حد يصورج وانتي حاطه ميك اب في عرس ويتطنز عليج وعلى الميك اب تبعج
وكفاية ان الغرب يتطنزون دوم علينا
يعني عادي لو نوديلهم صورة اي وحده حاطه اطنان من الميك اب راح يتمسخرون عليها


المغزى ان نحن مو من حقنا نحكم على الانسان لان الله خالقه وترى الموضوع مو بس عن الصورة الموضوع عن وايد بنات لما يشوفون وحده سمره يطنزون عليها ويقولون لها يالعبده والله انا غلطانه بعد

 

[om MaRyooM]

صح والله .. خوش موضوع


بس اهي بعد الله يهداها مهولة بعمرها بهالمكياج !!

 

[3oosh <3 MJ]

استغرب وجود العنصرية رغم تحضرنا وتطورنا
الكفار تجاوزوا هالمرحلة، والمسلمين اللي هالشي موجود في ديننا لحين موجودة عندهم.
بس الصورة شكلها استعباط، انا احسها جذي
معقولة عروس يكون شكلها جذي؟!
يعطيج العافية حبوبة

 

[ليلو جبريت]

جزاج الله خير على الكلام الرائع

الله يسامحنا ان شاء الله بس انا ضحكت على مكياجها ومنكيرها مو على لونها وخلقتها

بس حبيت انبهج ان انتي حاطه الصوره بتوقيعج والكل يشوفها خصوصا شباب واهي لبسها عاري فبالطريقه هذي قاعده تكسبين ذنوب زياده

*

ان شاء الله بشيلها بس لان البنت ناشرين صورتها

 

[جوف الليل]

شنآآطرين لـ حين حذفوا الصوره ومسحو الموضوع !! < البنت < مالها اللزوم الصوره لـ حين موجوده ..
وشـآكرييين لكم ..
وكلنا من طييين !!

 

[وش عـاد بـاقـي]

الله يجزاااد خيررررر والله حرااام الله لآ يعطيها خير اللي مسربة الصورة

 

[روح مغليهآ]

حسبي الله علي سربت الصوره

 

[Killer^Girl]

حتى انا ماحبيت الموقف

 

[أنثى اليمامة]

- مساء الورد ..
اول شي احب اشيد باسلوبج ليلى ، والجو الي عيشتينا فيه ونقلج الملامس جداً لمشاعر البنتَ ..

ثانياً بالنسبة للموضوع في أمرين احب اذكرهم أولاً التطنز على خلق الله أمر لا ديني ولا اخلاقي .. لو كنا مسلمين فهذا مو من صفات المسلمين والمشكله ان الناس الان ماخذين الدين عاده مو عباده ، وحتى لو ما كنا مسلمين لو حتى لو كنا كفار والعياذ بالله ناخذ الأمر من جانب أخلاقي انساني // لان هذا أمر لا اخلاقي ولا انساني .. وتقييم الانسان شكلياً امر يدل على التفاهه والسطحية .والفراغ ..

ثانياً : بالنسبة للبنت بصراحه هي ساهمت بشكل كبيره بالتطنز عليها ،، لان ذاتياً مو راضيه على شكلها ولا مقتنعه بما وهبها الله تعالى ، يعني ليش كل هالامور الي حاطتها والي مسويتها ،، الانسان لازم يرضى بما اعطاه الله ولما الانسان يقتنع بنفسه ويثق فيها ، اياً كان مرح يقدر انه يتكلم عليها ، او يلامس شخصيته او هي فعلاً مقتنعه ذاتيه وتشعر الأخرين بأنها مقتنعه بما وهبها الله ، الانسان الي يقدر ذاته يعكس هذا على الآخرين ويقدرونه غصب عليهم .. ذكرتييني بايام الدراسه كان في بنات سمر جذي مثل البنت ومره جايبين صور لهم بعرس ،، يعني انا انصدمت صدمه العمر ، ما توقعت انهم لهالدرجه متأثرين بلونهم مع انه عاادي ، كلنا خلق الله والعنصريه هذه من عادات الجاهلية ، وارث جاهلي قديم ، ، تخيل كانوا تارسين اجسامهم كريم ابيض ، كانه بودر وصاير لونهم اخضر ، يعني تغيير اجباري ، للون ، وبطريقه مبهدله جداً ..
الانسان بايده انه يسمو بنفسه ويعكس هذا الشعور على الأخرين وبايده انه يهين نفسه وبالتالي يتجرأ الاخرين عليه ..

ادري طولت واايد بس الموضوع فيه ابعاد اخرى غير البعد الديني ...


اشكرج ليلى فعلاً ، مميزه دوماً وابداً ...

 

[سنووايت__]

يطنزون على خلقت ربج !!؟؟
مرات البنات تتطنز على لبس على تسريحه على ميكاب لانه من صنع البنت نفسهااا

لكن يطنزون على خلقت ربهم حسبي الله ونعمه الوكيل علبالهم انه هين ولكن عن الله كبير

والمضحك بالموضوع لووو تشوفين البنات الي يتطنزوون امبييييييييييييه يمكن اهي تخترع وماتنام اسبووع

نااااااس سخيفه وفاااضيه اوكي علقت وقالت جيكره وسوده الخ وبعدين !! شنوو المضحك بالسالفه شنو استفادت او فادت الناس من هالحجي !!
بس خذت اثم وضيعت وقت الي يقرون


بعدين احب اقووول حق البنت بالعكس حبيبتي ضحكي عليهم اول شي يمعتي الف حسنه تفيدج يوم القيامه ثاني شي البنت الي صورتهااا اشكره ميته قهرر منهاااا وتبي تحرهااا
بالعكس لو مكانه اتصل على البنت واقولها اوكي جيكره بعيونج بس ملكه بعين ريلي ويبوس الارض الي امشي عليهاا بعد واختارني من بد هالبنات الي تعتقدين انهم حلوين وخذاني لانه يموت فيني ويبيني اكون ام اعياله
خليناا الحلا لج يمكن ينفعج ;p

اشفيني اشتطيت هههههههههههههه لا جد لانه مااحب المسخره تصدقين حتى بالمسرحيات لما يتطنزون على الممثل المتين ولا الطويل ياااااااااااربي ملااااااقه مااكو نص بس تطنز وملاااقه

 

[عزوتي خمس صقور]

حسبي الله ونعم الوكيل​

 

[ام عفاف الكويت]

اللى يحكم على الناس من اللون او الشكل هذا مو انسان بكامل قواه العقليه
مو الجمال كل الدنيا كافي الروح الطبيه
والله خلقنا وكلنا سواسيه
تسلمين ياقلبي ليلي

 

[za3emah_92]

كلنا انخلقنا من طينه وحده

حطي نفسج مكان هذي البنيه

شنو رح يكون شعوووورج؟؟؟؟ :rgewrg:

اكيد رح تتضايقين وما تنامين الليل

 

[امونة 2000]

اللة يسامح الى ضحك عليها وحسبى اللة على الى نشرت الصورة

 

[جوانا2010]

بصراحه مااحب هذي النوعيه من البنات
مدري ليش يعلقون بسخريه واستهزاء احسهم تافهات
خلاص مو عاجبك هذا الشخص لاتعلقين وتكتب عليك سيئه يمكن يكون عند الله احسن منك.......
مشكوره

 

[بنوته مكه]

حسبي الله ونعم الوكيل​

 

[um 7m0o0d]

حـسبي آلله ونعم الوكيل

 

[nora al]

حسبي الله ونعم الوكيل على رفيجتهاا اللي نقلت الصووره حسبي الله عليهاااا !!


عوورت قلبي القصه اجر بااذن الله

 

[عمرها السعودية]

اية والله كل شي الا التطنز على خلق ربي اوكية نعلق على لوك على حركة معينة

بس المسخرة ماحد يرضاها والحمدلله اني مو من هالنوع اللي يشوف خلقة ربي


رسمة رسمها واحد ويجي غيرة يتمسخر يبي يمسح شي ويضيف شي كلنا من


طينة وحدة وان اختلف الشكل حنا ياللي اشكالنا مقبولة وحلوين مانحب حد يتطنز


علينا فكيف هي المسكينة والحمدلله هي راضية بشكلها .. وحسبي الله على من


نشرت صورتها تلاقيها بكرة والدنيا دوارة والله يستر على هالمسكينة ويوفقها ويسعدها


ومشكورة ليلى .. الله يعطيك العافية