طبق اليوم مرقة باميا
طريقة المرقه نفس مرقة المرقوقه بس اختلاف بسيط
اول شي نفوح اللحم ( مع البهارات الخشنه )
هيل - ورق غار - فلفل اسود - عود دارسين - ثوم - بصل - قرنفل - اشوية ملح
نخلييي يطبخ عالنار لمن اللحم يطرى نشيله
الحين نحمس بصل وثوم ونحط اللحم فوقه ونحمسه عدل
ونحط البهارات ( بهار لحم - كمون - مشكله - كركرم - زنجبيل )
وبعدين نحط البطاط - الجزر ( انا احب اضيف خضار في ناس بس يحطون بامبيا )
ونحمس ونحط المعجون الطماط ونحمس ونحط طماط مبشور
ونزيده ماي مغلي ونحط مكعب ماجي واحد
ونحط ملح على حسب الرغبه
وننطر اشوي يطبخ اللحم مع الخضار
اخر شي نضيف البامبيا المثلجه ونحوس
ونصكر الجدر وعلى نار هاديه خلوا يطبخ
وهذا الشكل النهائي
وبألف عافيه
