صور صور ... صلعتي ...حصري لكويتيات وبس..صور ..صلعتي..صور..صلعتي..صور..صلعتي..صور..

[ياحلوني حلواه]

ياااااااااااااااااااااااااارب يشفيك ترا اللي فيك باين انه عين لانه ماعندك اي سبب عضوي اقري على نفسك سورة البقره واتمنى لك الشفاء العااااااااااااجل

 

[رتوجه 2009]

السلام عليكم وماتشوفين شر والله انا كان شعري اسوا من شعرك ، وقبل اربع سنوات كنت مسافره مصر ورحت حق اكبر دكتور جلديه المهم انا كتبلى على دواء سبري عجبب و الله للامانه انه وقف تساقط شعري نهائيا ومن يومها وانا مداومه عليه وكل ماراح احد مصر وصيتهم يجبون لي منه , وللامانه اهو موغالى قيمته 52 جنيه يعني يساوي بالكويتى دينارين ونص واس الدواء performa ، بس لازم اللي تستخدمه ماتكون تعاني من اي مرض مثل القلب او الضغط، وانصحك بعد تروحين حق مدام وفاء بصالون برونيل الله الكل قاعد يعالج عندها وانا جربتها عجيبه وسعرها موغالى كل خمس جلسات ب 20 دينار، الله حتى الشيخات قاعد تعالج شعرهم وتسوي لش خلطاتك جدام عيتك وكلها خلطات طبيعيه ، والنصيحه الاخيره داومى على الحنا وارقي نفسك بالقران والادعيه بشكل مستمر ، لالنى اناجربت الاطباء الخاصين للامانه نصابين اناعالجت بشرتي وشعري عند د.قنال الصايغ وكانت النتيجه خرررررررطي الكل بس يبي فلوس وبس و، والله اناحبيت افيدك واي استفسار انا حاضره ولاتنسونى بالدعاء انا واولادي

 

[softlady]

نصيييييييييحه من اختج روحي العمره وطلبي ربج ان الله يشافيج

 

[sara miller]

حياتي دزيلي عالخاص.... عندي رفيجه والله اقسم بالله العلي العظيم كانت صلعه وجلدة راسها تبين وبعد شهر نبت وتغطي...... وبقولج شتسوين

 

[د.شريفة]

راجعي دكتورة جلديه وان شاءالله يفيد

 

[!متوهقه بكشتي!]

آرقي على حآلك قلبي وآضح آن شعرك مشآلله نآعم وآكيد عين آو شي

وآنآ سعوديـه يعني مدري عن شي في الكويت
ولا تخافين آنشآلله مآفي آلآ آلخير

 

[طموح مفقود]

حبيبتي الله يعينج
انا راح اقول اللي اقدر عليه وما اراح ابخل عليج باي شيء اعرفه.
اتبعي هذا البرنامج وانشاء الله ماراح تندمين
1-عليك برقية نفسك انتي قلتي ان الناس توقفج وتسالج يعني اكيد عين جتج طايرة .
2- قومي بقص شعرك لاتروحين للصالون انتي اللي تقصين شعرج بنفسك مع الدعاء .
3- عليك باختيار دهن يناسب شعرج .
4- عليك بالحنه لانها تطهر فروة الراس وتنبت الشعر.
يعني يوم دهن ويوم حنا وانشاءالله مايجي عيد الفطر الا شعرج يسحب .
5-ابتعدي عن الاصباغ وعن الاستشوار.
انا كنت نفسك بس الحمدلله ماوصلت مرحلة الصلع بس كان شعري خفيف وشوية والتساقط لابد منه وادق على ام حسين وادري ان كل البنات اسمعوا عنها وهي دايما تطلع بمجلة الناس واطلب منها زيت العجب العجاب هو سعره شوي غالي 40 دينار بس يطول معاي او ما استخدمته كنت احطة يوم وترك وبعد شهرين مرتين في الاسبوع وبعدين مرة اسبوعيا وبعدين 3مرات شهريا . والله العظيم تعالي شوفي شعري الحمدالله يارب . انا ماراح اقطعه لان شعري تغير عليه حيل,
وانا ماسوي لها دعاية ولااعرفها بس انا انقلج تجربتي الشخصية.

*استغلي الصيف لان الشعر يطول بالصيف اكثر من الشتاء واتبعي البرنامج.

 

[blue rain]

بعد عمري حبيبتي ان شاء الله تلقين حل وانا والله تقريبا نفس حالتج شعري من جدام راااااااااااااح وحاسه اني ماني قادره اسوي شي
ياربي نلقى حل لهالموضوع

 

[kekat kakaw]

الله يشافييج يارببيي

 

[دلال 777]

السلام عليكم إختي

ماتشوفين شر حبيبتي

آنا عندي لج فكره

قصي شعرج

بالأصح قصيلج قذله ، عشان تغطي هالمنطقه

وإذا تبين وحده بروفيشنال حق القص عندج صفاء الي بلابلوبيل والله إن رحت قصيت شعري عندها حسيت إنها شااطره وفاهمه بشغلها

وروحي طبيب جلديه شوفي

وماتشوفين شر مره ثانيه

 

[موزة ام فارس]

الناس مطالعتج على شعرج
اقري المعوذات وارقي نفسج

عليج بالحنة والسدر
تجربتي الشخصية بالسدر .. روووووووووووووووعة
السدر تسوينه مثل الحنة وتخلينه على راسج لو ربع ساعة او نص ساعة
بتلاحظين الفرق بفترة زمنية قياسية ان شاء الله

تونيك الياباني كامينوموتو اللي وحده من الخوات حاطة صورته الله يعافيها
هذا رووووووعة واستعمالي له بشكل دائم له

صالون برونيل ممتاز وخلطاتهم طبيعية
خالتي جربته وكثر شعرها

ودام كل شي عندنا متوافر بالبيت ليش نماطل بعمرنا

يعني باختصار ..
سوي لج جدول "كورس" مكثف مثلي انا والبنات اهني بالمنتدى
شجعنا بعض في حملة الحنة والسدر
- سدر
- حنة
- صبار طبيعي يوقف التساقط
- الجرجير يكثف الشعر


اختاري الاوقات اللي تناسبج وحطي من هالخلطات
انا وحدة استعمل طلعات زوجي واحط بشعري سدر لو ربع ساعة واغسله
صج صج حسيت بفرق عن قبل وتحسفت ويني عن السدر من زماااان

حبيبتي لا تتمللين وخليج قوية وان شاء الله ان شاء الله بعد شهرين الا وانتي حاطة موضوع لنا تبشرينا
بخلطاتج اللي كثرت شعرج وتشوقينا فيها


الله يوفقج ويحفظج من كل شر

 

[M!Ss Smart]

حبيبتي نصيحه اخذيلج ثومه واخذي فص منها وطول ما انتي قاعده دلكي راسج ومنطقه الصلع بثوووم واستمري يعني اخذيلح 6 اشهر وانتي تشوفين اللي يسرج طريقه مجربه للاماانه

 

[عبقرية]

الصبار الصبار سريع في إنبات الشعر

والظاهر انك مصابة بالعين

حصني نفسج
قومي الليل
اكثري من الاستغفار
ماء زمزم علاج
والله يشفيج​

 

[هموسه!!]

حبيبتي والله.. الله يشافيج يارب

واضح أنج محسوووده من عين ( حشا مو عين بازووكه) شنو مايعرفون يقولون ماشاء الله :0bee2e8d89:

الله يعينج

بس اللي اقدر أقولج ان سورة البقره ولمدة 40 يوم وربي تجيب لج الفايده والعلاج بأذن الله...

أدري اني ماجبت شي زياده غير كلام البنات لكن ماحبيت أطلع من غير أرد عليج..

وفي شغله بعد مهمه واايد...

مهم تقصين شعرج كل 3 شهور مو قص يعني قصات لأ...أقصد تقصينه من الاطراف كل 3 شهور

ترى مهم والله لانج تجددين الشعره نفسها ويخفف العيون اللي صابتج

والاهم من هذا أنه لازم اللي تقصج نظيفه.. يعني ماتكوون عليها الدوره أبدااا

أدري بتقولين شلون بسأل الصالونه لو عليها الدوره؟؟ حبيبتي قصيه عند أمج أو أختج ( قص الاطراف)

وهالله هالله بالحنه والسدر ترى فيه العلاج وحطيه بالاسبوع مره.. وأنتبهي لاتغسلينه بالشاامبوو.. بس بالمااي فقط..

وثاني يووم حطي ماسك على شعرج للي ترتاحين له..

وبعدها بيومين حطي زيت لشعرج.. والبنات ماقصروا عطوونا انواع وخلطات وايد مفيده شوفي اللي يناسبج..

وحبيبتي أتركي شامبواات الجمعيه وعليج بالطبيه وحتى الماسك أخذي الطبي... أنا أستعمل شامبو وبلسم وماسك طبي

كلشششش ما أستخدم منتجات الشامبو اللي بالجمعيه لأن أغلبها كيماوياات..

وأن شاء الله أفدج ولو بالقليل

ولا أبي الا دعوه باللي أتمنااه

ودمتي بود :tek:

 

[احلى دبه]

الله يكون بعونك


خذي جرجير مع حبه سوده واطحنيه ودلكي فيه الشعر

يوقف التصاقط

الله يرفع عنك يارب

 

[Nonaa!]

السـلام عليكم ,,

اللي بالصوره جنـها ثعـلبه !!

بس يمدحوون الحبه السووده ,, روحي الحواي يسويلج خلطـه انا وحده تصيرلي استحدمتها وايد زينه ,,

اقري على نفـسج =)

ثاانكيوو

ّ

 

[الرمانه]

اسأل الله العظيم رب العرش الكريم ان يشفيك ويرجع شعرك احسن من اول
شوفي عزيزتي عليكى بالسدر والحنه ممتازين للشعر بعدين السدر معرووف انه للعين أنا طريقتى انى اغلي بصله وحبتين ثوم وشويه حلبه في قدر مع كاسه مويه اخليها على النار 10 دقايق لين المويه تصير صفره بعدين اخذ المويه بس واحط عليها ملعقتين حنه وملعقتين سدر مطحونين وملعقه قشر رمان مطحون واعجنها واخليها طول الليل وثانى يوم احطها على شعري ساعتين واغسله ممتازه للشعر وان شاء الله انا هستمر عليها لانى شايفه نتيجه طيبه ونصيحه ابتعدى عن الزراعه لانه قالتلى دكتوره جلديه انه بعد الزراعه ممكن تحصل التهابات وتقرحات في فروه الراس والله يكتبلنا الخير

 

[Q8 New Style]

والله ما عندي فكرة و انشالله البنات يفيدنج

 

[الأمل الوقاد]

مالج الا زراعة الشعر.

 

[انا ودنيتي]

الله يشفيك حبيبتي
حطي حنا وسدر