ضروري انا حاليا في البحرين

[صريحة النسب]

مرحبا بنات شخباركم

انا اكلمكم من بنيان تري العرين .. الصرااااحه شي عجيب وهدوء وريلاكس

بس انشالله باجر برجع الكويت

ومو عارفه المجمعات اللي في البحرين نهائيا

بأبي اعرف شنو احسن مجمع المفروض ما يطوفني في البحرين .. ووين صاير مكانه

خااااصة ان ما عندي وقت فأبي بس اسماء مجمعين او حتى واحد ..

وياليت اللي تعرف اتدليني لأن احنا بنروح بسيارتنا

وشكرا

 

[Ashjaan]

روحي السيتي سنتر ، وروحي مجمع السيف ، ودانه مول ، والعالي وانشاء الله تستمتعين

 

[صريحة النسب]

مشكووووورين وايد

بس بسألكم في محلات غير عن الكويت لازم اشوفهم ؟؟ وللا نفس الكويت ؟؟

وبعد قبل لا اطلع .. خنشوف شيقولون البنات

 

[hnoof]

السيف والعالي راح تستمتعين بزيارتهم ان شاء الله

 

[دانة من البحرين]

بس تكونين بضاحية السيف خلاص كل المجمعات تكون حولج على يمينج ويسارج وعلى الدلالة ما راح تضيعيون اهل البحرين ما يقصرون تسئلون ويدلونكم :ggdw:

وحياااااااااج الله عندنا يالغالية :klhfl:

 

[صريحة النسب]

بعد عمري دانة البحرين الله يحييج ماقصرتي .. فيكم الخير والبركه

مس ايموو .. اي ابي محلات دراريع وبدل كبار واطفال وعبي .. بس ودي محلات غير عن الكويت

 

[زهرااا]

السيتي سنتر
رووووووووووووووووووووووووووعه

 

[purple80]

اذا تبين عبي في شارع يمكن في المحرق ما ادري شسمه بالضبط شارع كله في محلات عبي و محلات حلوى .

 

[صريحة النسب]

مشكوره زهرا وبيربل

اييي على طاري الحلوى .. شنو احسن نوع حلوى خاصة اني امس كنت في الشارع اللي فيه جامعة دلمون .. وشفت واااايد انواع حلوى شويطر .. شنو احسن نوع وشنو اسم المحل ؟؟

 

[<<لمار>>]

وايد ناس تمدح السيتى سنتر بس انا شخصيا ماشفتة

 

[دانة من البحرين]

احسن حلوى شويطر ومروج المحرق

وترى الحلوى درجات الدرجة الممتازة الي تكون فرش وسايحة حتى تظل 4 ولا 5 ايام فرش حيل تكون العلبة ب3دينار ونص تقريبا لانو فيه حلوة بو دينار ونص هذي ما تكون فرش وتصير خشنة بعد يوم واحد فديري بالج يعني_03ba:

 

[صريحة النسب]

ايه بس انا شفت وايد محلات شويطر يم بعض - كلهم نفس الشي ولا غير عن بعض
وباي شارع المحلين اللي تقصدينهم

 

[صريحة النسب]

تبين محلات شنوو ... دراريع ولا شنووو ....؟

يالله وينج قوليلي ابي دراريع وابي محلات مو موجوده في الكويت بدل اطفال وكبار تهقين فيه وللا لأ ؟؟؟

 

[دانة الروابي]

اختي بنيان تري بعيد شوي لما توصلين هناك راح تشوفين كل المجمعات يم بعض بس احلى واحد سيتي سنتر وايد حلو والشويطر راحت عليه كل من يروح البحرين اييب منه خلج مميزه انا شريت الاسبوع اللي طاف من كوشك بسيتي سنتر اسمه ابو يوسف حلوى الرمان تهبل واصابع الحلوى والتمريه وبعد شريت سمبوسه المكسرات صج غالين بس الكل عجبهم

 

[دانة الروابي]

لاتنسين تروحين يمج جنة دلمون المفقوده العاب مائيه واااااااااي روعه صج استخفيت انا وريلي جنه يهال

 

[Lulu Sweet]

الستي سنتر و السيف و العالي و اذا تبين ماركات عندج مودامول

 

[كوكو واوه]

صريحه النسب كم اطلع عليكم سعر الليله بنيان تري؟

 

[كوارين]

مجمع سيتي سنتر
ومجمع السيف
ومجمع البحرين
ومجمع سترة
ومجمع مدينة عيسى

 

[صريحة النسب]

مشكورين بنات وايد

كوكو واوا .. بنيان تري طلع علينا سعره 200 دينار فقط ليلتين

لأن الحين عندهم عرض 200 دينار الليله والليله الثانيه مجانا .. واذا تبين اعطيج رقم السفريات اللي حجزنا منهم .. واعتقد العرض لييي اخر شهر اغسطس