ضعفي طبيعي

[jen2n]

السلام عليكم

موضوعي عن هبة الناس

اللي تسوي عمليات

وتقول ضعف طبيعي او ريجيم

ما ادري حسد والا انانية والا شسالفة

على سبيل المثال عندنا وحدة بالداوم تقول

انها مسويه ريجيم من 6 شهور

وانا ما شفتها تييب وجباتها ولا شفتها ضعفت


وقبل شهر بس شفتها ضعفت وقام يصير كل اسبوع تضعف اكثر من 10 كيلوات

وتقول مو مسويه شي !!!

القصة الحين نقول لها تعالي اكلي معانا

ما تآكل !!!

مو شي غريب

وليش الناس قامت تجذب !!!

ولهدرجة الناس أغبيه

 

[مزيونة الخبر]

مسويه تكميم او تحوير هههه واضح بس عادي حرية شخصية ماتبي تقول موغصب انا لو اشوف وحدة متعلم ولاازعل ولااهتم عادي ماقمت اتشرة على احد كل على هوا مزاجهه

 

[jen2n]

لا تقول بس لا تجذب لوووول بس على قولتج حرية شخصية

 

[shayoma89]

بالعكس عاد الي يسون تكميم يقولون لانه يخافون من العين بنزولهم السريع

وترى عادي رياضه مع اكل دايت صحي وجاي اخضر وزنجبيل تنزلين.. انا غيرت اكلي خليته صحي و يوميا اروح نادي تمارين 3 ساعات بس يوم واحد بالاسبوع ما اروح .. والحمدالله نزلت 4 كيلوات ونزول طبيعي وصحي

..............

الي يسوون عمليات مثل تكميم والخ يتاذون لانه مايقدرون ياكلون اي شي ومايقدرون ياكلون ويشربون وهم كل شوي ياكلون جم قفشه مو زين يكثرون يعني حياتهم ماسات

وغير جذي النزول السريع يسبب ترهلات بالجسم يعني بسرعه راح يطيح جسمها وتبدا تدور على عمليات شد وقص ومادري شنو .. وغير هذا مايقدرون ياخذون مضاد حيوي والخ..

وكلش مو زينه هالعمليات ..دام الواحد بصحته يحمد ربه ويتعب على نفسه مايلجا للعمليات الا اذا كان كبير بالعمر ووزنه واايد ومايقدر يسوي رياضه

 

[طـفولية]

لا تزعلين اهيا ما تبي تقول

و انتوا تسئلونها و ما تبيكم تعرفون

ما ابرر لها جذبها

بس هذي مسائل شخصية وما تبي تقول شي راجع لها

وتاكدي انها مو خايفة من العين لان الي يسوي رجيم يخاف من العين لان تعب وعنده ارادة بس هالعمليات مرض .. بس ما تدرون شنو مشاعرها ما تبي احد يتابعها و يسالها و تصير عينة تجارب ..

صراحة الغلط من الي يسأل ..

 

[Mrs_Efron]

السوال الاساسي ليش مهم للناس يعرفون غيرهم شسوو كيفهم عمليه ريجيم تنكر و ماتبي تاكل معاكم كلها حريه شخصيه

اللي ما افهمه ليش بعضضضضضض الناس يبون يصيرون محققين والا يكشفون الحقيقه

لو الكل يركز هعلي نفسه و حقيقته و يشوف عيوبه و اخطاه و يصلحهم جان الدنيا بخير بدال ما نركز عل اوادم وليش وشسووا