صور أكلات من تطبيقي متجدد

[nono78]

مشكورين بنات ما قصرتوا حبايبي


صدى الأفراح

كيفك ياحلوه وكيفك مع الدايت ان شاء الله مستمره


وطريقة الكيكه انا حاطتها من زمان بقسم الحلويات بس التزين شكل تاااااااااااااااااااااااااني


الكيكة الجاهزه ( روبن هود ) الخليط الذهبي

بس بدل الماي احط حليب

ونص علبة قيمر كي دي دي صغير

وهيل مطحون
وزعفران

وزينتها بالتوفي و صلصة هيرشي ولوز مبشور

وكان عندي الوان زينه ( طالبتها من الأنترنت) حددت الكيكه فيها خخخخخخخخخخخخخ

عشان جذي سميتها عرس

هولت فيهاااااااااااااااااااااااااا كتييييييييييييييييييييييييييير


بس طلعت حلوه

 

[nono78]

بنت الأحلام ياقلبي

مشكوره عالدعوات

ويارب الله يعطيج على قد نيتج ويرزقج من اوسع ابوابه

 

[nono78]

مشكوووووووووووووره يابعد جبدي والله قطيت عن الموضوع مالي خبر فيه ابتلشت ويا هالامتحانات الحمدالله الحين عطلنا وتفرغنا

والله الاطباق كلها يشووووووقوووون ..... فيليه السمج شكله مو طبيييييييييععيييي صج يووعني انشالله بجرب اسويه مع باستت الربيان بس بعد بيمع وصفات ... ماااقصرتي الغاليه وماتشوفين شر :tek: :tek:

يالله استمتعي بالعطله

وان شاء الله تكونين من المتفوقات يارب والله يسهل دربج

 

[ام كتكوت]

ماشاءالله .. تبارك الله
تسلم ايدج والله يعطيج العافيه
انا متابعتج ترة وايد استفدت منج مشكوره مره ثانيه خيتو

 

[ثقتي بالله كبيره]

اليوم شفت كل الصفحات اللي فاتت

ما شاء الله ,, كلمة روعه شويه عليج ,,

وهم عجبني طبق المحاشي لصدى الأفراح ,, شكله عجيييب ,, يا ريت لو تحطين الطريقة

موفقين يا حلوين

 

[miss-fofo]

مشكوره اختي نونو

بس ليش اطباقج الاخيره الوصف على السريه

او كريمه ستعملتيي

وشنو الصلصه الي على الطبق الاخير

 

[nono78]

مشكورين حبايبي ما قصرتوا

ومس فوفو اطباقي مو عالسريع

بس الوصفات متكرره تقريبا

مثل ستيك بالخضار كنت كاتبه طريقتها بالتفصيل ستيك بالمشروم

وخلطة السبانخ والدياي مع السبانخ كنت مسويتها مع طبق ثاتي والحين مع الباستا عرفتي


والطبق الأخير حطيت طريقته حق صدى الأفراح مع الردود وبل اصح حاطة الطريقة في قسم الحلويات


والصلصه عباره عن

صلصه هيرشي الجاهزه

وصلصة توفي الجاهزه

ولوز مبشور


وبس حبيبتي الكيكه جاهزه ماركة روبن هود الخلطة الذهبيه

وحاطه فيها هيل وزعفران ونص علبة قيمر وبدل الماي حاطه حليب

وسلامتج

وعادي اي شي مو عارفته حبيبتي راح اكتبه لج بالتفصيل مافيش مشاكل

 

[nono78]

طبق اليوم كشري




اول شي نحتاج حق الكشري 3 أشياء رئيسيه

عيش

عدس اسمر (بوجبه) الصغير

ومعكرونه صغيره




الطريقه

الكميه تقدرون تغيرونها حسب عددكم

نغسل 3 أكواب عيش ابيض ونقعه نص ساعه

نغسل كوب ونص عدس اسمر ونقعه نص ساعه

ونحتاج 3 أكواب معكرونيه الي جنها ربيانه


اول شي نصفي العدس من الماي ونفوحه بماي مغلي لمن ينضج ومعاه + اشوية زيت
مكعبين ماجي خضار (حق النكهه) وقفشه كمون + قفشة كاري + بهارات مشكله + قفشه كركم

بعد ما يستوي نضيف العيش اذا الماي شويه نضيف ماي ونغطيه اشويه ونخليه يطبخ على نار عاليه لمن يشرب الماي اشويه

نحط الجدر على نار هاديه (اصغر عين) وتحت الجدر الحديده



والمعكرونه طريقتها سهله



بجدر بروح نفوحه مع 3 قفاش كبيره ملح وزيت ونخلي يطبخ

وبعدين نشخله ونغسله بماي بارد ونرده بالجدر مع اشوية زيت و زبدة ونخلي يكمل باجي السوا بالجدر وتحته الحديده


وبعدين نقص بصلتين جوانح

ونحمسه مع اشوية زيت لمن يتحمش ويصير اسمر ويابس اشوي مو وايييييييييييييييييييييد
ونخلي على ورق النشاف عشان يمتص الزيت


نييي حق وقت التقديم

ننجب العيش بصحن ونضيف المعكرونه وفوقه البصل المحمش





واستخدمت صلصة الكاتشاب الحار معاه لأن ريلي ما يحب دقوس البيت بو طماط فما سويت





وهذه طريقة الصلصله للي يحبونها

5 فصوص توم دقيهم مع ملح ثم قلبيهم مع الزيت لحد ما يحمرواثم احضري
4 حبات طماطم مبشورين + 2 او3 فلفل حار اخضر +شوية ماء اضربيهم في الخلاط وضيفيهم على التوم
لحد ما يغلوا شوي ضيفي 2 ملعقة صلصة طماطم + ملعقة كمون صغيرة + 2 ملعقة كبيرة خل ابيض او اكتر شوي حسب ما تحبون
وبس خلوا يطبخ عالنار لمن تتماسك اشوي



وبألف عافيه

 

[صدى الأفراح]

كشرررررررررررررررررري؟؟؟؟؟؟؟؟ مممممممممممممممممممممممممممممممم بجنن انا مره عملتو وصورتووووووو بس مو لاااقيه الصوووووووره اهئ اهئ اهئ بتجنن تسلم ايييييييييييييييييييييييييييدك مره تانيه احكي بكره شو رح تعملي وصبي بالصحن أكتر من هيييييييييييك هالكميه مابتكفيييييييني

 

[كويتيه مذهله 87]

تتتتتتتتتتتتتتتتسلم اييييييييييييييييييييييييدج خييييتو

 

[مستشاره قانونيه]

ماكو على كشري امي عجيييب

تسلم ايدج خانوووم

يوعتيني

باي

 

[mngo67]

طريقة الكشري وايد حلوة وأسهل من الطريقة المعتادة
تسسسسسسسسسسلم يمناج علي هالوصفات

 

[rooh23]

ما في صور

 

[bint_looda]

قبل امس سويت اللزانيا مره ثانيه الطعم عجييييييييييييب ماشاء الله
مشكووووره يابعد جبدي والله ..... خل اروح اتغدا من ادخل موضوعج ايووع :dddds:

 

[بنت الاحلام]

فديتج ع الكشري طريقه سهله وحلوه ومبين سهل وانا احبه حيل

 

[nono78]

مشكورين حبايبييييييييييييي

عالكلام الحلووو

وفي وايد طرق حق الكشري

انا سويت السهل واللذيذ

تقدرون تحمسون العدس مع بصل قبل لا يطبخ بالماي يحطي نكهة أحلى


والحين بحطلكم طبق اليوم

 

[nono78]

اليوم سويت تكا مشويه

طلبت كيلو تكه متبله وخالصه من اللحام



طبعا انا حطيتهم بعواد خشب

وقبلها نقعت العواد لمدة ربع ساعه بالماي

عشان وقت الشوي لا يحترقون




واهني بعد الشوي





وسويت حمص



طريقته

علبة حمص بالخلاط

حبتين ثوم

واشوية هردة

وزيت زيتون

وليمونه وحده


وسويت سلطه



جزر مبشور
خس
طماط
خيار

والصلصه جاهزه مايونيز من مارك سبنسر وايد حلو


وطبق اليوم حده سهل ما يتعب

 

[ام سويرة]

ما شالله تبارك الرحمن
تسلم الايادي
حلوة الحركات بركات والافكار اللي فيها تغيير عن المعتاد
وان شالله تقومين بالسلامه وتحطين لنا أطباق صحية
عشان امشي عليها لما أولد ان شا الله>>>الحمدلله على ما اولد تكونين مطلعه وخالصه ومالج حجه عن المطبخ

 

[nono78]

ام سويره حبيبتي

الله يسلمج يارب

وان شاء الله انتي بعد تولدين بالسلامه

من صججججججججججججج

بس اولد بقول حق المشرفات يحذفون الموضوع لووووووووووووووووووووووووووووووووول

 

[mngo67]

اول شي تسلم ايدج.....ثاني شي شلون شويتي التكة بالفرن ولا شواية الكهربا
والتكة من اي لحام ماخذته......التطبيق لازم بالصورة والحرف )