صور زوجي !!!!

[ام عفاف الكويت]

مادري بس اختج يفرق جم عمرها ؟
مراهقه ؟
واااي ماقدر اقولج تحبه اخاف يطلع لج
او اقولج شي
لاتفجين السالفه مع ريلج ابد تبطلين عينه
كلميها وشوفي ردت فعلها بس بدون صراخ

 

[Om_Ksha]

لا تسولفين عن ريلج جدامها
ولا يكون بعد ماخذه رقم تلفونه !!

 

[مرايــــــــم]

اللــــــــــــه يعينــــــــــــج

 

[*أم*خالد*]

لوووووووووووووووووووول

شهالفقر اللي اختج عايشه فيه ؟؟ خلصو الرياييل ؟؟

استغفرالله يارب لا تبلانا

المفروض تعتبره مثل اخوها وتحاول تتجنبه كثر ماتقدر لأن يظل مو محرم والعلاقه معاه خطره مو مثل الاخو

مادري شتسوين والله مادري امبيه حدها قويه

 

[عادت ذكرياتي]

أولا : حبوبة إنتي غلطتي أكبر غلطة لمن عطيتيها لاب توب ريلج ....
والله يهديها يارب

 

[هوازن العتيبي]

رد : صور زوجي !!!!

الله يعينج

 

[غمزه وإبتسامه]

اتوقع بتسوي لج مفااجأه بتسووي لج فلم بعيد زواجكم وتعطيه لج عشان تعرضينه لزووجج صفي النيه

 

[خزامى]

يا أختي انتي في البداية سويتي شي مايجوز شرعا واهو انج نبشتي في فلاشها هذي نزوة ومراهقة وبتختفي لي تقدم لها أول عريس وراح تندم انها فكرت بريل أختها يا اختي دام اختج زينة وماعندها سوالف طوفي الأمور ولاتتكلمين عن زوجج جبالها ولا تييبن طاري اهلج لريلج وانسي الموضوع ولا تتهورين ترى الموضوع مو هين وممكن اذا تسرعتي تصير لا سمح الله خلافات مالها أول وتضل طول العمر انسي يا اختي وخطبي لها بس ها مو يقول لج ريلج ابي مرة حق صاحبي وتقولين له اختي موجودة يعني تصرفي بنباهة الله يالف مابين قلوبكم

 

[Cander]

لوووووووول

مراهقة حدها ، انا اقول كلميها فهميها ان اللي قاعد تسويه غلط

وحطي بالج اكثر

 

[خزامى]

حبيبتي انا راح اقولج حل ثاني غير عن البناااات
انتي تقولين انه اختج مكاره ومحد راح يصدق لانه مدلعه والكل يحبها ويمكن تقلبها عليج وتقولج انا سوييييتهم حقج عشان تفاجئين ريلج صح؟؟

الحين شنو الحل اول شي تاخذين الفلاااش ولا تحسسينها انه انتي اللي خذيتيه على بو انه ضايع
ثاني شي لاتخلينها تيي بيتج كله قوليلها مالي خلق مليت من بيتي وولهانه على امي بزورها ونتيمع كلناا احسن
ثالث شي كله ذمي بزوجج عندها قولي مايفرش اسنانه ومايتسبح وايد ومايحط مزيل عرق كشخته عالفاضي بس هالكلام بينج وبينها شوهي صورته جدامها بس خليه بعيييينها اعفن ريال بالدنيا لا تقولين حرام كرهيها فيه واياني وياج تقولينلها عن علاقتكم او شنو يابلج وشنو سويتيله قوليلها اهوا بصوب والرومانسيه والحب بصوووووب

بما ان اختج مكاااره يمكن تحقد عليج لانج شوهتي صورتها جدام اهلج وتحاول انها تييب راس ريلج

وتأكدي انها مو ماخذه ايميله من اللاب توب واذا تقدرين خلي ريلج يغير ايميله بس لا تشككينه كلش

الله يحفظ ريلج لج ويخليكم حق بعض ويهدي اختج ويرزقها ولد الحلال

أنا كتبت ردي فوق ورد هالاخت نفسي وكفى ووفا

 

[قهوة عربية]

امبيييييييه .....هالزمن كل ماله نكتشف بلاوي فيه

حبيبتي اخذي الفلاش ومسحي كل الصور اللي فيه

ولاتخلينها تمسك اللاب توب مال ريلج أبدا عشان ماتنسخ صوره مرة ثانية

وإذا هي ماكرة ....صيري امكر منها ....

يعني كرهيها بريلج ....وقول عنه كلام جدامها انه يطنز عليها ....

و كله يقول عنج انج دايمن عندنا ماعندج بيت ......أو كله لابسة هالهدوم ماتغيرينها .....أويقول عنج ريحتج مو حلوة .....

وقولي لها يقول ريلي عنج انتي قبسة ....المهم خلها تكره ريلج كره العمى ....

وهي راح تدافع عن نفسها ....وتطلع فيه كل العيوب ....وراح تنظر له نظرة ثانية كلها كره وحقد

بعد أمرج لله .....من لاحيلة فليحتال

انتي تقولين عنها دلوعة ...وأهلج ماراح يصدقونج ....فقطعي ريولها عن بيتج خير شر

 

[بدويه دلع]

رد : رد: صور زوجي !!!!

رووحي كلمي احد من اهلج فاااهم وعاااقل ويتصررف بحكمه قبل لااااايطح الفاااااس بالرااااااااس
واختج وقفيهااا عند حدهااا وقووولي لااااااااحقه على الحب والمصخره نصيبج بيجيج لاتهدم بيتج بااااجر ولاتسكتين علمي امج عنهااا ولايوووصل اي شي حق زوجج افتكي

 

[fr7ty]

رد : صور زوجي !!!!

يارب لا تبلانا..

ماعندى شىء ازيده البنات كفوو وفوو..الله يعينج

 

[نبض انثى]

استغفر الله ربي ,,

واجهيها آحسـن

 

[Tulips]

رد : صور زوجي !!!!

الله يعينج

مادري انا لشوف انه احسن حل تقعدين معاها وتكلمينها بشكل مباشر

الاستعباط ماينفع بهالحاله

لازم تقطعين نفسها

 

[الصعيريه]

رد : صور زوجي !!!!

واجهيهااا لاتسكتين
وإذا نيتهاا زينه ليش مآعلمتج إنها مآخذه الصوور...؟!!
وديري بالج لاتجيبين طاري لزوجج ولاتخلينها تجي شقتج ثاني مره

خلااااص مآعآد فيه أمان..

 

[شهودددة]

حبيبتى اخذى الفلاش عندك
وكلمى اختك وقفيها عند حدها وهدديها اذا ما وخرت انك بتعلمين امج واخوانك

واذا ماتعدلت علمى اخوانك وامك واذا انكرت وريهم الفلاش
واذا انسخي الفلاش والله يهديها

 

[hooryah q8]

رد : صور زوجي !!!!

لا تكلمينها على غشمره ولا تقطين نغزات
هالموضوع مو عادي .. ناديها قوليلها ابيج ابموضوع وكلميها على انج امعصبه ومتنرفزه وخل اتقولج ليش الصور عندها و ماخذتهم بالفلاش وفهمي منها كل شي .. لا تضحكين معاها ولا تكلمينها ابهدووء .. اذا بتشوفج باارده معاها راح اتجذب وتألف عليج سالفه ..


وخل الي صار درس لج .. لاب توب زوجج محد يستخدمه غيره و لا تسولفين لها وايد عن ريلج وتمدحينه جدامها ..

وبعد ما تكلمينها زعلي عليها علشان اتعرف غلطها .. 20 سنه مو صغيره ولا مراهقه .. بس يمكن ماشافت احد اقبالها غير ريلج وجذبها شكله لانه مثل ماتقولين يحب يكشخ ..

واذا تفاهمتي معاها بالموضوع خلاص ماله داعي احد يعرف بالموضوع او امج تدري عنه

اموفقه حبيبتي

 

[الـفـجـر الـبـعـيـد]

رد : صور زوجي !!!!

لازم تكلمينها وتعرفين منها السالفه عدل وتمسحين الصور ولا احد يدري بالسالفه خليها بينج وبينها

واهم شي زوجج لا يدري عن شي عشان لا تفتحين عيونه \\\\ وانا مع البنات اللي قالوا لا تدخل البيت

خصوصا بروحها ودايما ذمي ريلج جدامها ولا تمدحينه

 

[fdeet_shosho]

احذفى الصور من الفلاش ولاتقولين شي لزوجج
ولا تزورج فى بيتج ابد ولاتجيبين سيرت زوجج عندها عشان ماتتعلق فيه
وتاكدي انها مو على علاقه مع زوجج روحي تاكدى من تلفونها وتلفون زوجج او من الكمبيوتر لايكونون بالمسنجر ويا بعض انتبهي ولا تامنين لحد