ضعيفه خجوله .. مالي رب!؟

[مولاي الفرج]

السلام عليكم

بنات حبيت اقولكم سالفتي مو عشان افضفض عشان بس انصحكم لاتجرحون احساس الآخرين

الله يسلمكم انا ضعيفه وزني 37 والكل اذاني بوزني مع اني انا جذي حبتي صغيرة شكلي صغير طولي 157

ناعمه يعني انا جذي من الله اشوف ان ضعفي عادي الكل كلاني ضعيفه وعصله ترى والله موبهالسهوله البنيه تمتن

المتينه تضعف برجيم بس اللي مثلي تدري ان صعب تمتن بسرعه خصوصا انا معدتي ماتتحمل

طبعا بتقولون ليش حاطه موضوعي بهالقسم


السبب اني انخطبت وكان يحبني حيل من سنين وعمره ماعلق عليي بس من كلام خواته احس فتحوا عينه لما زدت كيلو بطلعه الروح قالي اي تمتنين بعد ووايد حسيت بتجريح وكلام مو بس عالضعف

على سالفه الحيا يعني انا بنيه طبيعي استحي يقولوله لما تسلم علينا ايدها ترجف مع ان والله احس اني عادي بس يمكن لما اكون ماسكه ايدهم رجفه خفيفه ما ادري وحجابها ومادري شنو وسوالف تافهه

والله الحمدلله ان مافيني شي بس يدورون فيني النواقص والريال مايحب الضعف ومادري شنو لين تفركش الموضوع والحسرة صارت بقلبي بسبه سخافات وراح حبي اللي مضى سنين اخ قلبي يعورني

كل اللي احب اقوله لاتجرحون احد ترى انتو بتسنسون كلامكم بس اللي فيه الشي ماينسى ويشيل بقلبه

والله يسامح الجميع

 

[البتولً]

رد : ضعيفه خجوله .. مالي رب!؟

يسسًعدَ مساإكً حبوبهً

حبيتً اعقبً علىً كلامكً وانصحكً بتجاربيً اليً استفدتً منهاً وبهزئكً لانيً مثلً اختكً
الا اختكً غصبً عنك

.
.
اولً شغلهً انا عمريَ 21 مدريً اصغرً منكً او اكبرً منكَ بسً العمرً ما يهمً اليً يهمً دروسً الحياهً والتجاربً
ووالنصيحهً ..

شوفيً يً قلبيً كلامً الناسً لا يحركً فيكً ساكنً وخصوصاً كلاًم بعضَ الحريمً لانهمً اذا شافوً الوحدهً
حلوهً او سنعهً او كشيخهً يحبونً يحطمونهاً حيلً ويكسرونً فيهاً عشان بسً يبردونً حرتهمً
من النارً اليً شابهُ بجوفهم

المفروضَ ما تتضايقينً المفروَض تستااااانسينً حيلً لانكً حديثَ مجلسهم ..
احدً العماءً كان يقوول " لست الافضل ولاكن لي اسلوبيَ , اتقبل رأيً الناقد والحاسدً
فالاول يصحح مساري والثاني يزيد من اصراريً " <~ حطيها في بالكً دايم

.
.
انا طولي 146 وكان وزني 32

وكنت سمراء وشعري كدشً يعني بالعربي شينهً

ولا حتى اعرف البسً ماعندي حد اكبر مني يعلمني انا واختي صغار ومانعرف

وعمامي وعماتي وحريم عمامي وبناتهم كلهم ما يحبونا وبس تعليق وبنات خالاتي

بس يضحكون علينا ويمشون مع اعدائناً لدرجه انا واختي صابتنا نفسيه من القهر مالنا احد كان دايم
يغمى علينا وبالسمتشفى ًبشكل مستمر عشان الكل ضدنا وكناصغار بالموتسطً ..

.
.
بس الدنيا عملتنا كثير كبرنا يوم عن يوم وصرنا نكسب معلوماتً ..
وغيرت بحايتي الشي الكثيرً
اول خطوه خطيتها : اهتميت بشعري لانه اجمل شي فيني ماشالله اهتميت فيه لين صار اي مكان اروح له الفت الانتباه فيه وخالقيً صارو الناس يزعجوني عليه ما امر من عند احد الا يتكلم فيه وانا اسمع والله شاهدً ..
.

.
بعدها اتجهت للبشره واهتميت فيها لين وصلت للبياض الي ابيهً
وبعدها اتجهت للوكً واللبس وغيرت لوكاتي 180 درجه صرت البس القصير والبنطلون والحركات بس بشكلً
ما يخالف المجتمع الي انا فيهً
.
.
عقبها اتجهت للسمنه

اهتميت بنفسي اهتمام الي يشوفني يقول حامل بس سكتم بكتم محد يعرف حتى اهل البيت

طلبت من عندكم من الكويت حبوب سيبروفيتا وسويت نظام الله لايوريك شي شي خطير ً
والله ثم والله ثم والله اي احد امر من عنده وكان يعلق فيني اشوفه وهو يقطع بعمره من القهر

وعقبه صرت اشتري والبس الماركاتً وصرت بدال ما يعلقون علي يسألون انا من وين جبت هذا وشون نظامي ومن هالامور ..
.
.
لدرجه مرة كنت اتمشى مع وحده من صديقاتي بالجامعه ووقفنا عند اختها تكلمها يوم جينا نمشي واختها تقول لصديقتي خوذي بزرك معك يعني (الياهل ) بالكويتي ..

عاد انا مت من القهر لاني قصيرة ونحيفهً ..
واشد حيلي بعمري لدرجة اني اسمع كلام يوصلني من البناتً ..
فيه بنات يقولون اني طاقه ابر صينية عشان السمنهً ونصهم قالو لا اكيد انها تستخدم بودره خاصه بالوجه
ونصهم قالو لا يمكن تاكل حلبه (اختلفت ارائهم وانا اسمع واضحك )

لدرجه اني بالجامعة بوقت الفرصه اذا جينا نفطر انا وصدديقاتي تخيلي يجون الي كانو يعلقون علي
ويجلسون قدامي يطالعوني يشوفون وش اكل ويشترونه وياكلون

وش اقول وش اخليً اقولك غيرت حياتيُ بدال ما يضحكون علي صارو يقلدوني بكلً شيَ ..

.
.
الي ابيكً تستفيدين منه من كلاميُ ..
1 شوفي تجاربكً وتجاربً غيركً واستفيدي منهاً
2 حاولي تغيرين بنفسك اشياء كثيره مثل (اللبس , الكلام , المظهر) وكل شيً
3 طنشي كلام عذالك وجمعيه بورق وحطيه تحت رجولك لان كل ما زاد كلامهم كل ما كثر الورق وكلمالك ترتفعين عن الارض بسبب تعليقاتهم وتوصلين للقمهً

.
.
حبيبتي ادري طولت بس حبيت افيدك واذا خاطركً بنظامي الي استخدمه للسمنه راسليني خاًص

المقابل (دعاء لي بالتوفيق ويسهل ربي الي فبالًي)
​

 

[فجر الهاجري]

اول شي خليج واثقه من نفسج والضعف مو عيب بالعكس جذابه اللي تقولج انها ماتحب تكون ضعيفه
ومالج شغل بأحد والله يكتب لج نصيب مع واحد احسن منه ومن خواته

 

[طـفولية]

رد : ضعيفه خجوله .. مالي رب!؟

مابي اخوض بتفاصيل علاقتج مع الشخص الي ذكرتيه ..
بس اولا واخيرا اهوا خيرة وتدبير من رب العالمين ..
تعددت الأسباب واختيار ربي أحلى وأنسب اختيار لنا

صدقيني لو اطلعتي على الغيب .. الي ربي سبحانه اختص فيه وحده لا شريك له ..
بتقولين الحمد لله ان هالانسان راح من حياتي =)
والي يهد انسانة عشان ضعيفة .. وعلى قولتج قصة حب .. انتي المفروظ تحكمين عليه

ما ادري في جوانب لازم تتاملينها بالقصة .. تخليج تحبين ربج وآآآيد ..

خليج مع ربج .. نصيبتج وكل شي بحياتج عنده سبحانه ..
كل شي مكتوب ومقدر ..

ولو شنو سوينا ما نرضي الناس .. ولو نسمع كلامهم ما راح نخلص ..
بس ربي سبحانه اهوا الي نهرب منه له
ففروا إلى الله =)

الله يوفقج .. لا اتحسين على شر ربي بعده عنج ..
جابلي سيادتج واستغري ربج وطلبي منه .. سبحانه اهوا الي يفهمج ويحس وارحم فيج من امج وابوج :*​

 

[نبض شرياني]

رد : ضعيفه خجوله .. مالي رب!؟

ذكريه دايم بانه حبج مثل ماانتي عليه

وقولي له لايغيرونك الناس علي ويغيرون نظرتك لي

انا وانت نعرف بعض من سنين وانت ماخذيتني الا مقتنع فيني واساليه شنو هالتغيير المفاجئ اللي خلاك تقول سوي جذي وامتني وغيره

 

[sweet dashttya]

رد : ضعيفه خجوله .. مالي رب!؟

الله يعوضج والبنات ما قصروا وان شاء الله نمتن

 

[M!SS MAY]

لو كشف لك غطاء الغيب لما اخترت إلا الواقع
قولي الحمد لله على قضاءه وقدره
بصراحه هو جرح قوي الله يصبرك
بس حطي ثقتك بالله انو الله بيرزقك واحد احسن بمليون مره منه
وخليك واثقه من نفسك الي يتكلم يتكلم والي يسكت يسكت وعيشي حياتك ويااااااااا جبل مايهزك ريح

 

[كيكه توفي]

رد : ضعيفه خجوله .. مالي رب!؟

وعليكم السلام
الله يعوضج حبيبتي

 

[مطنـوخهـ]

رد : ضعيفه خجوله .. مالي رب!؟

بعد كلام البتول وطفوليه ما اقدر اعلق صراااحه ردهم يبرد الجبد والله يعوضج خير يا بعد قلبي :yaaaaaarb:

 

[m!ss craze]

رد: رد : ضعيفه خجوله .. مالي رب!؟

بقولك كلمة وحدة بس
الي هذا اوله ينعاف تاليه
الا عشان سمنة فركش بكرة بافته شي بيطلق يعني انسان تااااااااااااافه وموقد المسؤلية
هذا ما ينبكى عليه هذا توصلينه للبااااب ووتصبخين الباب ورااااااه وهو الي يبكي علييييك
لانو مو كفوووووووك ولا كفو حبببببببببببببببببببببببك

وعسى ربي يعووضك بالي احسن منه عاجلا غير اجل

 

[ام مهرة 2009]

رد: رد : ضعيفه خجوله .. مالي رب!؟

وعليكم السلام

حبيبتي تحمدي الله انه انكشف على حقيقته من اول الطريج

والي يغير حالج تدرين شنو قربج من رب العالمين وثم ثقتج بنفسج

والي سووه فيج كله غيرة والناس ما يسكتون ابد اذا انت ضعيفة قالو عصلى متينه سوي رجيم وعادية قالو حافظي ولا عندج كرش ولا اال ما يطلعون العيب عطيهم طااااااااااااااااااااااااااااااااااااااااااااااااااااااااف
ولا تركزين الا على عمرج وشوفي احلى شي فيها


شوفي بسم الله عليها البتول كلامها عين العقل والله
ونفس الشي طفوليه كفت ووفت

بتوفيق يا حلوة

 

[بنت_أخت_خالتي]

رد : ضعيفه خجوله .. مالي رب!؟

الي صار خيره حقج
دام يبيج براحته اهوه الخسران

بس مع هذا لازم تشوفين السالفه من كل جوانبها

انتي شايفه كلامهم عنج انج ضعيفه صح ولا يبالغون؟
اذا يبالغون طنشي
بس اذا صح حاولي تعدلين من نفسج مو عشانهم ولا عشانه
لا عشان نفسج انتي
عشان تورين الناس ان انتي قادره تغيرين من نفسج
وانتي بعد بنفسج قلتي قدرتي تزيدين كيلو صج انه بطلعة الروح بس هم اسمه قدرتي
يمكن ماكان برنامج اكلج صح
بقولج عني
انا يتني فتره كنت ضعييفه ومسستحيل اي شي يمتني
فترة مراهقتي كلها كنت ضعيفه الحين الحمدالله صج ليما الحين اعتبر ضعيفه بس وايد احسن من اول
ماتخيلت بيوم اني بوصل لهالوزن
انتي اول شي لازم تسوينه تقوين صلتج بربج
بتقولين تصلين الحمدالله بس هم دوري الجوانب الي انتي مقصره فيها
وحاولي تخلين هلشي يومي
انا كنت مقصره وايد بقراءة الاذكار
بس تغيرت تميت يوميا اقرى الصبح وليل الاذكار
مو بس قدرت اغير نظام اكلي
لا حتى اشياء وايد بحياتي تغيرت
ابواب السما الحمدالله انفتحت لي من كل صوب
حاولي تتغيرين عشان نفسج
واذا حابه تعرفين نظامي بالاكل راسليني عالخاص وان شاءالله تمتنين وتتغيرين وتصيرين احلى من جذي وتورينهم انتي شنو

 

[احآسيس هآدئه]

رد : ضعيفه خجوله .. مالي رب!؟

حبيبتي
انتي ادعي ربك انه ينصرك على من حقرك وقلل من شأنك
دام ان يقولون كذا اخواته فدليل انهم يغارون منك وبيطلعون اي عيب
انتي مالك الا ربك هو اللي بينصرك .,
وخلي ثقتك بنفسك قويه مو اي كلام ينقال تنهارين

وكلام اخواتي رائع ماقصروا
ربي يحفظك .,

 

[Fantak]

رد : ضعيفه خجوله .. مالي رب!؟

يا رببب ينكتب لج نصييب يديد وتمتنييين ويشوووفج على يوم ويتحسف تبا له >>> ترا معصبة
​

والدنيا دواااره المهم انتي زيييينه وما فيج شي ذكرتيني بوحدة من اهلنا بعد جذي عصلة

وان شاء الله تمتنييين دام انتي حابة هالشي شوفي اذا في حبوب تمتن بس ديري بالج اخاف تصيرين بطه بعدين
​

 

[&موناليزا&]

حبوبه ياربي يعووووووووووضج باحسن منه ان شالله

الحل الامثل والاضمن والاسرع

عسل الزهور الكشميري

لزيادة الوزن وتفخ الويه والصدر والارداف

هذا موضوع تجارب البنوتات مع منتجاتي والحمدلله الموضوع راح يتكلم بنفسه عن نفسه ما يحتاج اني امدحه

http://www.q8yat.com/showthread.php?t=755703

http://www.q8yat.com/showthread.php?t=760489

 

[مولاي الفرج]

رد : رد: ضعيفه خجوله .. مالي رب!؟

شكرا لكم جميعاً .. الحمدلله انا رضيت باللي الله كتبه وكلام الناس صار من آخر اهتماماتي