ضعف بالمبايض ؟؟

[Anestazya]

مرحبا



بنات انا قاعده اراجع عند الدكتوره عشان ابي احمل عاد سوت لي التحاليل وشافت حجم البويضه قبل ايام الاخصاب كان 3 وعطتني موعد عشان تشوف حجمها بوقت التبويض ومارحت عاد راجعت عندها وقالت بتسوي لي تحليل دم قوة المبيض وقالت هذا اهو الاهم ويوم طلعت النتيجه اليوم


ضعف بالمبيض بس تقول بسيط بس هي تقول لازم يكون حجمها 20 شلوووووووووون وانا 3 ؟؟

عاد قالت اول يوم الدوره تعالي تقزني ابره تقوي المبايض ؟؟

تتوقعون من اول ابره ينفع ؟؟

انا ماعرف شي ولا اعرف متى ايام التبويض ولا شنو اهي الابره خخخخخخخخخ يعني خرطي


انا صارلي 7 شهوووور متزوجه وعمري 19 ادري صغيره وتو الناس بس زوجي يحن علي وانا ماخذيت التحاليل الا اني اطمن على نفسي واكون سليمه من جهتي ؟؟

بس خفت يوم قالت ضعف

 

[$غــ(ز)ــل$]

والله ماعندي فكره عن ضعف التبويض
بس ان شااءالله علاجه سهل
انتي منو دكتورتج؟؟

 

[om bader]

عادي حبيبتي لا تحاتيت ضعف بالمبايض ولا شي ثاني هاذا انشالله علاجه سهل
و الابر اللي بتعطيج اياها الدكتورة اهي عشان تنشط المبايض وانشالله يكبر حجم البويضة وتحمليين هالشهر
بس بقولج على جم شغلة
اولا اذا كنتي تختوخة نزلي حبيبتي من وزنج (طاع منو يتكلم:dddds
ثاني شي خلي ريلج يحلل بعد لان ساعات الريال تكون عنده مشكلة بعد بس انشالله ما عليكم الا العافية
ثالثا و اهم شي ريحي بالج و لا تفكرين وايد بالحمال التفتي لدراستج اذا تدرسين و انتبهي على صحتج و جابلي ريلج و ستانسو ترا توكم بسم الله وانتي توج عنونة
وبقولج معلومة طبية اكتشفو ان التفكير وايد بالحمال يسوي اجسام مضادة عندج تقتل الحيوانات المنوية فنصيحة شيلي الفكرة من راسج و حاولي اتفاهميين مع ريلج بهالموضوع قوليله لا تحن كل شي بايد الله احنه نبذل الاسباب و نتوكل على الله سبحانة اهو الرزاق[
وهم اذا رحتي حق دكتورتج قوليلها ليش ما تعطيني (كلومييد) هاذي حبوب نفس مفعول الابر بس يمكن الابر اقوى بس لازم تسإلينها اخاف دكتورتج مادية و بتعطيج ابر لانهم اكييد اغلى من الدوا منو دكتورتج؟؟؟SIZE]

 

[محاميه الغد]

ذكرتيني بنفسي انا تزوجت و عمري 18 و بعد جم شهر قعدت اراكض ابي احمل و كان عندي ضعف بالتبويض
كانت البويضه عندي 9 او 10 و لازم توصل اقل شي 18 على ما اعتقد
و بعدين ابتدت معاي بكلوميد و منشطات و ابر لمده شهرين
كانت البويضات تكبر و تصير 20 و فوق بس ما صار حمل
لما تركت المنشطات حملت
لا تحاتين اهم شي ان المبيض يستجيب للمنشطات

 

[Anestazya]

مشكوووووووووووووورين

لا انا حبيبتي ضعيفه مومتينه كلش وزني 52 والله عادي مافكر بالحمال بس تعرفين ودي افرح زوجي واطمأن من ناحيتي
ودكتورتي كلش موماديه انا وحده نصحتني فيها وحيل رخيصه وطيبه هههههههه ماعرف امدح

هم دكتورتين خوات يسرى عبدالسلام وجميله عبدالسلام عيادتهم اسمها دار السلام كلينك فوق العربيد

مشكووووووووورين مره ثانيه

 

[om bader]

الحمدلله انج ضعيفة لان مردج بتحمليين و اتختخيين
و مدامج مرتاحة حق دكتورتج خلاص كملي معاها
انا مشكلتي نفسج و حجم البويضة كان صغير و خذييت كلومييد صارت 20 بس الله ما كتب الحمدلله على كل حال الحين صارلي 4 اشهر اعالج لان التنشيط سوالي كيس مااي ولازم يختفي عشان اكمل العلاج و احاول انزل وزني بس صعبة بشهرين نزلت 5 كيلوات وانا يبيلي 20 خخخخخخخخ بس دكتورتي قالتلي وزنج مو مأثر عليج بس ضعفي باجر وراج حمال على فكرة انا صارلي سنتين متزوجة (ادري كاتبة قصة حياتي)خخخخخخخ انا بفصل لان وراي طلعة
انشاللة الشهر الياي كلنا حمل

 

[hawra]

انا مثلج عندي ضعف في المبايض و تاخرت مدة 9 اشهر لين حملت من الله بدون علاج بولدي الاول بس الحمدللة كان حمال سهل مقارنه في الثاني ضليت سنه و انا احاول احمل و ما صار جان اروح حق عياد خاصة عشان اعالج ترى الغلاج مو سهل انا عطتني الدكتوره ابر منشطه و حملت ابتوام بس صار فيني من الابر ماي وصل لين الرئه و كنت اختنق في الليل و نمت بطبيب و سحبو الماي و طول حمالي مثبتات و ينزل علي دم بعدين ولدت في السابع ومات واحد من التوائم و الثاني قاعد اعابل فيه بالمستشفيات لانه خديج
لا تعالجين خلي املج برب العالمين كبير و انشاء الله تحملين الشهر الياي خلي الغلاج حق الحالات المستعصية و صار لهم سنين مو قادرين يحملون .

 

[Anestazya]

خوفتيني مشكووووووووووره على النصيحه

 

[&رعبوووبه&]

الضعف يعني انه الدوره مو منتظمه

وعند منو راجعتي بعض الدكاتره تجااااره

انا فبنتي كنت حامل وما ادري والدكتورة تقولي انتي ما فيج حماله

يبي لج علاج 6 اشهر ويبي لج ويبي لج

وكله خرطي 3 شهور وحملت

 

[nice-girl]

حبيتبي انتي نفسي باول حنالي
كنت ضعيفه وزني نفس وزنج زكان معاي ضعف بالمبيض لانه الدورة مو منتظمه وقزني الدكتور ابر المنشطه وكلوميد وهم كنت نفسج كان لازم 18 انا كنت3
اللله يرزقج ولا تحتين والله نفسي وحمدلله حملت

 

[Anestazya]

مشكووورين بس توني قريت مواضيع ثانيه وتذكرت ان الدكتوره قالت عندج ثلاثه يمكن موقصدها الحجم ؟؟

عموما الله يكتب اللي فيه الخير ومشكوووووووووووورين وماقصرتوا

 

[دمثة]

عليج بخلطة العسل مع حبوب اللقاح وطلع النخل وغبار والجنسنج عند معجزة الشفاء تلقينهااا خاصة للنساء وعليج فيهاا كل يوم اخذي قفشة

 

[Emanova]

عادي حبيبتي لا تحاتيين علاج بالابر و تحملين باذنه تعالى خصوصا انج صغيره راح تكون استجابتج ممتازه بس منو دكتورتج؟!

 

[Anestazya]

هم دكتورتين نفس العياده يسرى عبدالسلام وجميله عبدالسلام فوق العربيد بلازا

 

[كوووين]

من اسباب عدم الحمل التفكير بالحمل وسماع فلانة وعلانة واللة الى تبى الحمال تريح بالها ولاتفكر بالحمال واذا كانت متينة لازم تنزل وزنها وتقرب من اللة اكثر بالصلاة والدعاء انة عن تجربتى الشخصية ابى احمل ورحت للدكتورة وعطتنى نوعين من الحبوب وابر وكل مرة سوى سونار الا 3 بويضات بس ما اللة كتب لى الحمال بعدين عرفت السبب من زوجى راح يفحص الا فية دوالى ولازم يتعالج والحمداللة على كل حال