ضروري انا في ماليزيا الحقوني

[دلوعة خدامتهم]

سؤال سريع وابي رد طويل وحلو انا اليوم وصلت ماليزيا ابي الي راحت جدول مهم لسفرتي للاماكن والسوق الي نشتري منه هدايارخيصه وحلوه ومكان الجناط الماركه واماكن ترفيه لا تتنسى مع الزوج بلييييييييييييييييييييييييييييييز نخيتكم مانخيت رخوم:krkrkr:

 

[دلوعة خدامتهم]

محد رد افا بس توقعت تهلون تكفون ودي ما اضيع السفره وانا ما استانست وعرفت الاماكن الحلوه بليز

 

[t5to5a]

شوفي حبيبتي آنا رحت لها العام إذا انتي بكوالالمبور شوفي روحي
1- تايمز سكوير هذا مجمع و فندق واااايد حلو
2- السوق الصيني حده ينن و رخيص
3- روحي جنتنغ حدها عجيييييييييييييبة و برد و روحي صن واي لاجون بعد حده ينن و مجمع الماينز و ركبي القارب فيه و روحي جزيرة بنينغ و طلعي حدااااق و ركبي جت ونااااااااااااااسة و جزيرة لنكاوي حدها تينن و روحي twin tower و فيه بعد الشلالات و حديقة الفواكه و الزهور و بعد روحي أفاموسا وااايد حلوة و كل مكان لا تطوفين شي و اتمنى اني فدتج و بصراحة هاذا اللي ذكرته و إذا ذكرت شي راح أقولج اييي بعد الكاميرون بس يبيله ليله وحدة اهيا ما فيها شي بس مزرعة الفراولة و مصنع الشاي و بس الجو فيها بااااارد

 

[t5to5a]

فيه بعد ببنينغ فيه سوق صيني احلى من اللي بكوالالمبور

 

[smailey]

في بصوالييينهم يسوووون كراتيين على 35 دينار ويطلع شعرج رووووعه نصيييحه لايطووفج ........

 

[أوركيد]

كتبت رد شطووووووووووووووووووووووله ........وراااح

 

[Mis$ LeO]

البضايع المقلده بكل مكان وروحي السوق الصيني تلاقين كل شي بس اهم شي تكاسرينهم لانه يرفعون عليج الاسعار

 

[دلوعة خدامتهم]

مشكورين على الرد بس السوق الصيني الي بكولالمبور حده موحلو ماركت لفي بس وموحلوه :0bee2e8d89:

 

[مزاييين]

انا قبل يومين رادة منها بصراحة مابي أضيق خلقج الديرة حدها مليغه وتلوع الجبد كنك رايحة الخبر او احد دول الخليج ماكنك مسافرة احلى ملفيها جنتغ ومجمع ملينز بس الديره بشكل عام موشي والماركات تلقينها مجمع سوريا والبافيليون وعندج ميغامول مجمع حليو بس هم بالنسبه لنا موبالعين شي لأن كل شي عندنا بصراحة بالكيت مافي شي غريب ولا تروحين افاموسا كنك بحديقة الحيوان بالكويت وحر بس شري من كاكاوهم لأن حلو واشالله تستانسين

 

[nice smile]

لا تروحين السوق الصيني مايسوى حر وزحمه .. روحي بي بي بلازا بشارع العرب كله سوالف تقليد .. وفيه شغلات تصلح صوايغ .. لانه اغلب القمصان صناعه صينيه وفيه جم محل القمصان على 25 رنقت .. ونفس الطريقه بالتيم سكوير ..

واذا تبين شي يونس انتي وريلج سوي سبا السمج الصغار فيه بالميغا موول واي قعدنا بس نضحك ..

بس بصوره عامه ماليزيا صايره بايخه ومافيها شي واذا تبين الماركات عندج البافليون وستار هيل اللي عند الماريوت

 

[remoo_007]

حبيبتي لاطوفين جنتنج حدها عجيبه

ممكن تروحين جزيره بيننغ وجزيره لنقاوي يمها لاطوفينها ابدا

china tawnعليج فيها للصوايغ وااااااااايد ر خيصه


عندج سن وي لاقون

هذا الي اذكره لان من زمان رايحتلها

 

[ام حميد وسيف]

اول شي حلو نكج ( دلوعة خدامتهم ) ضحكتيني لوول
وصاجين البنات ماليزيا اسواقها كلش ماعجبيني انا رايحة العام الماضي اذونا ع السوق الصيني لا يطوفج ولايطوفج ويوم رحت له انصدمت يلوع الجبد تقليد شنط موشي بغو ياكلوني كل ما مريت قالو واو جوتشي اصلي ( يعني شنطتي )
ماعندهم الا البافلون والسكوير
والله اني في دبي اتسوقت احسن منها
على الاقل تلقبن الكلكشن اليديد من الماركات العالمية
وفي النهايه الناس اذواق

 

[الشمس]

انا الحين في ماليزيا والله صراحتن موشي مومثل ماتخيلت يعني غالية وكله المجمعات الفخمه مثل مجمعاتنا الافنيوز والمارينا والفنار يعني موشي والتقليد مايسو عليج يعني صراحتن تندمت بس خلاص جيناها اسم سافرنا وغيرنا جو الله يعينا ويسهلها علينا ويعوضنا خير يعني لحد الحين قاطين 3000 دينار بس على اكل وتكسي والتسوق ماتسوقنا شي يسوى عادي بس رافعين اسعارهم علشان العرب حسافة الطريج الطويل والطيران الداخلي هذا رأي انا يمكن البنات يفيدونج اكثر وانشأالله تعجبج

 

[%الجورية%]

حياااج ياقلبي ويتحصليين اللي يفيدج انشالله

http://q8yat.net/showthread.php?t=439168