ضايقه فيني..زوجي صدمني قتلني

[كفايه ياااناس]

صباخ الخيرررررر ..مادري من وين ابتدي قبل ساعه تقريبا قاعده انبش بجوال زوجي من الفضاوه وربي عمري ماشكيت فيه بس أتسلى وأقراء برودكاست فجأه جتني رساله ع الماسنجر اللي ع موبايله بنااااات انصدمت طلعت بنت وتقول وينك دخلت المحادثات انصدمت لقيت محادثات لهم من اكثر من شهرررررر كأنهم يعرفون بعض من زمان وفيه محادثات يطلب فيها رقمها ويسألها شكثر تحبه..بنات هو نايم الحين احس بمووووووت اذا طالعت فيه المشكله مو هنا المشكله ان بينا قصة حب ونحب بعض ومااشك ولا لحظه انه يمكن يلتفت لغيري..كل ماطالعت فيه احسه كذاااااااب قسم بالله ماناقصني شيء وربي مدلعته دلع يحلم فيه كل رجااااااااال....لدرجة أن تعب مستحيل انام الليل لي اسبووع اجهز له مفاجأه ذكرى زواجنا الثانيه جهزت كل شي حجزت فندق ويخت وهديه كان خاطره فيها من زمان ..كنت أقراء واسمع عن الرجال اللي يسووون كذا واحمد ربي ع زوجي ليش يسوي كذا ليش يجازيني كذا وين اروح شسووووووووي اصارحه عمري ماعصبت عليه ولا جادلته بس مو معناته مااقدر فيني غيض وضيقه وقهرررر وكلام ودي افجره بوووووووجهي ...يااخوووات يااالي اكبر مني دلووووني مستحيل اطلع مشاكلي انا وياه لامي وخواتي ماأبيه يطيح من عين احد شوورووووو علي تعبااااااااانه

 

[حبيبه ببي]

الله يعنيحج

 

[Gifts&Occaions]

لازم تواجهينه

 

[صاعقة بيوتي]

الله يعينج ياحبيبتي بس لازم تواجهينه وماتعدينها بالسهل وتزعلين زعله محترمة عشان يتوب ويفكر مليون مرة قبل لايعيدها بس ديري بالج لاتطلعين من البيت وبطلي شغل التسنع الزايد اهو اللي مفروض يحجزلج بفندق مو انتي عوديه انه اهو اللي يدفع كل شي عشان يحس برجولته معاج مو يدور على وحده ثانيه يصرف عليها والله يربط على قلبج ويهدي سرج وطمننينا عليج.

 

[اشلون يعني &]

من الغباء انج تواجهينة وتكشفين اوراقج له بالسهوله
اول شيء بينكر وبيخطط بدقه مدامج فضحتي اوراقج

عليج
الاجتهاد بالتزين ادري مو قاصرج شيء بس لا تخلين موضوع ياثر على مهامج الزوجية
زيدي الهمه

ودايما لصقي ملصقات دينية

خلي بيئة دينية
من الفراغ يسوي جذي

 

[لمى الهاجري]

شوفي اخذي رقمها وسحبي منها وحجي وخلها تبتعد عنه بنفسها وبدون ما يحس

 

[جـــواهر]

كنت ولازلت اقول حق كل وحده زوجها يتعرض لنزوه ( مانقول خيانه لان الخيانه تفرق )
اقول لكل وحده لاااااااتواجهين زوجج مهما يصير لانه بينكر ويحلف ويحلف واحتمال يحلف ع القران
راح يقص عليج بجم كلمه وترضين ويعيدها ويعيدهااا لين يعقل والله يهديه

ف ياحبيبتي احيانا التغافل يكون طريق السعاده

 

[قمر مابين البشر]

مشكلتك عويصه وهي ماجات ع هالبنت حتى لو تركها
في مليون وحده برا
ويمكن يطلع شريحه ثانيه ورقم ثاني هذا اذا ماكان عنده ومخبيه
انتي لاتحسسينه بالبدايه انك دريتي
جهزي جو رومنسي وتزيني وتعدلي وسأليه بإبتسامه وهدوء
حبيبي تصدق في وحده من صديقاتي تقول اكتشفت ان زوجها يخونها مع انها مو مقصره معاه ابد بشي مفاجآت وهدايا واهتمام من كل النواحي يعني تقريبا مثلي تموت ع الرومنسيات والمفاجآت انا بصراحه
اقول هالشخص مايملي عينه الا التراب
انت شرايك بهالشخص وشنو بتنظر له وايش رايك بالخيانه بحد ذاتها
واذا رد ايا كان جوابه
قولي له انا احمد ربي بصراحه انك انت زوجي وحبيبي انت الوحيد اللي تعلمت منه الثقه
الله يخليك لي ولايحرمنا من بعض واذا كان عنده شوية احساس ودم راح يتسنع



وحبيبتي صاعقه بيوتي لا مافيها شي انها تجهز وتحجز بفندق لها ولزوجها اذا كانت
امكانياتها تساعدها بس مو كل مره يكون عليها

واختي جواهر التغافل احيانا يجعل الزوج يظن انها مغفله وعلى نياتها ويستمر بخيانتها ومايحسب لها اي حساب
وبسألك لو كانت اهي تكلم شاب غيره هل بيسمي هالشي نزوه او خيانه؟؟!!!



الله يوفقك عزيزتي ويهدي زوجك
ويارب عيونه ماتشوف بنت غيرك

 

[انت مناي]

كنت ولازلت اقول حق كل وحده زوجها يتعرض لنزوه ( مانقول خيانه لان الخيانه تفرق )
اقول لكل وحده لاااااااتواجهين زوجج مهما يصير لانه بينكر ويحلف ويحلف واحتمال يحلف ع القران
راح يقص عليج بجم كلمه وترضين ويعيدها ويعيدهااا لين يعقل والله يهديه

ف ياحبيبتي احيانا التغافل يكون طريق السعاده

:eh_s(15)::eh_s(15)::eh_s(15):

 

[بطوووطة$بيضة]

حبيبتي لاتواجهينة لان بيقص عليج ابجم كلمة

ويكون ابعلم راح يتحرص منج اكثر علشان ماطيحين عليهمرة ثانيه

انا بنصحج نصيحة دشي عاليوتيوب على قناة الوطن حلقه اليوم السابع مقابلين الدكتور يوسف البدر وسمعي كلامه ان شلون تتصرفين اذا زوجج خانج

 

[مفعمه بالحيويه]

مادري شقول لج

بس فكري بطريقه انه يترك عنه هالسوالف والخرابيط

و الله يسخره لج يااااااااااااااااااااارب

وترجع الثقه بينكم والحب

 

[غيرتي نار]

يحليلك تركتي نايم وجالسه تفكري لو انا منك أصحيه والساطور بيدي بسويلو فيلم رعب انا اشوف رساله في تليفون زوجي في لحظتها اتصل عليها واهددها اذا حصلت الرقم مره اخري بسويلك مشكله وهو انا متاكده انو مايعرفها بس ممكن يتصل يشوف صاحبة الرساله بتكلمه بحنيه وتسويلو حركات في التليفون وتعدها لحد مايتعلق فيها لاكن لازم اكون يقظة الريايل ماينعطوه لهم الامان والله يعينك حبيبتي

 

[مالك عذر]

ححححححححححححبيبتي كملي تجهيزاتك لعيد زواجك

ولا تصصصصصصارحينه بس بذلي جهد على نفسك وواكثري الاستغفار

 

[هذا مزاجي]

احححححححح ياقهري
احس ضغطي بيرتفع قريب من بلاويهم
الله يخفف عليج ضيقتج ويصبرج

 

[Patcholli]

:|

لو مكانج ما انطر ولا دقيقه اقعده من النوم واقوله شنو هاذا يامحترم ؟؟؟ واحذف التلفون بويهه واقوم اروح بيت اهلي واهدده بالفضيحه جدام الناس ..!!

هاذي بتكون ردة فعلي بس انتي ادرى بزوجج وادرى بطاقة تحملج حبيبتي

 

[ياكثر الغيورين]

انا مع كلام قمر بين البشر كلامها صحيح 100%
وقوليله بطريقتج الخاصه انه اذا صار مثل زوج صديقتج انج بتتركينه
وتعلمين اهلج واهله عن هالسوالف وذكريه باخرته يمكن الله يهديه
ويتوب عن هالسوالف



تحياتي

 

[امانينا]

الله يعينج
مانعرف منو فيهم الوفي والله كل مره قامت تشك بريلها من اللي نسمعه

 

[hayoOona alntfa]

قوليله وصلتلك رساله على المسسن بطلتها بدون ما اقصد و حذفي عليه التلفون جنه ماكو شي صاير

و اهوا اذا حس راح يقولج و انتي خلج جنه مو صاير شي

و مثل ماقالت ((قمر من بين البشر ))
جهزي ليله و سولفي معااه و بطلي هالموضوع بس لا تحاولين توضحيين انج داريه بالموضوع
كل شي قطييه برااس رفيجتج زوج رفيجتي و رفيجتي !!

حاولي انج تكسبين زوجج ؤ ما تخسرينه و اذا ناويه على انج تصارحينه راح يكون في زعل و ما يسوى الزعل على ذكرى زواجكم

و الله يوفقج و يحقظ لج زوجج​

 

[مارشميلو..]

لازم تواجهينه
اووف قلبي يعورني من مشاكل الخيانه ماحس اني اقدر ارد مثل باقي المواضيع
شي يقهررررررررررررررررررررر
الله يصبرك

 

[أم فـرح الحلوه]

انا نفسج انصدمت وماكنت متوقعتها بس نصيحه الا المواجهه انتي ع عماج الربحانه وهوما يحبها ترى هي كلها مقصه وانتي زوجته بالحلال وانا نفسج كنت بموت بس الحمدالله ما تسرعت قعدت ع عماي والحمدالله انا ربحانه




الرياجيل باسهم قوي لا تتحدينهم وكيدهم كبير​