صور شعري دخلو بلييييييز

[(مزاجية)]

السلام عليكم كويتيات​

في بداية الموضوع بقوللكم سبب عرض صور شعري .. السبب هو انكم تدعون لي بس لا اكثر ولا اقل .. لاني جربت كل الحلول الموجوده ومافادني​

الله يعلم شو سبب تساقط شعري ​

الحمدلله ما اعاني من مرض ولا شي ..​

تقريبا جربت كل شي ما عدا زراعة الشعر بقولكم الاشياء اللي جربتها​

جربت حبوب فيتامينات للشعر ​

جربت الامبولات​

جربت ابر الشعر اللي هي الميزوثيرابي​

جربت الزيوت و الخلطات ​

جربت الثوم و البصل​

جربت الحنة و السدر​

جربت الصبار​

جربت اخذ حبوب زيت كبد السمك​

جربت اقرا على عمري الرقية الشرعية​

و للاسف ما حصلت اي نتيجة من اي شي من الاشياء اللي جربتها ​

فالحين املي الوحيد الدعاء .. ​

عمري 25 و مب متزوجه احيانا افكر منو اللي بيرضا يتزوجني عقب ما يشوف شعري ما اضن في حد شراتي اصلن :eh_s(2):​

اي عرس او مناسبه اسيرها اتم بشيلتي و اذا بضطر اعق الشيلة .. البس باروكه كامله من البيت لان الاكستنشن ما يغطي جدام .. وطبعن اتم طول الوقت على اعصابي عن اطيح الباروكه و ما تبون تعرفون الشعور بعد ما اعق الباروكه .. اكره عمري واتم اصيح .. الله لا يبليكم ولا يبلي اي حد .. ما اقول غير الحمدلله​

حتى في بنات استوو يخافون يراووني شعورهم عن احسدها .. مره سألت وحده شو تحط في شعرها مب قصدي احسدها بس قصدي من السؤال يمكن احصل شي يديد ينفع حق شعري عاد هي شايفه شعري و تعرفه كيف مخلص .. استوت كل ما تشوفني تتشكا من ان شعرها بادي يطيح وشكلها انحسدت .. من جي حتى ماقمت اسال اي حد عن الشعر​

انا ما كنت جي قبل .. بالعكس قبل شعري كان غليظ وايد و ناعم و الحين من كثر ما يطيع مستوي خشن مع ان طبيعة شعري ناعم ​

اتركم مع الصور​

هاي صور شعري .. كان مبلل شوي​

وهاي من عالطرف

ادعولي و انشاء الله شعري يرجع شرات قبل بس .. و ما اقول غير الحمدلله على كل حال​

 

[ام عزيزان]

الله يشافيج ويعافيج ويرد لج شعرج مثل ما كان

والرقيه لازم تستمرين فيها وماتقولي ما فادتني كلام الله والادعيه يبيلها صبر والله يحب عباده لما يدعون له

وصلي الليل وادعي

وجربي السدر والحنه

 

[..~Goolz]

حياااااااتي ..
الله يرجعج شعرج زي اول واحسن بعد

بس جربتي كل الحلول
سوي زراعه طيب اذا تقدرين تروحين لبنان فيه امكان زيينه هناك للزراعه
او سوي بمنطقج

 

[(مزاجية)]

شو الفايده ازرع و عقب بيرجع يطيح

 

[جنوني عيونك]

تعورين القلب والله قطعتي قلبي
ترى حتى انا شعري ضعيف
بس مو ضعف شعرك
لاتتحطمين ترى في ناس اضعف من كذا
احسسن شي لك تحطين بشعرك ريجين
يطلع الشعر ناس كثير فادها بس لما تتركينه يرجع يطيح بس
يمكن ماينفع معاج الا كذا
والله يعافيك يارب
استغفري ربك على طول بنيه ان شعرك يتحسن ولا تتركينه

 

[غيابك حلم]

الله يشفيك جربي زيت الخروع مو خسرانه شيء

 

[ام عزيزان]

ليش ما تقرعين شعرج وتخلينه يرد يطلع من الاول

بس الاول استخيري احسن

 

[عمرها السعودية]

داومي على الاستغفار بنية انك تبين شعرك ينبت خلي الاستغفار دايم على لسانك او في قلبك


وخلي شعرك يتنفس لاتلبسين الشيلة على كل وقت الا اذا بتطلعين .. وان شاء الله يارب مايعدي


هالشهر والشهر اللي بعدة الا وشعرك صاير كثيف وحلو .. وتجين تبشرينا وانتي فرحانة ..


فية زيت ينبت الجذور اسمة جدايل من عبد الصمد القرشي مكتوب علية مانع تساقط الشعر متكامل


وفية انواع الزيوت .. باذن الله بينفعك بس داومي علية

 

[همسة الاحساس]

الله يشفيك ويرجعه زي قبل

 

[(مزاجية)]

الله يشافيج ويعافيج ويرد لج شعرج مثل ما كان

والرقيه لازم تستمرين فيها وماتقولي ما فادتني كلام الله والادعيه يبيلها صبر والله يحب عباده لما يدعون له

وصلي الليل وادعي

وجربي السدر والحنه

استغفر الله مب قصدي مافادني كلام الله كان قصدي مافادني كل اللي سويته .. مشكورة عالنصيحه .. السدر و حنا نشفت شعري بس ما خفف تساقط :bbbiu:

 

[فقيرة الحب]

في هذا اليوم الفضيل أسأل الله العظيم رب العرش الكريم أن يشفيك.
بس حبيبتي لو ماطلعتي شعرك عشان حرام وانتي تبين الشفا من الله..

 

[(مزاجية)]

ليش ما تقرعين شعرج وتخلينه يرد يطلع من الاول

بس الاول استخيري احسن

هههههه ضحكتيني والله كيف اقرع شعري و اتم جي قرعه في البيت

داومي على الاستغفار بنية انك تبين شعرك ينبت خلي الاستغفار دايم على لسانك او في قلبك


وخلي شعرك يتنفس لاتلبسين الشيلة على كل وقت الا اذا بتطلعين .. وان شاء الله يارب مايعدي


هالشهر والشهر اللي بعدة الا وشعرك صاير كثيف وحلو .. وتجين تبشرينا وانتي فرحانة ..


فية زيت ينبت الجذور اسمة جدايل من عبد الصمد القرشي مكتوب علية مانع تساقط الشعر متكامل


وفية انواع الزيوت .. باذن الله بينفعك بس داومي علية

ما استغفرت قبل بنية شي .. كنت استغفر عادي .. مادري اذا يستوي بنية الشعر ؟ .. و زيت الجدايل هل في حد استخدمه و فاده 100% .. لاني والله فاقده الامل .. حتى يوم اسير الدكتوره اقوللها هل تشوفين في امل يرجع شعري يغلظ .. تقولي انا ما اشوف في سبب قوي المفروض شعرج يستجيب للادويه

الله يشفيك ويرجعه زي قبل

امين

تعورين القلب والله قطعتي قلبي
ترى حتى انا شعري ضعيف
بس مو ضعف شعرك
لاتتحطمين ترى في ناس اضعف من كذا
احسسن شي لك تحطين بشعرك ريجين
يطلع الشعر ناس كثير فادها بس لما تتركينه يرجع يطيح بس
يمكن ماينفع معاج الا كذا
والله يعافيك يارب
استغفري ربك على طول بنيه ان شعرك يتحسن ولا تتركينه

ان شاء الله ببدا من اليوم استغفار بنية شعري يتحسن ..

 

[عمرها السعودية]

حبوبة زيت جدايل لايعلى علية امي تستخدمة .. وكثير اللي يستخدمونة يمدحونة


كل نوع من زيوت عبد الصمد القرشي قيمتة منة وفية توكلي على الله وخذية تبين


اصورة لك .. حطي فلوسك في شي ينفعك واستغفري وباذن الله ماراح يخيب


ظنك ..

 

[melan]

اسال الله العظيم رب العرش العظيم ان يشفيك

حبيبتي اول شي سوي تحليل هرمونات لو عندك لخبطه ماراح تستفيدي ابداااااااا من اي شي تسوينه واذا سليمه الهرمونات جيبي حبوب بانتوجار من الصيدليه واستخدميها ...... وحده من ربعنا شعرها خفيييييييييييييييف واستخدمتها والحمدلله مايتساقط وتكثف احسن من اول
وتراها يصرفونها للناس اللي توهم مخلصين من العلاج الكيماوي يكون شعرهم كلللللللللللله طايح يسررع نمو الشعر لهم يعني طبيه وامنه مامنها ضرر ان شالله

هذي مكوناتها

المكونات :


فيتامين B1 (الثيامين)
الكالسيوم
Vigar - الخميرة
لام - سيستين
الكرياتين
حمض بارا أمينوبنزويك


وهذي عن طريقة الجرعه جبتها لك من النت



أخذ 3 كبسولات من Pantogar يوميا ، ويفضل معان يؤخذ في غير أوقات الوجبات. من أجل تحقيق نجاح واضح ، فمن المستحسن أن يكون تناولها Pantogar مدة لا تقل عن 3 أشهر. لتحقيق نجاح دائم وللحفاظ على الشعر الجميل مع مرور الوقت ، ينبغي أن تستخدم Pantogar بانتظام لفترات طويلة من الزمن كل 6 إلى 12 شهرا


منتج ممتاز ونتائجه رائعه
هو لا يزيد الوزن ولا يفتح الشهيه
وفيه دراسات علميه على كده معموله بالمانيا وامريكا
12 دراسه
الـ3 كبسولات اللى بتتاخد باليوم بتدي الجسم 6 كيلوا جول
بالمقارنه بـ 100 جرام بس من التفاح بيدوا الجسم 276 كيلوا جول
وطبعا 100 جم من التفاح مستحيل يثمن فما بالك بـ 3 كبسولات بانتوجار


موانع الاستعمال والآثار الجانبية


لا يوجد اي موانع للاستعمال او اي اثار جانبية
اثناء الحمل يجب استشارة الطبيب
ولا يوجد موانع معروفة عن عدم اخذة اثناء الرضاعة



العلبة تحتوي على 90 كبسولة
تكفي شهر


ويجب ان يكون الكورس لا يقل عن 3 شهور



عموووما سوي سيرش عنها بالنت وشوفي المكتوب عنها وقبل تستخدمينها استخيري وكل يوم اقري على نفسك وفترة الاستخدام قللي مرات الغسيل لشعرك واهتمي فيه اختاري شامبو مناسب وزيت جدايل عبدالصمد القرشي الكل يمدحه

الله يكون بعوونك ياقلبي ويسر خاطرك

 

[جرووح غالية]

سويتي تحليل هرمونات يمكن عندج خربطه هرمونات
وحطي زيت اس و مراميه وسمسم وأملج وزيتون
و أستمري ع الاستغفار

 

[عمرها السعودية]

بحط صورة الكرتون والزيت مع بعض احسن

 

[عمرها السعودية]

 

[*همسة غلا*]

حبيبتي

فيه دكتور خبير بالاعشاب الطبيعيه سعودي اسمه الدكتور جابر القحطاني والله وحدة بنت من جماعتنا انت قرعه يعني ولا شعره براسها ولما ودوها للدكتور عطاهم وصفه طبيعيه ماشاء الله البنت لو تشوفينها الحين ما تصدقين ان هذي هي الاوله طلع الي فيها فطريات بجلدة الراس

حاولي تكتبين في قوقل اسمه والوصفات او تراسلينه وتكتبين مشكلتك وان شاءالله تشوفين تحسن

 

[كتكوته نورة]

حبيبتي اقري على نفسج الرقيه الشرعيه .. راجعي طبيب جلدية وانصحج بدكتور زيد سكر في المواساه .. انا شعري راح قمت ابجي وكتبلي علاج لمدة 6 اشهر ,, ما شاء الله شعري رد وصار شحلاته ... وبعدين عاد قمت احط خلطات من عندي عقب ما رد طبيعي .... انا كان كل شي عندي اوكي بتحاليل بس قالي نفسية وريحى بالج من هالكلام ... ترى النفسية و التفكير يلعبون بالواحد لعب ...

 

[(مزاجية)]

حبيبتي

فيه دكتور خبير بالاعشاب الطبيعيه سعودي اسمه الدكتور جابر القحطاني والله وحدة بنت من جماعتنا انت قرعه يعني ولا شعره براسها ولما ودوها للدكتور عطاهم وصفه طبيعيه ماشاء الله البنت لو تشوفينها الحين ما تصدقين ان هذي هي الاوله طلع الي فيها فطريات بجلدة الراس

حاولي تكتبين في قوقل اسمه والوصفات او تراسلينه وتكتبين مشكلتك وان شاءالله تشوفين تحسن

حصلت منتداه ما حصلت ايميله او رقمه .. عادي بتصله و بكلمه و بطرشله صور شعري اذا عندج ايميله اكتبيلي بليز ..

اسال الله العظيم رب العرش العظيم ان يشفيك

حبيبتي اول شي سوي تحليل هرمونات لو عندك لخبطه ماراح تستفيدي ابداااااااا من اي شي تسوينه واذا سليمه الهرمونات جيبي حبوب بانتوجار من الصيدليه واستخدميها ...... وحده من ربعنا شعرها خفيييييييييييييييف واستخدمتها والحمدلله مايتساقط وتكثف احسن من اول
وتراها يصرفونها للناس اللي توهم مخلصين من العلاج الكيماوي يكون شعرهم كلللللللللللله طايح يسررع نمو الشعر لهم يعني طبيه وامنه مامنها ضرر ان شالله

هذي مكوناتها

المكونات :


فيتامين b1 (الثيامين)
الكالسيوم
vigar - الخميرة
لام - سيستين
الكرياتين
حمض بارا أمينوبنزويك


وهذي عن طريقة الجرعه جبتها لك من النت



أخذ 3 كبسولات من pantogar يوميا ، ويفضل معان يؤخذ في غير أوقات الوجبات. من أجل تحقيق نجاح واضح ، فمن المستحسن أن يكون تناولها pantogar مدة لا تقل عن 3 أشهر. لتحقيق نجاح دائم وللحفاظ على الشعر الجميل مع مرور الوقت ، ينبغي أن تستخدم pantogar بانتظام لفترات طويلة من الزمن كل 6 إلى 12 شهرا


منتج ممتاز ونتائجه رائعه
هو لا يزيد الوزن ولا يفتح الشهيه
وفيه دراسات علميه على كده معموله بالمانيا وامريكا
12 دراسه
الـ3 كبسولات اللى بتتاخد باليوم بتدي الجسم 6 كيلوا جول
بالمقارنه بـ 100 جرام بس من التفاح بيدوا الجسم 276 كيلوا جول
وطبعا 100 جم من التفاح مستحيل يثمن فما بالك بـ 3 كبسولات بانتوجار


موانع الاستعمال والآثار الجانبية


لا يوجد اي موانع للاستعمال او اي اثار جانبية
اثناء الحمل يجب استشارة الطبيب
ولا يوجد موانع معروفة عن عدم اخذة اثناء الرضاعة



العلبة تحتوي على 90 كبسولة
تكفي شهر


ويجب ان يكون الكورس لا يقل عن 3 شهور



عموووما سوي سيرش عنها بالنت وشوفي المكتوب عنها وقبل تستخدمينها استخيري وكل يوم اقري على نفسك وفترة الاستخدام قللي مرات الغسيل لشعرك واهتمي فيه اختاري شامبو مناسب وزيت جدايل عبدالصمد القرشي الكل يمدحه

الله يكون بعوونك ياقلبي ويسر خاطرك

كتبت اسم الدوا عندي لازم اسال الدكتورة قبل لا استخدمه لانه حبوب

سويتي تحليل هرمونات يمكن عندج خربطه هرمونات
وحطي زيت اس و مراميه وسمسم وأملج وزيتون
و أستمري ع الاستغفار

.. انا مسويه تحليل هرمونات و عندي هرمون الحليب مرتفع بس الدورة تنزل كل شهر .. الدكتورة قالت خذي حبوب منع حمل لين ما تعرسين .. الوالدة ما طاعت لان كثرته تسبب العقم