الله يعينج يارب ويشفيج
والله يالغلا حاسه فيج .. لاني انا مثلج مرت علي فترة كنت راح انجن
الزيوت استخدمها تطيح شعري .. وصرت اخاف على شعري وايد ..
وكنت افكر بالثوم من زمان بس خايفه من ريحته .. وقلت بقلبي ما راح ينفعني شي الحين
استخدم الثوم واتوكل على الله حتى لو ريحته مو شي .. بس اهم شي يرجع شعري ويكثر ..
والله العظيم فعلا استخدمت شدة جرجير اغسلها + روب + فص ثوم مبشور يعني 3 او 4 حبات الصغار ابشرهم واحطهم معاه بالخلاط ..
كل اسبوع احطهم بالخلاط واخلطهم يطلعون مثل الحنا .. واحطه على راسي من 3 الى 4 ساعات واغسله بماي بارد
يعني ما يكون حار .. وكنت ابتعد عن الرشاش حق السباحه ..
وكان جدولي جذي بالاسبوع ..
احط يوم السبت ( شدة جرجير + روب + 3 حبات صغار ثوم مبشور ) بالخلاط واحطهم على راسي من 3 الى اربع ساعات واغسله بماي
بارد مو حار ..
يوم الاثنين او الثلاثاء كانت امي تحط لي حنا على شعري ..ولما اغسله اغسله بماي بارد
ويوم الجمعه قبل لا اتسبح احط زيت زيتون على شعري من تحت علشان ما يجف واحط عليه زيت زيتون من فوق بس ما احط الزيت
على الجذور .. لاني كنت خايفه ان الزيت يلين الجلد ويطيح الشعر .. وانا قاعده اسعى بالحنا والجرجير ان شعري ينشد ويمسك وما يطيح
استمريت على هذا لمدة 4 شهور .. وبعد اربع الشهور انصرعت حدي من ريحة الثوم .. قلت خلاص بستخدم جرجير وروب وبس
واستمر على نفس الجدول
وفعلا والله العظيم ان شعري كان مصلع من مكان قذلتي ونبت وصار كثير ..
والحين طحت بالمستشفى من فترة وحطوا لي مضادات كثيره علشان السخونه اللي جتني .. وقام يتساقط شعري مثل اول
والله لدرجه ودي ابجي .. بس قلت راح ارد على الثوم مره ثانيه ونفس الجدول .. وهذا اول اسبوع لي ..
وراح استمر باذن الله ..
والله يعيني على ريحة الثوم ..واللي تعرف شي يوخر ريحة الثوم يقول لي ..
صدقيني يالغلا لا تتحطمين هي بس فترة وباذن الله تزول .. انتي توكلي على الله ولا تتعبين نفسيتج وحطي امل شعرج يرد مثل اول
وانا ما راح اتحطم بعد راح استمر على الثوم ليما الله يفرجها
