ضروري منبه لكلمة سفينة

[kokah]

مرحبا يا حلوين ابي منبه لكلمة سفينة مابي مشروع ابي شي مشوق للاطفال وجزاكم الله خير​

:krkrkr:

 

[توتة البسكوتة]

:gathering::gathering:شوفي حبيبتي اول شي أحضري نجمه بعد ذلك قومي بسؤال الاطفال أين نشاهد النجمه راح يقولولج بالسما قولي غيره ألين يتوصلون الى نجم البحر وبعدها أسأليهم غير النجمه شنو نشوف بالبحر ألين يقولولج السفينه
وان شالله يستوعبون عاد وادعيلي بالذريه الصالحه :eh_s(6):

 

[عهود الحب]

ممكن من خلال لعبة الاشكال الهندسية وتكون عن طريق القص واللصق
او عن طريق مجسمات من ركن المكعبات او من خلال الحاسوب او جهاز العرض


شلون تبلشين فيها
تقولين قصة عن اشكال هندسية كانوا يلعبون مع بعضهم وبعدين تعبوا فققروا يرتاحون ويكونون شكل واحد
انتي عاد تشكلين شكل طير شكل بيت ثم شكل سفينه وهكذا


حلو حيل بالشرح والاصوات والتشويق والاطفال بيستمتعون معاج بالتشكيل
وممكن تخلينه دائم بركن المكعبات او الفنية اذا كان قص ولصق


واذا تعرفين للبوربوينت
ممكن تسوينه بيكون هم حلو

 

[عهود الحب]

ممكن من خلال قصة حركية تحطين فلينة وفوقها تراب وكأنه في جزيرتين وتخلين طفل يعيش على الجزيرة الفلانية
وطفل آخر يعيش على جزيرة اخرى وفي يوم من الايام قرر الطفل فلان زيارة علان ولكن لم يستطيع زيارته لأنه لايعرف السباحة ماذا يفعل
لو قالوا بالسيارة بيكونون نايمين
وان قالوا بالطيارة قولي ماكو مطار عالجزيرة هذي ولاذيج شالحل بيقولون سفينه وركبي واحد السفينه ورددي معاه دعاء الركوب ولما يوصل يهديه صديقة هدية

{ كلمة سفينة } وسلامتج

 

[الشهدوالدموع]

تقدرين ترسمين السفينه اللي نرسمها دايما ام مثلثين وتفطعين المثلث بروح والسفينه نفسها تقطعين بالنص وتصير قطعتين.. ترسمينها على ورقة بيضة عادية وتركبين جزء جزء على البروجكتر وتصير ظل السفينه وبس انشالله اكون ساعدتج

 

[kokah]

لكم كل الشكر و التقدير و جزاكم الله خير