الحين بعرض لكم الفاونديشن
طبعا اول شي احب اقولكم الفرش اللي استعملها : للفاونديشن السائل و الكريمي ١٩٠ و عقبه بالاسفنجه اضبطه او ١٨٧ حيل حلوه و تنفع لكل شي الكومباكت استعمل الاسفنجه مالت و بعدين اضبطه ١٨٧ و الكنسيلر ٢٤٩
الفرش ملوتي كلهم من ماك و على فكره ملوت فور افر نفس جودة ماك حلوين
اللوس باودر :
اول واحد من اليمين من كولستار وايد احبه و صورته بروحه لكم هذا للمناسبات فيه لمعه و اضاءه حلوه حيل وااااايد حلو و لمعته قويه رقمه ٤ و الاثنين الثانيين ماخذتهم من لندن هم للمناسبات واحد بلمعه ذهبيه و الثاني فضيه و الاسود هذا منيرال من ماك حلو حيل و خفيف بس يغطي و الاخير برونز من البدي شوب بس مو وايد حبيته في ماركات احسن منه
الفاونديشن السائل:
من اليمين اول واحد اضاءه من بنفت حلوه و تقدرين تخلطينها مع الفاونديشن اللي بعدها فاونديشن رفلون وايد حلو و يغطي عدل و اللي بعده شسيدو هذا خلصت منه وايد ورديت شريت يمكن هذا الخامس المهم هذا دكتورة الجلديه نصحتني فيه لانه ما يأذي البشره انا استعمل اللي للبشره المختلطه و اللي بعده من شارمل هذا ثقيل و حلو حيل للمناسبات ما يقطع و لا يسيح و ثابت و اللي بعده فاونديشن باضاءه من لندن و الي بعده من مكياجي مو حلو كلش
الكوباكت:
اول شي اللي من ماك:
الفكس: عندي ثنتين وحده لون بشرتي و الثانيه للبرونز وووايد احبه و تغطيته حيل حلوه
اواحد اسمه pressed : هذا يستخدم عقب الفاونديشن اما الفكس بروحه
واحد اسمه belightful : هذا اضاءه و لمعه بس راقيه و ناعمه
الكحلي هذا الدبل وير من استي لودر بس ما يغطي بروحه يبيله فاونديشن
اما جفنشي فهوه غرامي عجيب عجيب عجيب و كل ما تبين تغطيه اكثر زيدي طبقه انا استعمل رقم ٢ واااااااااااايد ارتاحله و استعمله يوميا حتى بالبيت استعمله و انصح الكل يجربه طبعا هذا اللي ايي اربع درجات مع بعض و انا استعملهمن غير فاونديشن
الكنسيلر:
اكثر واحد احبه بوبي براون صارلي ٥ سنوات استعمله الذهبي مال اف سان لوران خفيف و يعطي اضاءه حق الاستعمال اليومي و لوك طبيعي مال فور افر الباليت زين بس اشوي يقطع و ماركة الما هذول من الامارات واحد اضاءه و الثاني كومابكت بلمعه حلوين مال ديور هم زين بس ما يقطي مثل بوبي براون
ماركتة كولستار:
طبعا هالماركه وااايد احبها شرحتكم اللوس باودر و اللكبيره لمعه ذهبيه وايد قويه و احلى من مالت قيرلان و ارخص و حاليا كل ما اسال عنه خالص حماتي شافته و ينت عليه بس ما حصلتلها اياه و الصغر بودره بلمعه راقيه و حلوه اهيه كومباكت رقم ٨ وايد حلوه
هني تشكيله فاونديشن ماكس فاكتوري زين و الفل كفر مال فور فر زين بس اللوس البرونز مالت ماك واااااايد حلوه اللي نزلت مع الستايل وارير و اللي فوقها الصغيره هذي اضاءه ورديه من ماك واااااااااااااو اسمها miniralize sheersheen powder
انا ماخذه الوردي و فيه مثله برونز
اللوس الكبيره من فور افر ماخذتها لتحت العين عشان الشدو ما يخرب المكياج لونها وردي و الكوباكت البرونز من الستايل وارير بماك روعه و الاضاءه هم حلوه
هذي الااخيره من ماك تمنع افراز الدهون حيل مفيده الصراحه اسمها blot وايد تنفع خاصه بالصيف و تستعمل فوق المكياج لان ما تعطي لون
و بس انشاللله بعده الشدوات بس ابي تفاعلكم
