صينية كفتة بالباذنجان--لذيذة و تصلح للزوارة

[الدانة-81]

قوة بنات شلونكم

من زمان ما كتبت بهالقسم

طبعا الطبق الأصلي كان من هني بس الصراحة مو عارفة منو مسويته!!



انا أخذت فكرة الصلصة و عدلت على المقادير و طلعت مية مية:eh_s(15):











المقادير و الطريقة:


قصصي بيديان حلقات (تقريبا 3 كبار حق صينية البايركس) ز نقعيهم بماي و ملح و بعدين قليهم




صفي نص الكمية بالبايركس



حطي فوقهم كفتة امريكانا المجمدة علبة كاملة أو حسب ما انتي تبين


فوق هذا حطي علبة نخي (حمص)


و بالأخير حطي ما تبقى من البيديان المقلي



نيي لمقادير الصلصة:

تقريبا نص كوب ماي حار مع صبار (تمر هندي) هرسي الصبار و شخليه

ضيفي عليه ثوم مهروس+ ملح+ فلفل أسود

+ 4 قفاش كبيرة كتشب+ 4 قفاش كبيرة صلصة HP للستيك
+ قفشة كبيرة دبس الرمان أو سكر عادي

خلطي هالمقادير عدل مدل و صبيها على الصينية و غطيها بقصدير و بالفرن
على حرارة أعلى من المتوسطة



و اذا بغيتي الصلصة تكون ثقيلة شيلي القصدير بنص المدة و خللي الماي ينشف





تقدم مع العيش المشخول أو الخبز و بالعافية


بنات أمانة اللي تسويها تحطها بالأطباق المجربة و تقوللي شلون كانت!!

 

[جارة القمر]

مشكوووووووووره


وأتوقع أنتي

مسويه طريقة سبائك

http://q8yat.net/showthread.php?t=115200

 

[RAIN FALL]

تسلم ايدج

 

[chocolate cake]

متشلم اييييدج

انا اسوي نفس الطريقه مع اختلافات بسيطه بس تعطي طعم عجيب

تسلم الايادي و مشكووووره

 

[ترانيم العود]

تسلم ايدج

 

[ABEER FLOWER]

يعطيج العافية
و تسلم إيدج

 

[ضحكة الدنيا]

تسلم ايدج وعليج بالعافيه

 

[قطوة@@]

تسلم الايادي

 

[Snow angel]

تخيلتها عجيبه ماشاء الله تبارك الرحمن

يسلمو هاليدين يا قلبي

 

[الدانة-81]

الله يسلمكم حبايبي و شاكرة لكم مروركم

بس حبيبتي جارة القمر هذي مو وصفة سبائك لأنها اهي حاطة روب و زيت زيتون---كلش كللش غير

الوصفة كانت بس فيها بيديان --انا زدت عليها كفتة و نخي

سامحيني يا صاحبة الطبق الأصلي لأني ما قريت منو اللي كاتبة-بس لفت نظري مقادير الصلصة و سيفتها بمخي

 

[سبكهاوا]

تسلم ايديج وعساج على القوة