صيف 2009 زيلامسي- النمسا

[macintosh]

مع التشطيبات الاخيرة لسفرة صيف سويسرا 2011
الله يسهل انشالله (راح تكون اول سفرة لأوربا مع زوجي )

تحمست وانا اشوف صور سفرتي مع اهلي للنمسا .. كان وناسه مو طبيعية
اياام حلوووة .. حبيت اعرض لكم بعض الصور اعتقد سنة 2009

فندق غراند - زيلامسي
​

البحيرات الصناعية - كابرون

شلالات كراميل

قمة كابرون الثلجية

الزحليقة الصيفية - مثل ما يقولون :eh_s(6):

في طريق كابرون

انشالله اذا صار عندي وقت اكمل بعدين
​

 

[بنت عطا 24]

الصووور تهبل

يعطيج العااافيه


كملي ناطرينج

 

[miele]

كملي يا عسل واذا عندج صور زلمسي حطيييييييييييي


ناطرينج

 

[صباح الليل]

الله على ايام زلمسي
صج شوقتيني لها ودي اروح لها هالصيف
بصراحه زلمسي ماينمل منها

 

[الزيـــــ^^ـــــن]

عليــــــــــــــــكم بألف عافيــــــــــــــــــه

ياااااااااااي بخاطري النمسا

حدها رووووووووووووعه

كملي تشوقت اشوف الباقي

 

[om_7sin]

واااو يالله كملي شوقتينا حق الروحة

 

[الأميرة كيرارا]

وااااو يعطيج العافية عالصور اتينن

 

[دلوعة أبوهآ]

واووو روعه الطبيعه والاجواء ..
عاد انا حاجزه ع النمسا ان شاءالله ..,

يلا كملي ..

 

[macintosh]

بنت عطا 24

miele

صباح الليل

الزيـــــ^^ـــــن

om_7sin

الأميرة كيرارا

دلوعة أبوهآ

شكرا ع المتابعة الحلوة
وحياكم الله ..

نكمل ؛)

المنظر من بلكونة شقتنا - كابرون

​

في الطريق الى البحيرات الصناعية - قطار كهربائي + مشي شوي

بحيرة زلمسي - من جهة فندق غراند

مدينة سالزبورغ

شلالات كراميل

منتزه العاب للصغار+ حيونات (نسيت اسمه )

​

يتبع ...
​

 

[macintosh]

قصر هيلبورن - فنتازيا مائية

اوتلت سالزبورغ

اكمل اذا عجبكم
​

 

[om_7sin]

حبيبتي روووووعة كملي ونفس المناطق الي بروح لها وشنو البحيرات الصناعية ؟؟ هذي موطبيعية؟؟

 

[الأميرة كيرارا]

يسلمووو حبيبتي
االصور رووووعة و اتشوق إنشالله إذا الله كتب بروح بالصيف
شلالات كريميل صج متعبة ؟ و تسوى التعب ولا ما تسوى ؟

 

[زهور_2008]

رووعة كملي

 

[دلوعة أبوهآ]

الاوت لت وين مكانه بالضبط ..!
داخل سالزبورغ ولا يبي له قطار ومشوار طويل ..!


ويستاهل الروحه يعني فيه شي يسوى .؟؟؟

،’

 

[macintosh]

آسفة بنات ع التأخير صارلي فترة مو متابعة المنتدى :eh_s(7):

om_7sin

البحيرات الصناعية الله يسلمج صج مكان روووعة .. ماتقولين غير سبحان الله
,مناسب وايد حق التصوير لأنه المناظر عجيبه ، شفتي من الصور البحيرات شلون لونها
تركوازي عجيب

وحسب ما اذكر كانت بمنطقة كابرون او قريبه منها .. ما طولنا على ما وصلنا لها . تذاكر الصعود لها تشمل رافعة كهربائية _(جنها قفص كبير مفتوح من فوق ) وبعدين باصات كل شوي يوقف ويتحرك عشان تتمشين بالمكان .. وتصعدين اكثر اذا تبين .. الاجانب عاد وايد منهم يطقوونها مشي
عليهم لياااقة .

الأميرة كيرارا

شوفي حبيبتي الشلالات الصعدة لها اخذو سايق يصعدكم لها تلقينهم بالطريج .. مشي طبعا إنسي
مو تبعنا هالسوالف ، طبعا سايق ياخذكم حتى لومأجرين سيارة لأنه الصعدة مخطورة وجنه ما يصير اصلا اممم مو ذكراه عدل . المهم راح يوصلكم للقمة بعدين ينزلكم وتبدا رحلة النزول ، تمرين على مناظر الشلالات حلوة والنزلة مو تخيلين جبل ، لأ اهم مسوين له طريج نزلة جذي

النزلة خذت منا ساعة وشوي تقريبا ، فيها تعب بس وناسة مناظر الشلالات وفي اماكن فيها فجة
تنزلين تشربين ماي من الشلال .. ، في كراسي بين فترة وفترة وانتي نازلة (انا اذا تعبت مالي شغل أقعد على اي صخرة عودة بالطريج ) نصيحتي لا تطوفين شي ، اي وآخر شي تحت في اكشاك تبيع تذكارات .

زهور_2008

انشالله حبوبة بأقرب فرصة :eh_s(7):

دلوعة أبوهآ

الأوت لت اي بسالزبورغ .. اممم شلون اوصف لج (بالتوصف رايحة فيها ) شوفي الله يسلمج
اهو اذكر كانه يمه مطعم ماكدونالدز حتى تغدينا بعدين دخلنا له ، دلتنا عليه المرة اللي مأجرين عندها الشقة ، تبين الصج ما يسوى زيادة ما ادري احنا ما تمشينا فيه عدل لانه معانا اخوي كان صغير شوي وحنان ما طولنا .

البنات اللي سألوني اسفة اذا ماكنت دقيقة باجاباتي ، كان عندي بوشورات عن الاماكن السياحية
اللي رحنا لها ، اذا حصلتها عند امي انشالله بأحط المعلومات هني :eh_s(17):

 

[macintosh]

الأوت لت مااذكر انه كان بعيد ، لا عادي تروحين له بالسيارة

 

[al_reef]

ماشاء الله صج روعة
أحنا بنروح الصيف هذا ونفس السكن بس بسألج عن قصر هيلبورن - فنتازيا مائية جم سعر التذاكر
وإذا رايحة اوروبا بارك جم سعر التذكرة لأني ألقى الأسعار مختلفة بالمنتديات
ياليت السعر بالكويتي عشان نحسب حسبتنا هههههههههه

 

[macintosh]

للأسف حبيبتي ولله مو ذاكرة اسعار التذاكر
وأوربا بارك بروح هالسنة انشالله فمثلج ماعندي فكرة

 

[حنين المسافر]

ماشاءالله تبارك الرحمن
الله يزيدكم من نعيمه