صيادية الربيان روعة......... وبالصور

[ضوءالقمر]

السلام عليكم
اليوم يايبتلكم طبخة ربيان روعه
بسم الله نبد مع الصور وبالشرح

نجهز المقادير
نقطع الطماط قطع صغيرة



والخضار الى شرائح وهي عبارة عن البصل و الجزر والفلفل الاخضر




ننظف الربيان ونغسلة وننقعة بالليمون والثوم المطحون والزنجبيل حوالى نص ساعة



نسلق العيش حسب الكمية اللى تبينها يعني مثلا ثلاث قلاصات للكمية اللى نشوفها بالصور واثناء السلقنحط نص قلاص شكر في جدر صغير على النار الى ان يصير لونه ذهبي ونحط عليه ملعقة كبيرة زبدة



وناخذ ملعقة كبيرة من العيش اللى ينسلق قبل لا يتم سلقة كامل ونحطه على السكر الاشقر مثل ماهو بالصورة وبعدين نشيلة من على النار





نجيب جدر ثاني او صينية فرن ونبدا بالخضروات نحط شوية زيت ونص قالب زبدة ونقلب البصل فية الى ان يشقر



ثم نظيف الجزر والفلفل الاخضر والبصل الاخضر



ونحط الحين الربيان مع ماي النقع ونقلبه مع الخضار ونظيف عليه الطماط وشوية معجون طماط ونقلبة الى ان تتكون مثل الصلصة الثقيلة






يتبع

 

[ضوءالقمر]

دوخني الموقع علشان اكمل الطبخة

نكمل الطبخ قبل لا تحترق الطبخة
نحط علي خلطة الخضروات الملح وشويه كمون وكزبرة ناعمة وبابريكا وكركم حسب الرغبة اوبهارات مشكلة او بهارات سمك حسب ما تحبين ونتركة يطبخ شوي
نضيف عليه السكر الذهبي المخلوط مع العيش ونقلبه
ونضيف الرز المشخول على الربيان ونغطي الربيان كله



ثم نحط قطع من الزبدة على الوجه واغطيه واحطه على نار هادية ربع ساعة اذا كان بالجدر واذا كان بصينية الفرن اغطية بقصدير وادخلة الفرن على نار هاديه ربع ساعة



وبعدين نقلبه على صينية ونقدمه
وهذي صور التقديم










وهذي اذا كانت بالجدر



قدميها مع شوية خضار خضرة وليمون
يمكن شوي الخطوات تكون طويلة شوي لكن سهلة
والنتيجة تستاهل


وبالعافية

 

[واحشنى موت]

يعطيج العااااااااافيه وتسلم ايدينج صج الطبخه روعه وتشوق .........

 

[خاشووقه]

ما شاء الله ، تبارك الرحمن
شكلها يشوووق
يعطيج الف عافيه
وتسلم ايدينج

 

[جارة القمر]

ما شاء الله


رووووووووووووووعه



تسلم ايدج

 

[ديناا كوليكشن]

مشكووووووووووووورة

راح اجربها ان شاء الله

 

[ريم الصبايا]

ماشاء الله


تسلم ايدج وعليكم بالعافيه

عندي سؤال مايبين طعم السكر بالعيش

 

[أوركيدااا]

ماشاءالله عليك

طبق حده يجننننننننننن

ونفس السؤال

السكر باين طعمه بالعيش ,, والا بس لون؟؟

ومشكووووووووووووووره حبيبتي

 

[حلوة ومملوحة الكويت]

مشكوووره حبيبتي
رووووووووعه
تسلم ايدج
واللي صج عجبني
طريقة اضافة العيش للشكر

 

[يمامة]

مشكوره حبيبتي
يعطيج العافيه

 

[ABEER FLOWER]

ما شاء الله تبارك الله
شكله عجييييييب
يعطيج ألف عافيه ضوء القمر
و تسلم إيدج

 

[ضوءالقمر]

واحشنى موت الله يعافيج

خاشووقه الله يسلمج

جارة القمر الله يسلمج

queen_q8 عليج بالعافية

ريم الصبايا الله يعفيج لا مايبين الشكر لكن يعطي لون ويعزز النكهات

أوركيداا لا ما يبين الشكر لكن يخلي طعم الخضار مع الربيان متجانس لما اسويها اول ما يخلص العيش اللى يم الخلطة لانها هي اللى تميز الطبق

حلوة ومملوحة الكويت الله يسلمج

يمامة الله يعافيج

ABEER FLOWER الله يعافيج

نورتو الموضوع

 

[ساره.]

يسلموو

 

[ضوءالقمر]

الله يسلمج

 

[أحلى^حياه]

وااااااااااو

رووووووووعه

تسلم الايادي

 

[@سيدة نفسي@]

رووووعة يسلمووووووو

 

[^^دموع الكويت^^]

شكله لذيذ

تسلم ايدج

يعطيج العافية

 

[ضحكة الدنيا]

شغل عدل

تسلم ايدج

 

[ضوءالقمر]

أحلى^حياه
@سيدة نفسي@
^^دموع الكويت^^
ضحكة الدنيا
نورتو الموضوع وعليكم بالعافية

 

[ضوءالقمر]

أحلى^حياه
@سيدة نفسي@
^^دموع الكويت^^
ضحكة الدنيا
نورتو الموضوع وعليكم بالعافية