صور صور ... صلعتي ...حصري لكويتيات وبس..صور ..صلعتي..صور..صلعتي..صور..صلعتي..صور..

[رهوف]

وااااي حبيبتي كسرتي خاطري

بس اتوقع الزراعة مو حل

اذا متأكده من تحاليلج والدم والزنك ما فيهم شي .. اقري على نفسج سبحان الله العين حق

وساعات سبب تساقط الشعر ما يكون واضح انا بنتي كان شعرها يطيح حيل واخر شي طلع بسبب عيونها ان كان فيها استيجماتيزم واحنا ما ندري .. بس انا برايي سئلي اكثر لان الزراعة حل مؤقت واذا ما عالجتي السبب بيروح اسم الله عليج باجي الشعر
عسى الله يشافيج

هذا موقع اذا تعرفين انجلش الجمعيه الامريكية لفقدان الشعر
http://www.americanhairloss.org/Types_of_Hair_Loss/introduction.asp

 

[a7la roro]

لاتسوين زراعه الا اذا انتي سامعه وضامنته
بنت جيرانه امثر منج مسكينه سوت زراعه وشصار لها صارت جلده بارزة كبيره مكان الي زرعته شلون اوصف لج

يعني بصراحه صار كانها جلد زايد بس على كبر مكان الزراعه تخرعت وورمت وصارت ماتنام ووبعيدن راحت وشالوها
بس عذاب وخوف والله تأزمت نفسيتها وقال لها العلاج ماناسب لج
والله يشهد بكلامي
انصحج لاتسوين شي الا وضامنه الدكتور
واقري على نفسج وعالج بالقران وحطي ثوم والاشياء الطبيعيه
او روحي حق دكتور مضمون

 

[nora ali]

انشالله تطلع الصوره شوفي حبيبتي هذي الصوره لقيتها بالنت قبل فتره وحده تستخدم نفس علاج اختي لاني كنت ادور عليه انا كنت عرف شكله وا اعرف اسمه واختي بعد لانها قطت علبته ان بعد برجع استعمله عندي تساقط انشالله حبيبتي ستفيدينن ومثل ما قلتلك اهم شي النفسيه وموفقه

بس هذا موجود باي صيدليه ؟؟

 

[Brounzi_girlly]

الله يشافيج يا قلبييي
مع التحية.................

 

[ليالي الوضح]

ماتشوفين شر الغلا انشالله نهاية الحزان انتي بس استعملي السدر وماي زمزم وانشالله تشوفين النتيجه
تقبلي مروري

 

[AL-BaNDry]

الله يعينج

 

[شقرديه]

انصحج بالسدر والمحلب روحي حواج الصبوحه بالاندلس عنده سدر فظييييييييع ومحلب السوري الاصلي الكيلو ب 7

وحطي فنجال محلب في زيت البارشوت واستمري عليه وشامبو خليه صانصليك جوز الهند او بالبيض اعرف بنات شعورهم لي ركبهم وقويه وسمكيه وهذا السر

وفي حبوب زينه للشعر بيوتين صناعه المانيه فظييييييييييعه نتايجه مضمونه للامانه ما جربتها بس مضمونه وناويه استخدمها
اكلي سردين وسمج وجرجير وورقيات زينه للشعر

والحمدلله على كل الحال



والاستمراريه اهي اللي تحلي الشعر وتكثفه ايام اول لا نعرف انبولات ولا ابر ولا شي على الشي الطبيعي الحنا والسدر

اسال الله العظيم رب العرش العظيم ان يشفيج ..,,..

 

[نظرة عتب]

اختي استعملي زيت كابور والله نتايجه مذهلة . استخدمه واحد اصلع ولاشعرة وطلع شعر
وباقول لك على شئ مضمووون وربي اتصدقي بنية الشفاء والله على ما اقول شهيد
تقول وحدة راحت للصالون وشافت وحده شعرها سبحان الخالق تقول ماشفت بكثرة وروعته تبارك الرحمن وبعد الحاح منها عرفت السر تقول اختنا بالله والله العظيم مااستعمل شئ بس شئ واحد إذا قصيت من اطرافه اتصدق عن شعري
اتمنى لك الشفاء العاجل وارقي نفسك بالقرآن

 

[KaTKoTaT_aHaLHa]

حبييييييييبتيييييييي عسى ربي يشافيج يا رب وترى انا نفس الحاله بالضبط وهم رحت عند د.عمر وقالي نفس الحجي بس انا ماسويت الزراعه مادري ليش مارتحتله نفسيا بس دقيت سألت بمركز transmed لزراعة الشعر اليوم وقالي انه الشعره ب 300 فلس والزراعه يسوونها بتركيا وألمانيا واليونان بس اهني اهم متعاقدين مع جم دكتور عشان الاستشاره والمتابعه بعد العمليه ومنهم دكتور في بوشهري كلينك ود.محم تهامي بمركز الزهير انا دقيت كلمت د.محمد تهامي وبروحله باجر أسوي التحاليل وعلى يوم الثلاثا يفحصلي فروة راسي بالميكروسكوب ومن اهني مركز transmed للاستشارات اهم يضبطونلج حجز الطياره والفندق وكل شي والسفره مع العمليه تاخذ يومين تروحين الخميس تردين السبت! بصراحه حسيتهم بروفيشنال أكثر لأنهم طلبو تحاليل وفحوصات وقالولي ترى ممكن ماتكونين تصلحين للزراعه بس مع التحاليل والفحوصات يبين فمو سالفة تجاره وبس لأنه د. عمر اللي بفرجينيا كلينك قالي الزراعه واخذي موعد وولا طلب مني تحاليل ولا بطيخ فمارتحتله انتي استخيري وهم سإلي بأكثر من كلينك قبل لاتقررين وربي يكتبلج اللي فيه الخير يا قلبي موووووفقه

 

[lolocati]

انا مرا صلعت من جدام وشكبرها دائرة وانفعت معاااي منتجات اكرينااال+فيتامينات باتوقاار


بس لازم استمراااار....ويقولون فركي مكان الصلعه بثوووم ينبت



بس ترا انتي احسن من غيرج بواااايد.....شفت ناااس بعيني اللهم لااااشماته



والله يعين

 

[غضى]

اااااااه والله اعاني من نفس السالفه

 

[~نسمه هوى ~]

وييي مأساه ذكرتيني بحالتي قبل شعري شكثره والله والله ان البنات بالمدرسه يلحقوني بس عشان يدخلون ايدهم يلعبون فيه فجأه قام يطيح بشكل خيالي وليما الحين عاد استغفر الله انا متكسله ما ارقي روحي بس قبل جم يوم خدامتنا قالت لي على حبوب مافهمت عليها بس اكتبته لي بورقه تقول هذا زين للشعر وهي ماشاء الله شعرها خيااااال مع انها كبيره
biotin gold
biotin_e
<<<هذا الي اكتبته روحي الصيدليه وعطيهم الاسم انا للامانه ليما الحين مارحت ولا جربت بس ناويه ان شاء الله
والله يشافيج ياااارب

 

[عاشقه رويشد]

جربي الخلطات عند صالون رنيم خوش شي انا مثلج هل منطقه مافيها شعر بس يبيلها صبر

 

[الدانـــه]

حبيبتي قبل كل شي روحي فحصي دمج انا كان شعري جذيه كله ابجي و انحرج لما اكون بمكان من غير حجاب
تميت فتره بالاخير طلع عندي خمول بالغدة الدرقيه .. وتعالجت عن شعري عند دكتور عندنا بالبحرين عطاني بخاخ ريغن ومعاه كريم وشامبو
والحمدالله ماكملت 8 اشهر الا شعري نبت مره ثانيه

روحي حبيبتي فحصي دمج ..

 

[قطريه كيوت]

حبيبتي بقولج شي

ترا كثره تفكيرج في شعرج يطيحه بزياده

اقولج شي انسييييييييييييييييييييييييييه

ادري صعبه بس حاولي

شوووفي الوحده اللي تفكر وااايد في الحمال يصير لها مانع طبيعي

وماتحمل!!


الشعر نفس الشي اذا نسيتيه والله يتغير

يعني اهتمي فيه بس لاتحاتينه وتفكرين فيه وايد

صدقيني مجربه

اول شعري يطييييييييييييييييييييح بشكل عجيب

وانا ماقولج شعري كثيف لااا هو اول ردي خفيف

وتخيلي يطيح!!

ياتني فتره مثلج واااايد احاتيه

بس الحمدلله يوم نسيته بدا يطلع لااا وبدون اهتمام ولا شي​

 

[miss.lol]

امس لما قريت موضوعج بجيت


لان تذكريني بشعري

 

[اشراقة المحبة]

احسن شي السدر والحنة والكثيرة خلطيهم مع ماي وحطيهم على شعرج يومين بالاسبوع لمدة ما تقل عن 4 ساعات / او اخذي بصلة وقطعيها لاربع قطع مع فصين ثوم واقطعيه قطعتين وحطيهم كلهم في جدر صغير وفوقهم قلاصين ماي وخلي يطبخ لين يغلي ويصير لون الماي اصفر بعدين خليه الماي يدفا وحطي في طاسة ثلاث اقفاش سدر + قفشتين زيت سمسم +قفشتين زيت خروع/ وصفي ماي البصل والثوم وصبيه فوقهم وخلي يخمر اقل شي نص ساعة وبعدين حطيه براسج ولفيه بنايلون لمدة ما تقل عن ساعتين(خلطة السدر للامانة ماخذتها من احدى المنتديات) / انا كنت اعاني من التساقط من المراهقة شعري انا وخواتي لما كنا صغار كان يهبل من الحنة والدهن بس من بلغنا وهدينا هالسوالف حت لين قال بس/ عموما جربت كل شي حتى الدهن اغلبه جربته بس ماكو فايدة عاد امي شعرها ما تصدقين يهبل واهي بعد عمري كل اسبوع تحني شعرها عشان الشيب يحكها وشعرها من الحنة لا اله الا الله اينن وكانت كل اتقولي تحني وان مااحب الحنة واهي اتحاول اتقول شعرج بتغير وانا رافضة ليما يأست وطول ثلاث شهور وانا متولية شعري يومين بالاسبوع حنة والسدر بروحه مرة بالسبوع او عالمزاج والله ان حسيت بتحسن حتى الصالونة قالتلي شعرج وايد متحسن انتي شتسوين/ عموما يمدحون الجرجير يقولون حطي الجرجير في الحلاط مع اي نوع دهن وجربيه زين حق الفراغات وهذا سمعته من كذا وحدة/ واشتري شامبو طبي احسن او في خوات في المنتدى مسوين شامبوهات طبيعية مثل وحدة مسوية شامبو سدر ماخذة سدر وحاطتها في بطل ماي صحة وفوقه ماي وخاضتهم لين صار رغوة/ ووحدة باشرة صابون الغار وحاطتها مع الماي ووايد يمدحون هالخلطتين( الخلاصة ماكو مثل الحنة الحنة وبس والنتيجة حتى لو تطول بس في نتيجة صدقيني انا لعبت بشعري لين قلت بس وما توقعت انه هالحنة المتوفرة في بيتنا اهي الحل بس في حالتج حطيها يومين بالسبوع ولا تفكرين تقطعين اعتبريها شي اساسي بحياتج) ///// وبالنسبة للزراعة ماادري قريت في منتدانا وحدة اتقول انه الدكتور اللي يزرع عند عادل قطينة شهادته طبيب عام مو جلدية ولا جراحة ووايد ذامته بس ما ادري اذا اهو اللي انتي كاتبة اسمه/// عموما الزراعة انا ما انصح فيها لاني اسمع ناس وايد تاذوا منها خلج عالحنة وايد ابرك وداومي النتيجة ما راح تبين في يوم وليلة لأ كل شي يبيله صبر وموفقة انسالله.

 

[**الزين**]

الله يشفيج

 

[عرش الأنوثه]

حصني نفسج حبوبا

 

[7arakat lulu]

الله يعينج وانشالله ينفع العلاج هالمرة