صور صور ... صلعتي ...حصري لكويتيات وبس..صور ..صلعتي..صور..صلعتي..صور..صلعتي..صور..

[المتلثمه بعلم الكويت]

نسيت مااقولك ان ماتلقين فيه ريحه قوووويه مو زي الثوم ريحته ماتطلع ممن الشعر

 

[حمام شاقني فنه]

خخخخخخ ولله على بالي تتغشمرين من العنوان

بس ترى مو حيل طايح من شعرج شي قليل

يعني لو تدهنين بزيت املا يوميااا الين توصلين للنتيجه الي ترضيج يكون شي طيب

انصحج فيه
الله يشافيج يارب (

 

[ندى ودموع]

اذا كان شعرج كثيف وفجاه طاح.. معناها علاجج رقية شرعية مو زراعة .. والله يشفيج انشالله

 

[بروريتآ]

الله يكون بعونج .. اقري على نفسج وسمّي ودهني بكل شي مقري ترى زين

 

[dla3_princess]

استخيييري و توووكلي على الله

و ان شاااء الله الزرااعه تفيدج لأنها اخر حل و مضموون بإذن الله


مووووووفقه

 

[أدووويا]

الله يشافيك ما عندي فكرة انشاء الله الخوات مو مقصرين

 

[سعادة الكويت]

أختي الكريمة اذا شعرك فيه ثغلبة امي تعالج بطب شعبي يطلع الشعر خلال اسبوعين اذا كان فيك ثعلبة فقط وارسليني على الخاص اوفره لك

 

[meme_alq8]

الله يشفيج انشاللله

 

[Dare to challenge]

يا قلبي عورتي قلبي

جربي زنجبيل مع الروب وااايد زيت

وعليج بأملا

وذكري الله على نفسج

 

[Heaven Light]

بعد عمري ان شاء الله حالتج هينه .. في ناس اكثر من جذي..

انا اقول لا تشتتين عمرج روحي سوي عند هذا الدكتور اللي تقولين عنه .. وهم معاه اقري سورة البقرة كل يوم ..

لأن انا اعتقد عين والله اذا كل شي طبيعي عندج ماكو الا العين والعين حق ..

وربي يشافيج وشعرج يطلع ويطوووووووووول ..​

 

[صمت الحزن]

ربي يعافيج يالعاليه,,,,

وربي حتى انا هالفتره صاير يطيح شعري بشكل كبير,,,ومن فوق ,,بدت فروة الراس تبين بشكل كبير,,,,


ومااقدر اساعدج بشي إلا الدعاء,,,,,


اسأل الله العظيم رب العرش العظيم ان يشفيج

اسأل الله العظيم رب العرش العظيم ان يشفيج

اسأل الله العظيم رب العرش العظيم ان يشفيج

اسأل الله العظيم رب العرش العظيم ان يشفيج

اسأل الله العظيم رب العرش العظيم ان يشفيج

اسأل الله العظيم رب العرش العظيم ان يشفيج

اسأل الله العظيم رب العرش العظيم ان يشفيج


واصحج تروحين لمطوع يقرى عليج,,مدام ان شعرج كان كثيف وحلو,,,فهذي يمكن عين,,حبيبتي,,,

وربي يعافيج ويفرجها عليج ويسعدج دنيا وآخره ياقلبي

 

[نبض الغلآ]

ربي يشافيج ياقلبي
ماحبيت اطلع بدون مارد عليج
موفقه ياقلبي

 

[MمشااعلM]

الله يعينك اختي
انا استخدمت زيت برنامج ارمادا
كان بادي يتصاقط شعري من جوانب الجبهه
وستخدمت الزيت ورجع ينبت بشهر
اذا تبي رقم الموزع ارسلي لي رساله وارسله لك

 

[سحاب الطايف]

الله يشفيك

 

[++The DuchesS++]

الله يكون بعونج

 

[سعوديةكويتية]

السلام عليكم.. اسمعيني زين وخلي عنج الزراعه الحين ليما تستنفدين كل الحلول.. اقري اللي كتبته عدل وطبقيه بالحرف ترى مايتعب
الله يشفيج وينبت لج شعرج اكثر من اول
انا الحمد لله شعري زين بس بعد الولادة هذي قام يطيح
والله جل جلاله يقول
لئن شكرتم لازيدنكم
انتي احسن من غيرج
اولا اشكري الله واحمديه واثني عليه بما هو اهل له
ثانيا تعودي تقولين هالجملة كل عصر وصبح ثلاث مرات(بسم الله اللذي لا يضر مع اسمه شي في الارض ولا في السماء وهو السميع العليم)
تكفيج باذن الله من كل اذى
ثالثاادعي الله في كل صلاه وبوضع السجود ان يشفيج دعوه حااارة ولو باللهجة العاميه
ياكافي ياشافي يامعافي اشفني مما اجد واحاذر
رابعا : ادركي الشعر الموجود الحين فقط خلي همج ايقاف التساقط:عليج بالسبري اللي ذكرته الاخت جزاها الله الف خير من مصر
يعني اذا انتي بنت مو متزوجه استخدمي خلطة البصل او ماي البصل ترى واجد يمدحونه اوعند اهلج حطيها اذا متزوجه
واستمري على زيت الصبار بس.. او اي زيت ترتاحين له يومين في الاسبوع عشان ماترهقين الشعره ولما تحطين الزيت اهم شي تغلفينه بكيس لمدة ساعتين خلي شعرج يعرق عالزيت وبعدين قطي الكيس وخلي شعرج عقبها يتنفس بالزيت ساعه بالكثير بعدين غسليه جي تستفيدين اكثر من انج تحطينه وتكشفينه عالهوا بدون فايده
انا اشق جهه من الكيس واغطي شعري فيه يصير مثلث
وجذي اسوي حق الحنا بعد
وشامبو الرقي ترى عجيييييب
ابتعدي عن اي شي كيماوي لا شمبو لا صبغه .. وعندج الشامبو الحمر القديييم مال العبي مدحه لي الدكتور
واذا شعرج طويل وخفيف قصيه مارح تستفيدين من اي شي تتعاطينه للعلاج اذا هو خفيف وطويل
بس قصيه قصه متساويه لحد صدرج مثلا وانحاااااااااااااااااشي من القصات الفنكية ترى المدرج يعدم الشعر مو على ابو يكثف تقصين شعرج.. ترى الشعر يزعل
ونصيحه لاي وحده بتقص مدرج خلي اول درجه من فوق عند الكتف او اول الرقبه مو تقصرينها عند الاذن ترى تتقصف بسرعه ويطلع شكلج نكته عاد والكشه قصيره من فوق..
بعدين قصي اطراف شعرج يعني
اخذي منه بعد ماتوضين وتسمّين وتقولين اللهم باركلي فيه مره كل شهر من اطرافه لازم والله ماكثف شعري بعد الله الا هالطريقه.. لان التقصف يمشي على الشعرة كلها اذا ماقصيتيه.
والتغذيه استمري على عصير الجزر ترى لذيذ وحلو حق الشعر
واكلي فيتامين =====> اوميغا ثري يعني اوميقا3
واشربي عصير الجزر متى ماقدرتي ترى التغذية الداخليه لها دور... وكثري كثري شرب الماي
واهم شي
حاولي تستنجين سبب تساقط شعرج؟ هل كنتي تاكلين علاج من نوع معين حبوب تفتيح؟ او نضاره او غيره؟ولاحظتي التساقط بعدها؟
واذا لج خلق حطي السدر مرة بالاسبوع ياحلو ريحته حتى تعطيج راحه نفسيه. انا استعمله قبل بدال الشامبو لانه يعطي رغوة ويهبل.
واستمري على هالبرنامج وانتي محسنة الظن بالله وخلي عندج ارادة لان شكلج من النوع اللي مايستمر
ترى سهل بس زيت وفيتامين وعصير
والاهم الاذكار اللي فوق.. وان شالله تلقين اللي يسرج ومو اذا وصلتي للنتيجه تقطعين لا
الزيت استمري عليه لان شعرج على مايعتاد عليه
الشامبو بعد لاتغيرينه
لكن الفيتامين انصحج تريحين بعد كل ثلاث شهور عشر ايام مثلا وتستخدمين نوع ثاني ريقن 5 على قولة البنات وكثري شرب الماء عشان مايترسب بالكلى عسى الله يعافيج
ملاحظه اخيره طريفه بس جربيها مايضر
حاولي مرة او مرتين او ما امكنج باليوم انج توقفين على راسج
تدرين شفايدتها
وحده من جماعتنا ماعجزت بسبة هالطريقه
شوفي شعرها وبشرتها من هالطريقه ماشالله ونا اذكر الله تنشط الدورة الدمويه وتوصلها للراس بسرعه
ومدام ساس شعرج ان شالله زين لا تحاتين
ترى الشعر ونا اختج يروح ويجي ان شالله
واسال الله العظيم رب العرش العظيم ان يشفيك

 

[سعوديةكويتية]

يالله شدي حيلج عاد انا انصحج ونا للحين ما جربت الفيتامين بس واجد مدحوه لي والرقي كنت استخدمه ونا صغيره كان شعري مضرب للمثل و بس الزيت مارح اقدر احطه لاني توني صابغه شعري للاسف واظن هالسبب هو علة تساقط شعري مع تبدل هرموناتي بعد الولادة ومع حبوب المانع الخايسه اللي اكلها.. بس يالله شجعيني واشجعج

 

[نجوى..!]

حبيبتي اللي يقول لك ابر نصااااااااب و الكلام هذا اخذته من اخصائي جلديه

بنت خالتي كانت رايحه تكشف عند هالدكتور و سألته عن علاج الشعر الخفيف بالإبر .. وش قال لي ؟

قال هي موجوده في عيادتنا بس إلى الآن ما ثبت نجاحها علميا عشان كذا انا ما استعملها و اذا حبيبتي في دكاتره في العياده يستعملوها !

انتي وااااااضح ان اللي فيك عين بسم الله عليك .. لازم ترقين نفسك و تروحين عند احد يرقيك و تحصني نفسك بالاذكار

لان اغلب الاشياء اللي جربتيها جابت نتيجه مع غيرك و من بينهم انا و غير كذا التحاليل بينت انك سليمه و هذا اكبر دليل ان فيك عين

اسأل الله ان يشفيك و يحفظك حبيبتي

 

[zntoosha]

اعوووذ بالله هذي عييين ما صلت على النبي
انشالله يرجع ينبت شعرج ويصير مثل ما كاان واحلى
والله لو اعرف شي حق الشعر جاان مابخلت عليييج

 

[*الهوا الغايب*]

الله يشافييج