ماقدرت اقرا الرساله وما ارد رغم انشغالي حاليا
اولا :المغالاة بالتعبير بالحب بحجز فنادق وشراء هدايا هذا كله ما احبه ولا يزيد حبك بقلبه ولكن ممكن يفرحه
لحظات وثاني يوم ينسى الهديه وراعيتها
وكثير اقرا زوجات ينزلون مواضيع بطلب شنو اشتري هديه وشنو افاجأ زوجي يكسرون خاطري وما ارد عليهم
ملخص الحجي الاعتدال بالتعبير بالمشاعر بالحب هو الانسب خاصه للزوج الخليج
ثانيا: وضعك حاليا زوجه مصدومه من زوج توقعت انه مخلص
وانا اقولج هو مخلص ولكن بنات ابليس ما يتركون المتزوج بحاله
بدليل لو له خاطر فيها ما ارتبط فيج وتزوجها
ثالثا: من صالحج انتي انك تصارحينه بكل شي
ومن مصلحته انه يعترف بكل شي ويبتدي معك صفحه جديده
بشرط انك ما تجيبين طاري هالموضوع
رابعا : الافضل لكم كلكم الموضوع يبتدي وينتهي ببيتكم بدون علم الاهل
فوفو
مع الاخت فوفو في كل كلمه خاااصه جزئيه انه من مصلحته انه يعترف و تبتدون من اول وجديد
انا والله اول ماقريت الموضوع عرفت انه اول شي بيخطر على بااله جمله هذا واحد من الربع بيسوي فيني دقه و نحن الشباب انكلم بعض جذي وشفتج كتبتيها انه فعلا قال جذي
خواتي لين متىىىىىى لين متى بتصدقون ها الجمله ماتشوفونها خلاص صارت دارجهه و مبتذله بين الشباب كل ما لقت الزوجة شي عندد ريلها قالها مو مالي مال واحد من الربع مو بينه هذا واحد من الشباب ّّ و انتو من صجكم اتصدقون؟؟ لين متى ماحفظتوا ها الجمل؟؟
الزوجة عندها حاسه سادسه و غريزه واتعرف زوجها عدل و حتى لمن على قولته قال مال رفيجه اهي و انا متاكده بينها وبين نفسها ماصدقت لكنها حبت اتصدق عشان اتخفف اثر الصدمه لكن بيظل في خاطرها ماراح يروح منها مادري ليش االازواج يستغفلون حريمهم مع انه مرته تستاهل التقدير و انه يقولها الصج لا تقولون مايبي يجرحها مو تبرير
لمن يعترف لازم يكون صريح مو يعترف و يطلع نفسه مظلوم و برئ انه غصبن عنه او او مافي شي يصير غصبن عن الريال في ايده كان يسكر الباب الصراحة راح تريح الزوجه و يخليها تفكر انه فعلا شاريها وله جان جذب و لف ودار عباله صدقته و انه بيكون حريص اكثر لكن دايما ها الاشكال اطيح بعدين حبل الجذب قصيييير
الله يهدي سركم و انا اقول يبيلكم قعده مصارحة مع بعض و خليها لبعد الاحتفال عشان ما تاكلين بعمرج والشك يلعب فيج
الله يمسح على قليج و يحنن قلب زوجج عليج اهو شاري رضاج لكن قوليله انج تبين الصراحة وعطيه الامان انه يصارحج لكن فهميه انج مو غبيه...
