صوغه حق كل وحده ترد (فنادق ماليزيا)

[RED^ROBY]

هاي بنات
بما اني مو من النوع اللي يكتب وايد بالمنتدى يعني متفرج فبليز موتفشلوني وتردون علي

وطبعا انتوا الوحيدات اللي اثق برايكم لانكم اهل الذوق

بغيت فنادق سنعه بكوالامبور وبيننغ ولنكاااوي يعني نضيفه مرتبه وتكون على البحر اللي بالجزر ويكون من تجربتكم لان والله دايم حظي مو لي هناك كل مااحجز فندق انصدم بالواقع الصور غير الطبيعه واذا كان حلو يطلع العيب في المكان فياليت اللي عندها معلومه ماتبخل علي وتبشر بالصوغه



ناطرتكم

 

[RED^ROBY]

بنات شدعوه محد يجبر بخاطري برد مو من كثر ما احط مواضيع يعني ولا وحده سافرت ماليزيا او سمعت عن فندق

:0bee2e8d89:

 

[**فراشة الكويت**]

خالتي قبل شهر كانت رايحه ماليزيا
وحجزت يمكن 4 فنادق عن طريق الانترنت
وتقول لما اروح مره ثانيه ما اسكن الا فندق الاحصنه الذهبيه (ان شاء الله اسمه صح )
لانها اول مره تروح وكانت حاجزته بس ليله
وتحسفت تقول فندق عجيييييييييييب وفخم وراااااااااااقي وحلو
واقولج شغله احجزيه عن طريق الانترنت ارخص من مكاتب السفريات بواجد
ولاتنسيني بالصوغه ههههههههه

 

[RED^ROBY]

تسلمين ياقلبي ماقصرتي فراشه الكويت عسى الله ينولج اللي ببالج وتامرين امر بالصوغه امري تتدللي

وقصر الاحصنه ودي فيه بس ماعندي معلومات عن سعره او مكانه بالظبط اذا زين او بعيد عن السوق


وناطره باقي الردود ادري كويتيات مايقصرون

 

[**فراشة الكويت**]

شوفي المعلومات اللي اذكرها ان في باص بالفندق نفسه ويوصلج للسوق مجانا
وسعره على ما اعتقد خالتي حجزته عن طريق الانترنت 28 دينار الليله لاني اذكر سعره كان خيالي لمستواه
وبالسفريات مو اقل من 50 الى 60 دينار
وان شاء الله بسأل خالتي عن الموقع اللي حجزوا منه الفندق واقولج عنه
وان شاء الله تروحين وتستانسين وتردين بالسلامه

 

[ArEEj]

golden horses
الاحصنه الذهبيه
سكنت فيه مرتين حلو وراقي بس هاااااااااااااااادي جدا وبعيد عن الزحمه وشارع العرب
يعنى مال يومين 3 بالكثير تسكنين فيه
انا اسكن فيه اول ما اوصل كولالمبور عشان اريح فيه قبل اروح بييانج

بس ما قلتى لنا معاج اطفال ولا لا هالشي مهم في اختيار الفنادق

في بييانج انا سكنت مره في باي فيو بيتش
نظامه بسيط وحلو وموقعه على البحر روعه
بس اهو ااااخر شارع باتو فرنجيه اللى فيه اغلب الفنادق

المره الثانيه سكنت بهوليدى ان الجزء اللى على البحر
الفندق اصغر من باي فيو بيتش بس موقعه حيل احلى من ناحيه انه باول شارع باتو فرنجيه
يعنى تطلعين من الباب حولج السوق الليلي والمطاعم

بالنسبة لنكاوى رحت لها مره وحده بس
وسكنت في شاليهات برجايا لنكاوى بيتش
وكانت خياااااااااااااااااااااليه وروعه
بس هذى ما تصلح فيها اطفال ابدااااا


في كولالمبور عاد الفنادق متروووووووسه واغلبها حلو ومكانها قريب من شارع العرب
وفي النهايه هذا يرجع لميزانيتج
يعنى اذا تحبين فخم وغالي روحى ميلينيوم روووعه او ماريوت
اذا ميزانيتج عاديه بحدود 40 - 50 بالليله
روحى برجايا تايم سكوير


ولا تنسين صوغتى لوووول

 

[RED^ROBY]

الله يسلمج قلبي فراشه الكويت مشكوره على هالمعلومات انا دشيت موقع الفندق حاولت ادور السعر بس مافهمت


وياليت تلاقين لي الموقع اللي حجزت منه خالتج لان انا بصراحه شفت صوره قلت اكيد يعني مايقل عن ال70

 

[RED^ROBY]

اريج اااااامري تدللي شتبين من هناك بمى انج خبره صوغتج محفوظه

مشكوره عاى المعلومات المفيده وانا مسافره ويى عيالي اثنين 10 و6 والميزانيه يعني انا حاطه في بالي فندق كوالالمبور يكون سعره وسط

بس في لانكاوي حابه اسكن منتجع فخم وسمعت عن الفلل هناك وفي وحده قالت لي سكنت بنفس طريقه الكوخ بفندق الشيراتون بس مافهمت اذا هذي غرف الفندق او انه تطلبين جذي او هذا قصدهم بالفلل

وبالنسبه حق شاليهج اللي بلنجاوي ليش مايصلح لليهال


وسوري على اسالتي الوايد ماصدقت احد عطاني ويه

 

[banota]

في منطقة سيلانجور فندق صن واي لاغون
جزيرة بينانغ فندق شانغريلا راسا ساسينغ
جزيرة لنكاوي فندق ويستن لنكاوي
كوالالمبور فندق ويستن او ريتز او ميلينيوم كلهم حلوين ويم بعض بشارع العرب

واي سؤال انا حاظرة

 

[RED^ROBY]

مشكوره ياقلبي بنوته ماقصرتي

بس بغيت اسال عن سلانجور وينها وتسوى امرها او لا لان برنامجي 4 كولالمبور 4بنينج و4ايام في لانجاوي

وبغيت اسالج واسال البنات اللي جرب الشقق الفندقيه بكولالمبور شلون مستواها واللي عندها اي معلومه عن افاموسا


ومشكورين وماقصرتوا كلكم وبانتظار ردود اكثر

 

[ArEEj]

بالنسبة للشاليهات اللى بلنكاوى قلت لج ما تصلح للاطفال لانها نظام غرفه بس
بس مما ادري عن الفنادق الثانيه شلون نظامهم اكيد فيه اماكن للعائلات

لا تنامين فيها اذا بتسكنين بس 4 ايام بكولالمبور
يعنى بس روحى لها ترى مو بعيده ربع ساعه بس

الشقق عاد مستويات وحسب ميزانيتج فيه الغالي وفيه الرخيص
افاموسا ما رحت لها من كثر ماقالوا لى انها حر ورطوبه ما تشجعت يعنى

 

[RED^ROBY]

ثانكس اريج يعطيج العافيه حبيبتي