صور شعري دخلو بلييييييز

[sverige]

الله يعينج يا اختي والله قلبي وياج
الله يصبرج ويفرج همج
مااعرف بصراحه شي 100% ينفع بس راي انو بالاول تعرفين شنو السبب وتستشيرين دكتور
وجربي الديرما روللر حسب ما اقرا واسمع مفيده جدااا وماما هالايام دتستخدمها ان شاء الله يبين نتيجه اكتبلج وخلي ثقتج بالله واستمري على الثووووم اهرسيه وخليه عليه شوية زيت زيتون او اي نوع زيت شعر تحسيه يفيد شعرج مثل السمسم او الخردل من يومين جنت بمحل هندي والهنود والباكستانيين يشتروه للشعر يارب تستفيدين وقبل متخلين الزيت مشي الرولر حتى تفتح المسام وتحفز الشعر
وممكن تستخدمين المينوكسيديل
صدكيني الي يعرفج ويختارج للزواج ميختار شكل او شعر هوااايه جميلات بس ميعمرون بزواج المهم انت من جوا متتخيليني اهدي بيج او اهون عليج انت جربي واستشيري دكتور والله اني من سنين وكع شعري وخف كلش استخدمت مينوكسيديل رجع الحمد لله
كولي دائما حسبي الله ونعم الوكيل
و
اللهم اني لا اسالك رد القضاء ولكني اسالك اللطف فيه والله يحلها
ولتفكرين بصديقتج او الي تعرفيهم هذول ناس فاضيين لتخليهم ياثرون عليج وعلى ثقتج بنفسج الله يحلها يارب :yaaaaaarb:

 

[mweegah]

حبيبتي لو اني مو متحجبه جان حطيتلج صور شعري قبل 5 سنين
والله العظيم انه كان نفس شعرج بالضبط
و لا اروح و لا ارد و لا اطلع
رحت حق بو حمره و عطاني ابر بالراس و خربط علي و قالي ثعلبه
لين مره رايحه مع امي طبيبة امراض النساء و الولاده مالتها معصومه مخصيد
بين الكلام امي شرحتلها مشكلة شعري
جان تعطيني تحاليل هرمونات
طلعت هرموناتي متخربطه حيل
ما كنت متزوجه و مع هذا عطتني علاج حبوب منع حمل اللي اسمها ديان
كنت خايفه تسويلي عقم بس الدكتوره طمنتني و قالتلي اذا تبين تحملين قطيهم و نشوف و ماكو الا العافيه
و رجع شعري و تحسنت بشرتي و ما شاء الله شعري صار حلو مثل ما كان
و تزوجت و واحد من الاشهر نسيت حبه و حملت على طوووول مع اني ما كنت ابي احمل
تخيلي الحبوب خذيتها 4 سنوات و ما سوت عقم الحمدالله
هذا دليل ان الحمال من الله مو من علاج و لا حبوب

اتمنى تروحين طبيب هرمونات او امراض نساء و تسوين التحاليل
و اذا عرف السبب بطل العجب
سويهم و خبرينا

 

[ام غمازهـ]

الله يشفيك ياارب

 

[Grass]

الله يشفيج

 

[آلـريــم]

الله يشفيك يااااااااااااااااااااااااااااارب

 

[#تولين#]

اسال الله العظيم رب العرش العظيم ان يشفيك

 

[(مزاجية)]

مرحبا كويتيات

سويتلي جدول و اغلبيتكم قلتولي اركز على الاستغفار و الرقية و الحالة النفسيه .. جدولي بيكون


علاج طبي:

- اسوي تحليل هرمونات


علاج بالدعاء:

- استغفر كل يوم بنية شفاء شعري

- اتصدق عن شعري

- استمر على الرقية الشرعية

- اغسل شعري بماي مقراي

- قيام الليل و الدعاء



علاج خلطات:

- زيت الجدايل


و ان شاء الله يتحسن شعري و ارجع اكتب موضوع ابشركم فيه

 

[đeɱɛɼɑ™]

:
.​

الله يشاااااافيج يارب ويكثر شعر راسِج وتشوووفينه كثيييييف و طوويييل وصِحي مِثل اول واحسسسَن ،
حَبيبتي يمكن فيج صلع وِراثي
حاولي تزيدين هرمونأت الانوثة عِندج : عليج بِ الحلبة و البرقدوُوووش ( او البردقووش يختلف اللفظ شوي بس كلهم نفس العشبة)
الحِلبة طحنيها وشربيها مرتين يوميا مع قلاص حليب
و البرقدوووش الاعشاب مو الماي .. اخذيها من الحواي و سوي لج مطارة اعشاب مِنها
وبعد عِندج المرامية ضيفيها مع البرقدووش
والاسهل لِبسس الذهب ، لبسي قلب او مضعد ذهب < الذهب يرفع هرمون الانوثة عندج عشان جذي الشرع حرم لبس الذهب للرجل سبحان الله

وجدولج اللي سويتيه ماشاء الله متكااااااااامِل
وان شاء الله تبشريننَا بِ النتايج الطيبة ​

 

[أبج امبيه]

الله يشااافيج آميــــــــــــــن
لآ تنسين تبشرينه لمــى يتحسن شعرج << ياااارب

 

[فركيته]

اسال الله العظيم رب العرش العظيم ان يشفيك

 

[تفاصيل الغرابه]

حبيبتي الله يشفيج ويرجع شعرج احسن من قبل يااااارب
استخدمي حبه البركه مع اي زيت للشعر بس استمري عليه فتره

 

[Miss sensitive]

يا حياتي الله يشافيج يا رب

 

[سعـــــودية]

حبيبتي هذا شعرك من قبل

او تساقط مقدر اجاوبك الا اذا رديتي علي سؤالي

 

[் Moon Light ்]

الله يشفيكي ويرفع عنك ويفرج همك عاجلا غير اجل​

 

[(مزاجية)]

سعودية = طبعن شعري ماكان من البدايه جي هذا بعد التساقط جي صار شعري كان غليظ

 

[اميره الخليج]

حبيبتي عورتي قلبي بس بقولج انا كان شعري جذي خفيف جدا جدا من جدام وخفت وخافت امي رحت طبيبة جلديه وقالت لي افحصي هرمونات والتكيسات وطلع عندي تكيسات وعالجتها عند حرمه بالحبه السوداء وراحت ماشاءالله وخف التساقط واستعملت الحنه واغسله بصابون رقي الحمدلله يتحسن وانتي ياقلبي افحصي التكيسات والهرمونات والغده الدرقيه مهم تفحصينه والرقيه الشرعيه وان شاءالله مافيج الا العافيه ويمكن عين بعد انتبهي بس لازم تفحصين وبعدها اهتمي فيه خلطات وحنا وزيوت ممتازه *

 

[راحتي في صمتي]

حبيبتي مادخلت المنتدى الا علشانك عليكي بماء زمزم والله لتشوفين العجب اشربيه بنية ان الله يشفي شعرك وادعى قبل تشربين

ماء زمزم لما شرب له

الله يشفيك

 

[لوليتـا]

الله يعافيك يارب ويكثر شعرك

ماقريت الردود

بس بقولك اشياء اذا مشيتي عليها بأذن الله يرجع شعرك

تحنين شعرك مرتين بالاسبوع وتعجنين الحناء بموية البصل والثوم وياسلام لو كانت مع الحناء بودرة الحلبه
وبدون زيوت الحناء

وزيتي شعرك بزيت الثوووووووم

وامشي عليها ع الاقل 3 شهور لحد ماتصير جزء من حياتك

وبأذن الله يرجع شعرك ويصير احلى شعر بأذن الله ^_^

 

[لوليتـا]

وحلوه نصيحة شرب موية زمزم بنية الشفاء

من جد زمزم لما شربت له

 

[مرينا 23]

الله يشافيج حبيبتي
وياااااارب يرد شعرج مثل اول واحسن انتي بس استغفري وادعي ورمضان على الابواااب استغيله وكثري ادعيه
مافي شيء بعيد عن ربج

بس بغيت اسالج ماتدرين شنو سبب تساقط شعرج ؟ يعني استخدمتي شيء وبعدها خف ؟وكنتي تعتنين فيه اول او لا ؟