ضروري خبيرات الشوبنج بميونخ

[هــــامــورة جنيــف]

بنات شلونكم انا الحين بميونخ بقعد فيه 4 ايام وحابة استفسر عن مجمع الريم اركادا ومجمع بيب يسوى احد يروحلهم يعني شنو طبيعة المحلات اللي فيها عادية والا ماركات؟
وابي اسماء مجمعات الماركات مثل اوبر بولينقر ؟؟
وجمع هفنهوف اللي بالماكسيميليان شنو فيه ؟
بصراحة مالي خلق اطقها درب وهم مايسوون

 

[دفي قلبي وحنيني]

,وااااااااااااااااو


اتمنى لج سفره ممتعه
لااااا تعبين روحج بسوق روحي المطعم الهندي الوااااااو و المطعه الايراني


كلهم صوب هوليدان ستى سنتر اذا مهتمه اكتبلج عنوانيهم بضبط

 

[دفي قلبي وحنيني]

صراحه المطعم الهندي خياااااااااااااااااال


انا ماشدنى شى بسوقهم غير الماركات الشهيره بس


تمتعي بكافيهات
والتمشي لااااا تحاتين سووووق غالي ومايسوي مايترس العين

 

[همسQ8]

كل مجمعات ميونج نفس المحلات الموجودة في السنتر نسيت اسمة ماكو شئ جديد مثل المحلات بالضبط

 

[هــــامــورة جنيــف]

دفى قلبي وحنيني
احسن شي بالسفر شيين المطاعم والسوق كل واحد مكمل للثاني
يعني بالله طاقة تذكرة ومصاريف وما اتسوق مو معقووووووووول
بس انا ابي احد يجاوبني على اسألتي

 

[هــــامــورة جنيــف]

همس q8
شاكرة مرورج يالغلا

 

[الحـــلوه]

حبيبتي الله يهنيكم ان شاء الله احنا سفرتنا على 31-7 وقاعده اجمع معلومات عن ميونيخ واسواقها




يمدحون اسكادا آوت لت اهم مجمعين حتى ماتدشين له الا بجوازاتكم بس يقولون اسعارهم حيل فرق عن الاسواق الثانية في ميونيخ وفيه عندج هالاسواق هذي من بحثي عنهم::


9-ماكسيملين ستراشا maximilian STR
10- شارع الماركات odeons platza

12-المركز التجاري Neuperlach Zentrum مجمع ( نيورو بلاخ )
13-السوق المفتوح Viktualienmarkt
14- كارلتز بلاتز
15-اودن بلاتز (مجمع).


Galeria Kaufhof

وهذا المجمع يحتاج لعدد من الساعات للتسوق فيه واخذ فكره عامه عن محتوياته
هو يعتبر المجمع المفضل لدى عامة الشعب الالماني - حسب كلام أحد الألمان -

ومن تجربتي الشخصيه اشوف انه الافضل من ناحية البضائع والافضل في التسويق Galeria Kaufhof خصوصاً عطوراتهم رهيبه و عندهم تخفيضات حلوه في الصيف



C & A

هذا المتجر منتشر في عدد من الدول الاوربيه المجاوره لالمانيا مثل التشيك وسويسرا وبلجيكا وهولندا و فرنسا .

المتجر هذا شدني باسعاره الرخيصه جدا .. رغم ان بضاعته اغلبها المانيه اصليه



4 - H &M

هذي لمحه بسيطه عن متاجر مهمه لأي زائر لاي مدينه او بلده ألمانيه .. حاولت اجمع الاجود والاشهر منها فقط .. بحيث يكفيك زيارة اي من هذه المتاجر اذا كنت في حاجه الى تسوق سريع وشامل او كنت في زياره مستعجله



واذا لقيت شي ثاني ان شاء الله لي رجعة

 

[ريان 123]

رفع

 

[carrot^cake]

محل كوفهوف موجود في المارين بلاتز
من 4 او 5 طوابق
طابق جمعيه اكل ومكياج ماركات عملية مثل لوريال ونيفيا وشموع وهالخرابيط
وطابق ملابس نسائية
طابق ملابس رجالية واطفال
وطابق للبيت كفرات واجهزة ومواعين
طابق ساعات وعطور وجناط
هالمحل واايد حلو اكثر شي شريت منه كبير واسمه بالاخضر

c&a حلو تطلعين منه بجم شغله

وشارع مكسيميليان كله ماركات

والمارين بلاتز كله محلات اسعارها حلوة معقوله وفي جم مجل فيه ماركات
السوق حلو بميونخ

 

[_zahra]

طيب يا بنات من خبرتكم شنهي المجمعات اللي داخلها أحصل مقاسات كبيرة و بوتات شتوية,, و من وين تشترون الصوغه خصوصا انا رايحين علي لندن بتاريخ 30\7 ؟ هل تنصحون اشري شوية هني والباجي اشتري من لندن؟ وشكرا لكم

 

[دفي قلبي وحنيني]

www.Niawaran-munich.de

 

[دفي قلبي وحنيني]

طبعــــــــــــــــــا هذا المطعم الايراني اللي قلت لكم عنه
لااااااااااااااااااااااا اطوفونه يوصلون واكله عجيب

 

[_zahra]

اي شفته امس واحنا نتمشي وعطونا بروشورهم ,, يبيله نجرب ,, بنات بسألكم وين صاير شارع العرب؟ وهل في شي مميز؟؟