ضروري ضروري دشي سؤال مهم

[Marymary]

بنات سؤال
مو فاهمته وايد قاعد اشوف بالجرايد كلمة خصخصة وان شركة النفط راح تصير خصخصة مادري شنو
و انا ريلي مناك ووايد من اهلنا يشتغلون بالنفط
امبي شسالفة يعني شنو خصخصة ؟؟؟

 

[زبدة ككاو]

حبيبتــي بــآلقسم شكثــر مــوآضيع عن الخصـخصـة

والخصخصـة إنهــم يبيعــون الشــركة أو الوزآرهـ لنــآس أو شــركــآت

يعني مــآتصير بــإيد الحكــومة

وهــآلشي رآح يضيع من حقنــآ

يعنــي ممكن نص إللي يشتغلــون يطردوونهــم

ويتحكــمون بــآلديــرهـ كثــر مــآيقدروون

أي وزآرهـ تنبــآع ينــبـآعوون معــآهــآ عيــآلنــآ

الله يلعن الخصخصـة + المجلــسس حسبي الله عليهم

المشكلـة إحنــآ بــإيدنــآ إخترنــآهم وإحنــآ اليووم نتحسـف

 

[Čut!e Quèéи]

مثل ما قالت اختي زبده

يعني التجار راح يصيرون شركه في النفط

وانهم راح يقدرون يفتحون مدارس وجامعات ومستشفيات خاصه هالشي الحين موجود بس الارض للحكومه

باجر يشترون الارض وتصير ملكهم واشوي اشوي يملكون نص اراضي الكويت اذا مو كلها

وكل شي يكون لهم نصيب فيه او ملك لهم وبسهوله يطردون الي ما يبونه واولهم الكويتي طبعا

ولا في تقاعد ولا شي مجرد حقوق نهاية خدمه وشغلج معاهم مهدد يعني ما تدرين بأي لحظه من غير سبب انتي مرفوضه

او محوله الى الاستقاله الاجباريه هذا من ناحية التوظيف غير الكرف الي تاخذينه منهم والرأساء عليج وافدين واجانب

من ناحية الدراسه والعلاج كله بفلوس ماكو شي بلاش والعيشه راح تكون صعبه لان كل شي تقريبا في ايد التجار

والي تقول معاشات قويه اقول لها الاسواق والجمعيات راح تصير غاليه يمشون ويرفعون بالسعر لانهم يحدوج تبين اشتري ما تبين تحملي يوعج او لبسج

هذا الشي الي مو زين فيهم والشي الي زين فيهم للحين ما شفته ولا سمعت عنه

وكل ما زادو المعاشات مني زادو اسعار الاستهلاك والتغذيه من صوب ثاني يعني بناكلها والكويتي ماراح يكون اولى

 

[Čut!e Quèéи]

على فكره ابي اضيف شي مهم وايد

مو بس التجار راح يملكون كل شي

حتى الوافدين الحين عندنا ممنوع الوافد يملك ارض او بيت او سياره بأاسمه صح ؟ لازم كفيل ويكون بأسم مواطن كويتي

بس من بعد الخصخصه صار عادي يداحرونا في ديرتنا ويشترون اراضي ويملكون بيوت وكل شي

حتى مدارس و جامعات واماكن ترفيهيه وفنادق عشان جذي قلنا انهم باعوا الكويت وصارت مو ملك الكويتيين