صور صور ... صلعتي ...حصري لكويتيات وبس..صور ..صلعتي..صور..صلعتي..صور..صلعتي..صور..

[MiSsY HottY]

الللللللللللله يشافيج ان شاء الله ويطلع لج شعر يارب

 

[*آحلى قمر*]

حبيبتي ليه ما تعالجي شعرك بالرقية الشرعية وسورة البقرة

ترى امكن السبب عين وبنفس الوقت اهتمي فيه بالحنة والسدر

وامكن على قولت بعض البنات ان بسبب الحالة النفسية

المهم يا الغلا استخدمي الحنة ودائما استخدمي من الزيوت زيت النارجين

ترى مرررررررررة رهيب للشعر

 

[لمعة**الماسة]

اخذي حبوب هير فيت

او فيفيسكل سمعت انهم يعالجون بس يبيلهم وقت

وأنصحج بالحناء صراحة حيل يغذي الشعر

والبنات كفوا ووفوا

 

[q8_apple]

السلام عليكم ورحمته وبركاته

حبيبتي ان شاء الله ربي يشافيج ......
اذا في مسامات مفتوحة او البصيلات ان شاء الله ما تحتاجين زراعة شوفي حبيبتي استخدمي الصبار والثوم مرتين بالإسبوع ..... الصبار اشتري من المشاتل وفركي فيه فروة الراس فقط مو الشعر كله لأنه ينشف الشعر وبعدين سوي مساج لفروة الرأس الوقت الي تقدرين عليه خمس دقايق عشر ونفس الطريقة مع الثوم انا افضل انج تستخدمينهم مع بعض يعني اول فركي راسج بالثوم وبعدين حطي الصبار خليهم لمدة ساعة او ساعتين وبعدين غسلي شعرك بالشامبو او السدر واذا تستخدمين الشامبو حاولي انج تبتعدين عن الشامبوهات مثل المصنوعة بالسعودية او الدول العربية بشكل عام مثل بانتين او هيداندشوردار وغيرها حاولي تاخذينهم من بلد المنشا افضل وان انصحك ان تستخدمين شامبو طبي معالج خاص لحالة شعرك ويكون خفيف على فروة الرأس وان كنت افضل السدر في مثل حالتج وحاولي انج ماتغسلين شعرك كل يوم

​

يفضل مرتين بالأسبوع والجسم كل يوم اذا انتي من النوع الي يسبح كل يوم
وحاولي ادورين اذا في تونيك من اكليل الجبل الي اهو الروز ماري وايد مفيد لنمو الشعر او شوفيلج عطار ثقة اكون عنده تونيك من اكليل الجبل او اي اعشاب غير الروز ماري . وعسى اكون فدتج وترا اهم الشي الإستمرار يعني مو اسبوعين وتقولين ما فادني انا متأكدة باذن الله انج اذا استمريتي بتلجين نتيايج بتخليج تدعيلي وانتي نايمة وانتي صاحية ....... وترا انا ما ادخل المنتدي بشكل يومي يعني اخاف تستفسرن عن شي واطول بالرد عليج .
وآسفة على الإطالة

 

[التميميه]

اخوي كان كذا لانه بايام الاختبارات ينتف شعره من قدام الين صلع
اخذت حبه ثوم وشقيتها من النص وفركت المكان يوميا والله العظيم
ماشاء الله تبارك الله رجع احسن من اول

ربي يوفقك ويرجع شعرك احسن من اول

 

[ام فاتي]

والله حبيبتي الله يعينج وعينه احنا الكويتيات كلنا شعرنه بالبالوعه اي والله
بس توكلي على الله ولا تحاتين عالجيه وان الله مع الصابرين
والله انا اعرف صالون و معهد وحده مجربته والله والله طلع شعرها انا ناسيه اسمه بس اهوه بليلى جاليري فوق
شويه غالي بس الوحده تقط على جمالها ومرآة المرأه شعرها
وجربي فيتامينات haire vit ترا ما شالله زينين
وصبري ان الله مع الصابرين ترى الشعر يبيله صبر اجر وعافيه ياقلبي
وانشالله تبشرينه بشعرج ان طلع يا رب
:yaaaaaarb:

 

[ام فاتي]

فيه كريم مررره حلو اسمه اثمدن هير بلس
عجيب بس غالي

من ويييييييييييييين ياخذونه؟

 

[me100]

مابيدي الا ادعيلك يرجع مثل اول واحسن ياارب

 

[واحشني زمانك]

ياقلبي لازم تقرين على نفسك اذا تحاليلك سليمه وهرموناتك يمكن حسد اوعين والله الناس اللحين ما ادري اش فيها ذبحهم الحسد انا اختي شعرها طويل والله الان يطيح بشكل خيالي بعد مارجعنا من زواج الله يعين الجميع

 

[••غـلآًهْـم••]

جربي الزراعه يمكن تكون احسن حل؟

 

[حلا قطر]

بسم الله علييييييييييييييييج
الله يكون بعونج

 

[هجووورة]

شوفي يالغاليه قريت كم رد لج واستنجت
لاتسوين زراعه خليها اخر العلاج
والله العظيم شعري كان للركبه بس سبحان الله طاح لدرجة ان الشباصه ماتلقي شي تمسكة ولاني عارفه السبب
يمكن الاهمال او الحاله النفسية
بس الكل ينصح الحنه والسدر والزيوت الطبيعيه نفس الكلام اللي يقولونه الاخوات جربيه عطي نفسج كورس سنه اذا ما نفع سوي زراعه
اسأل الله العظيم رب العرش العظيم ان يشفينا

 

[قبيطه]

اول شى لازم تقرين على روحج وبعدين فيه صالون بحولى اسمه برونيل وايد زين انا عندها من 2002 لى هاليوم تينن ولما اجهضت من النفسيه لاتشوفين شعرى فراغات ونتفه كلش يلوع الجبد ويطيح بشكل موطبيعى ماشاء الله حطتلى على طول ثوم وخلطات ثانيه معاه والحمدلله وترى وايد ايونها فيهم اشكال والوان 22625393 واذا ماتبين احد يشوفج تخليج بروحج عادى بشرينا عنج وطمنينا

 

[حـوريـه]

أكيد صآكينج عين !
ترى العين حق
روحي حق شيخ خل يقرى عليج
و اقري قرآن
وفي بنت هني بالمنتدى تبيع خلطه يمنيه تنبت الشعر من جد وجديد !
تلقينها هني بالقسم ..
ياليت افيدج =(
الله يشافيج وانشالله ينبت الشعر يارب

 

[Gumus&]

الله يشفييييييييييييييييييييييييييك ومابيدي شي الا الادعيه..............انشالله يفيدونك البنات

 

[غرور إماراتيه]

الله يشفييييكم ان شاءاللهـ

وانا بعد شعري بداا يخفففففففف من الحسسسد والله

 

[اوراد***]

مااااااا فيه غير الاستغفار الاستغفار الاستغفار الاستغفار كثري منه ولله بيشفيك

 

[ملامح شمريـه]

الله يشافيج اختي و
ان شاءالله يرجع شعرج نفس قبل وأحلى
وتتعلمين من غلطج وتتعودين تقرين على نفسج
الناس ماتعطي خير
موفقه يارب طمنينا عليج
وان شاءالله نشوف شعرج روووعه

 

[@زهور@]

الحال من بعضه والله يشافي كل مريض

 

[nora ali]

اول شى لازم تقرين على روحج وبعدين فيه صالون بحولى اسمه برونيل وايد زين انا عندها من 2002 لى هاليوم تينن ولما اجهضت من النفسيه لاتشوفين شعرى فراغات ونتفه كلش يلوع الجبد ويطيح بشكل موطبيعى ماشاء الله حطتلى على طول ثوم وخلطات ثانيه معاه والحمدلله وترى وايد ايونها فيهم اشكال والوان 22625393 واذا ماتبين احد يشوفج تخليج بروحج عادى بشرينا عنج وطمنينا

حبيبتي ما قصرتي انشالله بروح لهم
شكلهم زينين ووايد بنات اذكرو هالصالون
بيس انا فيني طبع ما احب الصالون الزحمه تلوع جبدي احس يصير وصخ