((ضعى استفسارك هنا)) -- خاص بذوى الإعاقة --

[بنوته كيكه]

رد: ((ضعى استفسارك هنا)) -- خاص بذوى الاحتياجات الخاصه --

عمليه ما يقدر علشان عنده الورم عند العصب السمعي والورم محد يقدر يشله علشان من تحت صااير وديناه براه قاللو عمليه ماتفيد ولا كماوي سو له ليزر تصغير الورم بس السمع ماتغير
وتبين الصدق ااختي صابره اخوي تعبت نفسيته من كل شي اهو ثلاث مراة سافر وعالج بس ماكو فايده

 

[الصابرة المحتسبة]

رد: ((ضعى استفسارك هنا)) -- خاص بذوى الاحتياجات الخاصه --

شوفي يقلبي لاتيأسون وربي سبحانه موجود روحوا ألمانيا عالجوه ولا تخلونه

 

[بنوته كيكه]

رد: ((ضعى استفسارك هنا)) -- خاص بذوى الاحتياجات الخاصه --

قوه صابرة
والله ياختي ماخلينا شي ودينا لندن وديناه فرنسا
من كثر سفارته وطول عندهم في علاج ولاا يجيب نتيجه يوم يرد وقسم بالله نفسيته تعبانه حيل يقول لو قاعد ابرك بدال روحه ورد قوله عادي غير جو ناس ياكثرهم مو نفسك اسو من حالتك
بس شنو قولج والله خيفه عليه صار ما يطلع مثل لناس كله يطلع في الليل بروحه يروح شيشه
وكذا دكتور استشاري جربته في ابن سينا دكتور عباس رمضان رئيس قسم اذن وحنجره والاعصاب المخ
بس يقول لزم عمليه وعمليه تبين لصدق حيل حيل خطيره وانتي تعرفين الديره
يوم سفرناه برا قالو دكاتره برا عمليه ماكو جرحه صعبه وسو له ليزر يخلون الورم يموت مايكبر
بس عادي سوها بس ماجاب اي نتيجه

 

[الصابرة المحتسبة]

رد: ((ضعى استفسارك هنا)) -- خاص بذوى الاحتياجات الخاصه --

جربوا ألمانيا

 

[بنوته كيكه]

رد: ((ضعى استفسارك هنا)) -- خاص بذوى الاحتياجات الخاصه --

قوه صابرة يارب طيبه وششلون الاهل
صابرة اهو تعب وكل ماقلت راجع دوله ثانيه يقول ماكفتكم سفرااتي قبل وتخيلي صابرة يقول صرة حق الطبيب والدول حقن تجارب حق الدوله

 

[الصابرة المحتسبة]

رد: ((ضعى استفسارك هنا)) -- خاص بذوى الاحتياجات الخاصه --

هلا يقلبي بخير عساج بخير

خلوكم معاه عطوه الدافع والتشجيع وان رب العالمين معاه واسعى ياعبدي وانا اسعى معاك .... فربي سبحانه كريم ودوود يستجيب للدعاء وبيده سبحانه الشفاء

 

[مليحة وكلي ملح]

رد: ((ضعى استفسارك هنا)) -- خاص بذوى الاحتياجات الخاصه --

مرحبا اختي

انا اخوي من متلازمة الداون وخايفة ودي يتكلم نفس الناس ويتعايش معاهم المشكلى انة كل مااطلع معاة للناس احس الناس طالعة بغرابة وبستنكار

ابي مركز يعالج للفئة من ناحية النطق للعلم اخوي اللحين يداوم بس مااحس في تغير للنطق بس يفهم مثلا اقول شي معين يعرف بس مشكلتة النطق

 

[الصابرة المحتسبة]

رد: ((ضعى استفسارك هنا)) -- خاص بذوى الاحتياجات الخاصه --

هلا وغلا بأختنا مليحة

يقلبي الناس طبعهم جذي والبعض منهم لما يشوفون أي من ذويب الإحتياجات الخاصة جنهم شايفين رجل فضاء فإنتي يعمري مالج شغل فيهم ولا يحبطونج أو يضايقونج

وعن المراكز في حضانات ومدارس تساعدهم على النطق والكلام وترى مو كل شي يبين بسرعة يبيله وقت وان شاء الله ربي يفك عقدة لسانه


- - أرقام المدارس العربية وثنائية اللغة التي تندرج تحت مظلة المجلس الأعلى &&& (http://www.q8yat.net/showthread.php?t=284520)


- - حضانة لذوي الإحتياجات الخاصة (http://www.q8yat.net/showthread.php?t=320398

 

[مليحة وكلي ملح]

رد: ((ضعى استفسارك هنا)) -- خاص بذوى الاحتياجات الخاصه --

الله يعطيج العافية اختي والله ينور دربج وين ماكنتي

 

[بنوته كيكه]

رد: ((ضعى استفسارك هنا)) -- خاص بذوى الاحتياجات الخاصه --

دوم انشالله الله يديم لج الصحه والعاافيه
والله جربت وقلنا له واخر شي يقول سافرة وردية وشوفي حالتي صايره اسوء

 

[الصابرة المحتسبة]

رد: ((ضعى استفسارك هنا)) -- خاص بذوى الاحتياجات الخاصه --

أجمعين يارب يا الغالية (مليحه)

بنوته ربي ياجرج ويحفظج على اللي قاعدة تسوينه

 

[شعاع الكويت]

رد: ((ضعى استفسارك هنا)) -- خاص بذوى الاحتياجات الخاصه --

[/b][/b][/b][/color][/b]
[/b] السلام عليكم يااخواتي انا سعيدة اني اشاركم في موضوع ذوي الاحتياجات الخاصة ,,,,,,,,انا ام طفل فية سمات التوحد ومثل ماتعرفون ان التوحد درجات .... اسال اللة ان يعين اهالى ذوى الاحتياجات الخاصة .........في البداية كانت معاناتي صعبة مع ولدى بس يصارخ ويضرب راسة في ارض وعزكم اللة صعوبة تعلمة للحمام كانت صعبة حيال والاكل طبعا مافي الا اشياء معينة مثل الخيار الاندومى بس واذا ما عطيتة تعلوا شوفوا شيصير اللة المستعان الحمداللة علي كل حال ....طبعا هذا هذا يبلى جهد كبير وقلب من حديد لان هذى الفئة صعبة ويبيلة هذا الشى ء كنت اهوشة الا تقولي اسم هذى الصورة مثلا بقرة اة حصان لحد مل يعرف هذا الشى وشوى شوى وبضغط علية ان شاء اللة يعرف ............

 

[شعاع الكويت]

رد: ((ضعى استفسارك هنا)) -- خاص بذوى الاحتياجات الخاصه --

بس اخواتي ابى اسلكم عن مركز الكويت للتوحد ؟ وش رايكم فية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ردوووووووووو على لا تهملون ارجوكم

 

[الصابرة المحتسبة]

رد: ((ضعى استفسارك هنا)) -- خاص بذوى الاحتياجات الخاصه --

هلا وغلا بشعاع

تفضلي هالرابط http://www.q8yat.net/showthread.php?p=17081159#post17081159


- - خاص بأطفال التوحد (http://www.q8yat.net/showthread.php?t=167504)

 

[أهداب]

رد: ((ضعى استفسارك هنا)) -- خاص بذوى الاحتياجات الخاصه --

مرحبا سؤالي الي حبيبه قلبي الصابره المحتسبه والاخت مشاعل الشمري ام يويو انا ولدي عمره 4سنوات وعلي السنه اليايه ان شاء الله بيكون اربع سنوات ونص شخص الطب التطوري حالته بتاخر تطوري شامل والدكتوره فاطمه العوضي بصعوبه التوصل وبطئ تعلم والدكتوره عبير عوض بسمات توحد وانا حدي محتاره اهو ذكي بس مايركز نسبه ذكائه 70 بالميه ياشر بصبعه مشكلته باللغه يتكلم بس عشر كلمات فالسؤال اهو اي مدرسه اوحضانه احطه تنفع لحالته :eh_s(17):

 

[الصابرة المحتسبة]

رد: ((ضعى استفسارك هنا)) -- خاص بذوى الاحتياجات الخاصه --

هلا وغلا بالغالية أهداب

يعل ربي يحلل عقدة لسان وليدج ... عندج حضانة البسمة يمدحونها وشوفي هالرابط - - حضانة لذوي الإحتياجات الخاصة (http://www.q8yat.net/showthread.php?t=320398

 

[كوكو كيوت]

رد: ((ضعى استفسارك هنا)) -- خاص بذوى الاحتياجات الخاصه --

.................

؟؟؟؟؟؟؟؟؟؟؟

 

[لولو-الصغيره]

رد: ((ضعى استفسارك هنا)) -- خاص بذوى الاحتياجات الخاصه --

الحنونه اشلونج يالغاليه ليش لما اكتب مشاركاتي ما تطلع ومادري وين تروح اضيعهاااا خخخخخخ
عندي استفسار بسيط يالغاليه ليش ما يعطون ولدي لوحة اعاقه ولما قدمت علي لوحة الاعاقه كاتبين في ملفه لا يستحق اللوحه 00 ليش ما يستحق والله اعرف ناااس عندهم داون وعندهم لوحة اعاقه الخاصه بالسياره
تذكرين يالغاليه يوم رحت الندوة اللي بالخالديه وموضوعهم عن قانون المعاقين والله ناقشة الموضوع معاه واسمه عايد الشمري وقلتله موضوعي 00تدرين شنو رد علي يقول يستحق اللوحة ليش ما يعطونه
شوريني يالغاليه يستحق ولا لأ
انا ما ابي منهم فلوس ولا شي ابي حق ولدي لوحة ليش ما يعرفون أنه لما انزله من السياره ومعاه عرباانه ويكون قريب من المكاان اللي بنزله فيه
والله في بعضهم مافيهم إلا العافيه وعندهم لوحة اعاقه وإحنا إذا طلبنا يطلعون روحنا ليش مو حرااااام
قولي يالغاليه يا ام القلب الكبير ​

 

[أهداب]

رد: ((ضعى استفسارك هنا)) -- خاص بذوى الاحتياجات الخاصه --

مشكوره وخيتي الصابره المحتسبه يعني الافضل ادخله حضانه ولا روضه في مدرسه لان سنه سن روضه والله يشفي عيالنا يارب

 

[وسام جابر]

رد: ((ضعى استفسارك هنا)) -- خاص بذوى الاحتياجات الخاصه --

الأخت الأخصائية النفسية لك التحية على ذلك المجهود، قرأت بحث عن الخمات النفسية لأسر المعاقين عقليا للدكتورة هناء الكندرى وأريد من سيادتكم امدادى بكيفية التواصل معها عبر الميل الخاص بها حيث أعد رسالة دكتوراة حول ذلك الموضوع وجزاك الله خيرا أرجو الرد