صور زوجي !!!!

[عشيقة ريلها]

بنااااااااات واضحه مثل الشمس المره تقول حاطه صورتها مع ريلها
وكاتبه احبك بتجررب على الفوتوشوب وتتفنن الا على صور ريل اختها ولا بعد بايقه الصور بالخشيش

اشدعوه صور شكثرها بالمواقع والمنتديات
مالقت تجرب الا على ريلها خوش والله

مشكله اختي انج مسحتي الصور وكان اثبات لها

يعني لو واجهتيها او قلتي لاحد عاقل بصدقونج

جذي ماراح تستفدين لو بتقولين لها لانه راح تنكر خاصه انه حذفتي الصور

شوفي تجنبيها حاولي ماتجي عندج ريلج موجود لانه مستحيل بطردين اختج

حتى لو قلتي لها بينج وبينها ااهلج وريلج بيستغربون مع المده انها ماتجي

بس حذريها وقولي لها انج دريتي وطوفتي بكيفج مو علشانها

وراقبيها يمكن تشوفج دريتي تبطها وتلصق اكثر تصير اشكره عندها

وطبعا ريييييييييلج لا يدرييييي عليها مليون خط احمر لانه بدقق فيها بعد

ولاتتكلمين عن ريلج جدامها ابدااااااا الا بتذمينه حتى لو بالجذب

....


شنو قررتي انتي تسوين مع اختج .......؟

بعد ماحذفتي الصور ؟


الله يعيينج صراحه

يعني السالفه حدهاااااا قويه

 

[$الماسة حساسة$]

رد : صور زوجي !!!!

حبيبتي اختج حبته من كلامج عنه
مهما كان هذي اختج
لاتكلمينها الفلاش ضيعه.كسريه.قطيه بالزباله
اقطعي رجلها من بيتج عطيها عذر لو تقولن زوجي مانعني من استقبال احد
كرهيها بزوجج وانسي السالفه
صدقني مرحله وتعدي وراح تتزوج وتحب زوجها وتضحك على نفسها..هذا يسمونه اعجاب
حافظي على علاقتج بختج..وزوجج
الله يهديها..ويوفقج مع زوجج

 

[خفايا قلب]

هالامور يبيلها حكمه تصرفي ببرود لانها توها صغيره وروحي امسحي كل اللي بالفلاش واهي بتفهمها منك مافهمت كلميها بهداوة؟

 

[ام الوردة]

ترى سوالف مراهقة للحين

ويمكن لقته اول ريال غريب عنهااااااااااااا

واجهيهاااااااااااا

 

[om MaRyooM]

^
^
الصور خلاص مسحتهم .....
بنات ترا ريلي عادي مو حلووو
انه اشوفه مملوح
اغلب اللي شافووووه يقووووولون عنه جيكر
مدري شلي عجبها فيه
لو مزيون يمكن .......ما كو سبب مقنع يخليها تحطه ببالها .......
ع فكره انه وبنت عمي تزوجنا بيوم واحد
زوجي مو حلووووو كلش
زوج بنت عمي مزيون ما شاء الله عليه والله يخليه لها
واختي تزورني وتزور بنت عمي في نفس الوقت .. لان احنا رابين ببيت واحد ونعتبر بعضنا خوات اوكي
واهي تزور بنت عمي وحيل معاها واالاخيره مدخلتها بيتها وحياتها ما اشوف سوت لها شئ .....شمعنى انه؟؟؟؟؟!!!!!

مو لازم اذا تزوجتو بنفس اليوم يعني لازم تحب الاثنينه

ومولازم زوجج يكون حلو ووسيم عشان البنات يحبونه . .

في بنات يحبون شخص معين لمجرد انها تغار من زوجته .. الي اهيا انتي

ويمكن تشوفج قبل لما تتكلمين عنه او تشوف اسلوبه معاج .. من هني حبته الظاهر

وشدراج يمكن تدخل بيت بنت عمج وتسوي نفس هالسوالف ومعجبه بزوجها بعد ..البيوت اسرار
وحاولي تحتاطين اكثر من اللازم .. ولو تقدرين نبهي بنت عمج .. بس المشكلة صعبة !

الله يعينج والله جد مصيبة هذي


الله يحفظكم من كل شر

 

[ريمي اميري]

رد : صور زوجي !!!!

طيب يمكن بتزينهم وتنسقهم وبتعطيكياهم !!!!!!!!!!!!!!! ما اعتقد انها تحبه!!

 

[دمعه ندم]

وااااااااي ودي امسك اختج واسطرها واعلمها ان الله حق والله لو انا منج ادق عليها واقولها تعالي واول ما اشوفها امسكها واشكل على ويها اطرااااااااااقات وعقب اجرها من شعرها وارضها بلارض واروح اخر الغرفه واجي طاااااااااااااايره وادوس بطنها لمن تطلع مصارينها واحشرها بالزاويه واعطيها بوكسات بوكسات بكسات لمن يورم ويها ويصير ازرق وعقب اقولها الحين حبيبتي تقدرين اتصورين وتدمجين صورتج مع صور زوجي لوووول امبيه حدها اقهرتني الله يكون بعونج حبيبتي والبنات ماقصرو عطوج خوش نصايح انشالله تنفع

 

[واصله]

الله يعينج لازم تواجهينها بصراحة شي ماينسكت عنه

 

[^^نـــواره^^]

حبيبتي اختجاذا صغيره ومراهقه احس شي طبيعي عندها نقص وتفكيرها لي الحين ياهل

لا تشكين ان بيوم تحب ريلج قبل عرفتي

علي غشمره قوليلها مره بطلت لابتووبج ولقيت صور ريلي شلون وصلوا عندج بس علي غشمره وشووفي ردت فعلها

,,,

معاها

لا تبينين لها انج زعلانة او متأثرة بيني لها ان السالفة عادي عندج

ترى المراهقة او المراهق اذا تبينهم يتعلقون بالشي وخريه عنهم او هديدهم انج بتوخرين هالشي اللي يحبونه عنهم​

 

[hooryah q8]

رد : صور زوجي !!!!

حبيبتي غلطتي يووم مسحتي الصور .. المفروض ماتمسحينهم وتخلين الفلاش عندج
الحين مسحتيهم يالله نطري شوفيها شتسوي اذا لاحظت انهم ممسوحين ..

بس حبيبتي اذا لاحظت انهم ممسوحين لازم لازم اتكلمينها حتى لو اختج مكاره و تحلف جذب واتعرف اتلف وادور واطلع روحها من السالفه .. مع كل هذا لازم اتكلمينها لا تصيرين اضعيفه وانتي معاج الحق واهيا الغلطانه واتخلينها ولا تكلمينها وتخلينها تكمل غلطها ..

الحين اقل شي اتبينين لها انج دريتي عن الصور وانج انتي الي مسحتيهم وشوفي ردت فعلها وضروووووووووري اتكلمينها ..

ترا انتي الكبيره واهيا الي اصغر منج !

اموفقه حبيبتي

 

[عشيقة ريلها]

شوفي دام انج حذفتي الصور لاتبين لاختج انج حاذفتههم قولي لها اخذت الصور وانتي محتفظه فيهم في مكان ثاني

بس مشكله لو احد من اهلج يمكن مايصدقونج

اذا انكرت وقال اهلج يبون اثبات لو احد بيدري غيرج اختاري الشخص اللي يثق فيج ويصدقج

طبعا غير ريلج

 

[قمة الرضا]

كله ذميه عندها شكلا واخلاقا

 

[!@Bling@!]

القلــب دآآعيــــــــلج ،،

الله يكون بعونج

 

[عاشقة-الكفيل]

رد : صور زوجي !!!!

ديري بالج تلمحين حق زوجج او تبطلين عيونه عالموضوع خوفج يفتح مجال حق اختج المسكينه الي واضح انها عايشه باحلام اليقظه
ديري بالج ترى وايد صارت من قبل

 

[مزهريه]

شوفي، خلينا نحط النقاط على الحروف...
طبعا علاقتك مع اختك أبدية، يعني طول عمرك راح تكون هي اختك.
وفي المقابل، نتمنى علاقتك مع زوجك تكون أبدية...

برأيي ان اختك تحب ستايل معين، ومو بالضرورة تحب زوجك، لكن ما تعرف تعبر عن شعورها. ومسألة تعاملها مع صور زوجك، مجرد دليل على ان ماعندها علاقات مع أحد (مجرد علاقة وهمية مع ستايل معين).

أما طريقة التعامل معاها، فهي بسيطة...
احضنيها، وقولي لها انك تحبينها، وانك مستعدة تتنازلين لها عن أي شيء عندك. والبقية مسألة تربية، فإن كنتوا من أسرة تجمعها المودة، فهذا كفيل أن يرد اللي في بالك.

بهذي الطريقة تتجنبين المواجهة، وتحافظين على الثقة بينك وبينها...

خليني أضيف ان احنا لو بحثنا في أفكار أي إنسان، لوجدنا ما يكفي لإتهامه بأشنع الجرائم. ولكنها تبقى مجرد أفكار. والكمبيوتر الشخصي مسألة شخصية جدا، وتخص أفكار شخصية لا يجب أن يتم التعامل معها على انها جريمة...

 

[Zen&7ala]

رد : صور زوجي !!!!

امبي اختج بدعت

اللهم لا شماته ترى والله شي يعور القلب !! ليش تسوي جذي !!

انزين نطري يمكن بتسوي جذي حقج يعني بتسوي فوتوشوب حق صور ريلج و تعطيها لج عشان تهدينها حق زوجج ! (يا رب يكون جذي)

 

[Čut!e Quèéи]

واضح انها سارقه صور زوجج من لابتوبه

الضاهر عايشه مراهقه متاخره

وحاسه ان هالشي عادي ومن حقها

ليش تحذفين الصور ؟؟؟ ضيعتي الدليل من ايدج

اولاً لاتخلينها تلتقي فيه ولا تكلمه الا بالصدفه وثانياً قولي حق زوجج الي صار

و قولي له ابيك تساعدني ترى مافيها شي مو عيب قولي انا شاكه اختي تسرق صورك لاني شفتهم عندها

عشان يفهم الموضوع ويصد عنها لو تتصل او تحاول تشوفه واهي قعدي معاها واذا ما نفع النقاش زيدي الجرعه وادبيها

 

[ليتني مـآ كبرت]

رد : صور زوجي !!!!



خسارة مسحتي الصور جان واجهتيها فيهم

يمة الله يستر ألحين الواحد قام يخاف حتى من أقرب الناس له

 

[غالـيـهـ]

رد : صور زوجي !!!!

قولي لها السالفه وانج دريتي عنها بس لا تعلمين رجلج عن سالفتها صديقيني راح يفتح عيونه عليها عاد
وغيري اسلوبج وياها وحسسيها انج محتقرتها

 

[Čut!e Quèéи]

وااااااااي ودي امسك اختج واسطرها واعلمها ان الله حق والله لو انا منج ادق عليها واقولها تعالي واول ما اشوفها امسكها واشكل على ويها اطرااااااااااقات وعقب اجرها من شعرها وارضها بلارض واروح اخر الغرفه واجي طاااااااااااااايره وادوس بطنها لمن تطلع مصارينها واحشرها بالزاويه واعطيها بوكسات بوكسات بكسات لمن يورم ويها ويصير ازرق وعقب اقولها الحين حبيبتي تقدرين اتصورين وتدمجين صورتج مع صور زوجي لوووول امبيه حدها اقهرتني الله يكون بعونج حبيبتي والبنات ماقصرو عطوج خوش نصايح انشالله تنفع

هههههههههههههههههه

حرام عليج مو جذي عااااااد :eh_s(3):

ترى واضح انها ياهل ومعجبه فيه

حسبالها شي عادي الي تسويه