صور أكلات من تطبيقي متجدد

[nono78]

تسسسسسسسلم ايدج نونو ماشالله عليح
انشالله بسوي البريوش باجر باذن الله واذا مداني اسوي الشوربه انشالله

نون عفيه ابي طريقه الباستاا بالسبانخ ضروووووووووووري

الجواهر حبيبتي ان شاء الله اشوي واحطها

يالله يا نونو شدي حيلج حق رمضان كل عام وانت بخير

وانتي بخير حبيبتي
والله يعينا يارب

ادري شوي قديمه ،،،
بس صمونة الطلياني حدها عجيييبه ،،، و الكفته بعد ،
مشالله مشالله ،،، كل اكلج حلو _03ba:
انا توني اجوف الموضوع ،،، فقاعده اقراه من الاول ،،،
شوي و تطيح سعابيلي :dddds:​

هلا حبيبتي فطومه
لالالا مو قديمه حياج الله نورتي الموضوع

نونو يعطيج العافية ومبارك عليكم الشهر

بغيت اسال مرة قلتي شغله نسويها عشان الاسباكيتي او الشعرية ماتلزق ؟؟؟؟؟؟

ذكريني فيها

الله يعافيج حبيبتي علينا وعليج يارب

والسباجيتي بعد ما اشخلها اصب عليها ماي الفاتر او البارد من الفلتر عشان لا تلزق

والى البايركس على طول

 

[nono78]

طبق اليوم حمسة جبده ( لحم)



المطلوب

جبده من اللحام

بصلتين كبار مقصص جوانح

4 حبات ثوم مقصص

فلفل اخضر حبتين مقصصه طوال

بهارات لحم + لومي بودر + قفشه صغيره ملح + فلفل اسود + بهارات مشكله

صويا صوص المعتدله

دبس الرمان

عصير نص ليمون

نحمس البصل والثوم في ربع زبده وزيت وبعده الجبده ونحط البهارات والصلصات ( انا ما عندي مقادير احط جذي)

وبس لمن يستوي

يقدم مع الخبز والجببس والحمص والسلطه


شوفوا الصور ( اليوم احلى غدا)











وبألف عافيه

 

[nono78]

طبق الباستا بالسبانخ والدياي والذره والمشروم
الي مسويته مستشاره قانونيه (أختي)

بعد ما تنسلق الباستا بالماي والزيت والملح


نسوي حمسه الدياي

بصل وثوم يتحمر

نضيف سبانخ مقصصه (مثلجه)

ذره

مشروم فرش


ونضيف الدياي المسحب او مقصص مكعبات (يكون مسلوق قبلها مع المطيبات)

ونحط بهارات دياي + بهارات مشكله + زنجبيل بودر

ونضيف مكعب ماجي واحد دياي

وعلبة كريمه


ينخلط مع الباستا وينحط بالبايركس


نسوي الصلصه البيضه

نحمس 3 قفاش طحين مع زيت لمن تروح التكتلات

نضيف 3 علب حليب كي دي دي

مكعب ماجي واحد خضار او دياي

ونصبه عالباستا ونخلطه

نغلف البايركس دور ماداره بالقصدير

وبالفرن على حراره متوسطه لمد ساعه

وقبل التقديم ترش بالجبن الموزريلا

وبالف عافيه

 

[مستشاره قانونيه]

يوعانه

 

[||الجـــواهـــــر||]

بعد قلبي نونو مشكووووووووووووورة وماقصرتي وتسلم ايدج انتي واختج والله يخليكم لبعض انشالله

 

[احلى عروس2009]

تسلم ايدج كل الاطباق واااااو

 

[الحراير]

نونو نبي اطباق بارده لرمضان وتسلم ايدج حبيبتي

 

[omyousef 1980]

يعطيج العافية على الاطباق الحلوة شكلها وايد حلو

 

[ror44]

يعطييييييييييييييييييييييييييييييييييييييييييييييييييييييييييييييييج الف الف الف عافيه
صج موضووعج روووووووعه
وكلها اكلات سهل انا بالاول عبالي صعب الطباخ طلع مثل تجارب العلوم امشي وحطي بالمقاديير
ومشاءالله حاطه صور المكونات عشان ماانضيع مشكوره
وصلت صفحه 24 عساس لا اضيييع

 

[يحق لي الغرور]

شغلج رووعه

يعطيج الف عافيه

 

[فطـــومه]

واااااااااااااااااااي ,,,, شكل الجبده عجييييييييييييب ,,, :ggdw:
عاااد غرامي ,,, القلوب و الجبود و الجلاوي _03BA:
موضوعج لازم يتثبت بدال المره ,, مليوووووووون :eh_s(6):

 

[fruit salad]

الله يهنيج عالنفس الحلوة:eh_s(6):
ماشاء الله طباخج لذييييذ​

 

[ام طماطه]

مشكوووووووووووره اختي اطباقج وايد حلوه انا توني مبتدئه بالنت واشتركت بهالمنتدى عشان ارد عليج واقولج ان شالله بطبق اطباقج لاني ماعرف شي بالمطبخ

 

[amtar]

الصراحه موسووووووووووووعه عجيبه للطبخ والله

وعلى فكره انا مسويه حفظ حق كل أكلاتج اللي اهني وسويت لهم برنت وخليتهم مثل الكتاب

وبما اني على ويه زواج

بطبقهم برمضان الحين وبتعلم الطباخ على ايدج :ggdw:

وتسلم ايدج والله

بس لي طلب صغيروون اذا ما عليج أمر
ابيج تكثرين من السويت ( الحلويات ) الجيس كيك وهالسوالف تنفع برمضان
وبصراحه اقدر اخذهم من قسم الحلويات
بس احس انتي غير وأكلج له لذه خاصه ما شاءالله

وعسااااااااااااااج عالقوه ان شاءالله​

 

[خاشووقه]

مبـــــارك عليج الشهر
و الله يعطيج الصحه والعافيه

 

[بنت العبيوي]

تسلم يدينك حبيبتي
مشكورهـ على الموضوع العسل
تقبلي مروري..

 

[ror44]

يعطيج الف عافيه
وصلت 40 لا اضيع

 

[سر الجاذبية]

يـــــــبــــــــــــــــــــــــــــــــيــــــــــــــــــله
اول مره ادخل قسم الطبخ وبصراحه استفدت حيييل
من هالموضوع وصلت تقريبا صفحة 40 وان شاءالله اكمله بعدين
وجاري التطبيق ويسلموو نونو

 

[nono78]

اول شي

حبيت اباركلكم الشهر

مبارك عليكم الشهر وتقبل الله طاعتكم واعمالكم في هالشهر الفضيل

وياااااااااااااااااارب كل سنه تصووومونه وكل سنه تعوووووووودونه


ومشكورين عالكلالالالالالالالالالالالالالالام الحلووو بعد قلبي يا بنات كلكم من غير استثناء

 

[nono78]

طبق الرنجينه بالجوز




ترا هالطبق وايد سهل وصراحه ما استغنى عنه في رمضان

لازم افج صيامي فييي مع قلاص لبن


الطريقه سهله وايد نحتاج

طحين

زيت

تمر او رطب

جوز
دارسين مطحون


اول شي نقص التمر بالنص ونطلع النواه ونحط مكانه نص يوزه ونصففه بصحن



بعدين نيب حدر ونحط الطحين انا استخدمت تقريبا 7 قفاش طحين ووالزيت تحطون وتحوسون لمن تحسون قوامه صار زين

شوفوا الصور





طبعا تحوسون فيييه لمن يعطيكم اللون البني الخفيف الحلووو

وتحطونه عالتمر بهالطريقه وترشونه بالدارسين وتزينونه باليوز
عشان الي ياكل يدري فيه يوز







و بالف عاااااااااااافيه