مرحبا
نصيحه قبل لا تسافرين اي ديرة لازم تعرفين كل الاماكن السياحيه اللي فيها والمجمعات التجاريه >>> علشان ما يضيع عليج الوقت وانتي تفترين بالديرة وما تعرفين وين تروحين
عموم بفيدج باللي اعرفه وان شاء الله البنات ما راح يقصرون معاج
الاماكن السياحيه
صن وين لاجون >> مجمع مع الالعاب المائيه
حديقة الزهور ، وحديقه الطيور ، حديقة الفراشات
المتحف الوطني ، متحف التاريخ ، المتحف الاسلامي >> اذا تحبين المتاحب حلو انا احب ازور هالاماكن علشان اتعرف على حضارة الدوله
مدينة جنتنج >> فيها مجمعات والعاب والحلو فيها تروحين لها عن طريق التلفريك وتعتبر منطقة بارده بالصيف لأنه مرتفعه على جبل
توين تاور > او البرجين التوأمين
باتو كيف أو المعبد الهندي >> فيه تمثال كبير لبوذا وسلالم تقريبا 270 سلمه تصعدين لين توصلين للكهف
اكواريوم او عالم البحار
افاموزا
المجمعات والاسواق
مجمع التايم سكوير >> سبع ادوار للتسوق وفيه مدينة ملاهي كبيره روووووعه وسينمات
مجمع بي بي بلازا >> بشارع العرب
مجمع سوجو
السوق الصيني >> اذا تحبين الماركات التقليد تلقين فيه كل اللي تبين بس لازم تكاسرين وتكاسرين لين ما تنشفين ريجه لأنهم يضربون بالعالي
شارع عبدالرحمن تانجو >>> فيه محلات اقمشه وخاصه الحراير واغلب اللي يبيعون من اصول هنديه
مجمع لوت تن
سوق ويلد
بالنسبة للجواتي اللي تسالين عنها بتلقين بكل المجمعات محلات للأحذيه الصناعيه الماليزيه
ومووووفقه
