ضم دوله الكويت الي العراق سنه 2025مخطط امربكي لتقاسم النفط

[عاشقة ليلى مراد]

بسم الله الرحمن الرحيم يا بنات ترى صج طيحتو قلبي فبطني ترى كلش مو وقته كافي الغبار الي بره هههههههههههههه

والله ان احنه العرب مساكين كل الي نشوفه بالتلفزيون سيناريو وبس

انتو مصدقين ان امريكا وايران بيتحاربون صدقوني انهم متعاونين مع بعض مثل ما كانو متعاونين مع صدام ودخلوه علينا

ماقول غير الله يحفظ ديرتنا ويبعد عنها كل شر

 

[شانييل]

صراحة كلامكم يخرع
بس الله يستر علينا وين نروج وين نولي
ما كو إلا نضبطلنا بيوت برة الكويت والله يستر
ولا يصير أبونا أو ريلنا نائب حكومي يساوم الحكومة كل رفعة إيد وأمتناع أو تصويت لمصالحهم عليها جم مليون
أستغفر الله خالنواب باعو الذمم والدين

 

[meshmeshaa]

الله يكون فى عونا كلهم عندهم نفس الاهداف

 

[al-jazzi]

اصلا الكتاب واضح من عنوانه وليش مو مصدقين ترى كل شي حايز مثل الغزو العراقي اللي ماكنا متوقعينه صار طبعا بتخطيط من امريكا علشان تستولي على النفط واللحين بدت الخطه الجديده لضرب الكويت كونها دوله صغيره ومواردها غنيه وانتوا شوفوا العراق صار حكمها موالي لايران لان الحكم فيها شيعي واللي نفذته امريكا طبعا لنواياها السيئه بالمنطقه وايران وتمردها ونوايها الواضحه والرغبه بسيطرتها على الخليج العربي وكل يوم وزير خارجيتها يطلعلنا بكلام يدل على اطماعه ...انتو شوفو شبكة التجسس اللي صادوها وهي من افراد ايرانيين وبدون وفوق هذا قانون الخصخصه اللي راح ينباع فيها النفط لشركات خارجيه وراح يسيطرون على الاقتصاد الكويتي وراح يجر وراه تبعات سيئه وعكسيه على الكويت وبالتالي علشان نتخلص من المشكله يكون فات الفوت حيث لا ينفع الصوت وطبعا حكومتنا نايمه ولا حياة لمن تنادي ومااقول الا الله يحفظ لنا ديرتنا والله يستر من اللي جاي

 

[bint_looda]

عسى الله يحفظنا وييرحمنا برحمته

 

[الجــادل]

الله خير الحافظين

 

[روج كرزي]

الله يحفظ الكويت واهلها من كل مكروه ,,,

 

[DốǾốDї]

كلامكم يخرع

بس الله يسترر

 

[Marymary]

سؤال ليش تصدقونه ؟؟
شنو اهوه يعرف الغيب؟؟؟؟؟؟؟؟؟؟

ولا الي باط جبدي محدد 2025 هالسنه العراق راح تغزو الكويت ماشاءالله مادري اخاف نوسترا داموس وانا مادري ":\
على فكرة نوسترا داموس اهوه واحد منجم بأوروبا عالم الغيب

كل شي بيد الله لا النفيسي يدري و لا انتي تدرين ولا انا ادري
ليش تصدقونه اهوه الله ؟؟؟؟

 

[آيه ^_^]

تخاريف

 

[Čut!e Quèéи]

الصراحه كلامه شبه مقنع فيه امور قالها صحيحه قريبه من الواقع

شوفوا الكويت الحين شنو صاير فيها وكأن لها ايادي خارجيه تلعب فينا

في يوم وليله صاروا الوافدين اكثر من المواطنين

في لحظه اعدائنا صاروا احبابنا دخلوا يسرحون ويمرحون في ديرتنا واشكثرهم

وعيالنا الي صاروا يتزوجون منهم وهذا اشاره ان سهل العراق ترجع تدخل على الكويت او تحاول تنسبها لها

بتقولون الجيل الحالي ماله ذنب ؟ ليش نظلمهم بقول لكم العدو يظل طول عمره عدو ويتربى على العدوانيه

ماشفتوا واحد من العراقيين يتصل على برنامج يقول انا الحين في بريطانيا اربي عيالي على كرهه الكويت ؟ وان الكويت اعدائنا ؟

الفيديو موجود في اليوتيوب صاروا يسممون عيالنا في بناتهم اشوي اشوي حبه حبه وترجع حليمه لعادتها القديمه

بس حكومتنا تحب طقاقها الي سمحت في دخولهم قال ايه قال مصالح اسياسيه بالله عليكم شنو المصلحه الي نبيها من العراق ؟.؟؟

ماغير امريكا الي حرضت الكويت على رد العلاقه معاهم والسماح لهم بالدخول تعالوا شوفوهم اشلون شايخين علينا بالشوارع والمجمعات

والله يستر من الياي يقول 2025 يعني بعد 15 سنه تدرون اذا صار هالشي صج ياويل الي يقول كلمة ماراح اقولها الحين بس راح تذكرونها بعدين

على فكره الكويت لا هيبه ولا شخصيه طوفه هبيطه الكل يشقح منها للاسف هذا الواقع فتحوا عيونكم عدل وشوفوا حواليكم

ترى الحكومه اشطر وحده تكتم وتسكت وتخش وماتصرح

 

[مطيريه ماركه]

بِـ نظل نقول يخسون ومآيقدرون

ومثل مآدخلت آلعرآق آلكويت سنة 90 قد يتكرر آلمشهد

وشنو يتكرر آلمشهد ؟؟

آلآرهآصآت بدأت بِـ آلظهور فعلآً

جوآسيس آيرآنية وسبقتهآ تفجيرآت آلمقآهي في آلثمآنينآت ومحآولة آغتيآل آلآمير وخطف طآئرة آلجآبرية

ومآني بِـ محل آذكر خطر آلعرآق عآرفين آلعرآق شنو سوّت آقلهآ فككت آسر وردت لنآ شبآبنآ رفآت

مسئولي آلكويت آضعف مآ يكون حتى تصريح مآصرّحت ولآ خلوآ آلشعب يعبر عن مخآوفه حتى

تهريب ملآبس عسكرية شبكآت تجسس

ويقولون علآقآتنآ جيدة مع آيرآن

تكلموآ عن علآقآت آلمصآهرة مو عن علآقآت آمنية وسيآسية

ولآ تهددون آمن بلآدنآ لِـ آنكم صعرتوآ خدكم لِـ آيرآن بِـ مآ فيه آلكفآية

ونهآية آلآستعمآر آلعرآقي آلآيرآني بدأ بِـ آلبطيء آذآ مآكآن آستعمآر آرآضي هو آستعمآر فكري !

حسبي آلله ونعم آلوكيل

 

[Čut!e Quèéи]

سؤال ليش تصدقونه ؟؟
شنو اهوه يعرف الغيب؟؟؟؟؟؟؟؟؟؟

والكويتيين في اخر الثمانينات كانوا يقولون ترى العراق راح تدخل علينا

ترى صدام ناوي يسويها حطوا بالكم ومحد كان يصدقهم لين صارت صج

هذيل كانوا يعرفون الغيب ؟؟؟؟؟؟؟

هذيل كانوا فاتحين عيونهم واذانيهم ويقرون الي يصير بينهم

شوفي الكويت اشلون كانت واشلون صارت خلال 8 الى 10 سنوات

هذا واحد من الناس الي حاس وشايف شوفي السياسه اشلون تدمرت عندنا :eh_s(1):

والله يمكن كلامه صج ليش لا الحذر زين ومافيها شي اذا حطينا احتمالات شوفي العراقيين اشكثرهم بينا :eh_s(4):

لاعبين لعب في ديرتنا يسرحون ويمرحون محد يكلمهم كثر ما نعطيهم يقولون تف وسف بالكويت :eh_s(1):

وبعدين ليش امريكا ساكته عن ايران ؟؟ ليش انطرتهم لين خلصوا صناعتهم الاسلحة الدمار الشامل وماسوت لهم شي بس كلام على الفاضي ؟؟

حتى تجارب جربوا شغلهم وطلع مضبوط 100% ولا قالت لهم شي ؟ ولا دخلت عليهم ولا فجرت مصانعهم ؟؟؟؟؟؟؟؟؟؟

عطيني سبب مقنع واحد ؟ غير الي قاله الدكتور النفيسي اتفاقيه عفنه صايره بينهم ولهم النصيفه

انا بقووول كلمه وذكروها عدل ترى الكويتيين تعباااااااااااااااانين لو صار شي الله لا يقدر ما اعتقد ان الكويت راح ترجع من عيالها

 

[دلع Q8]

لو لاحظتو ان الحين يحاولون يشغلون الناس بالازدواجية برا السور داخل السور عن طريق الجويهل وسكوب وركض علي قانون الخصصة والوضع غير مريح وامريكا يهمها ان الحكم يكون شيعى

 

[دلع Q8]

غير معلن

ولم يستبعد اتفاق إيران والولايات المتحدة على صفقة تخدم مصالحهما، مشددا أن على حكومتنا أن تكون طرفا في هذا الحوار أو على الأقل على علم بتفاصيله لكي نستعد للتطورات وعلى مجلس التعاون أن يطالب الولايات المتحدة بمزيد من الشفافية وأن تكون كل القضايا على طاولة النقاش، مستشهدا بكتاب ألفه تريتا بارسي أحد رجال الأعمال الإيرانيين المقيمين بالولايات المتحدة بعنوان «التحالف الشرير» والذي كشف فيه خفايا الصراع الإعلامي الدائر بين إيران من جهة والولايات المتحدة وإسرائيل من جهة أخرى، مشددا على أن السياسة الإيرانية لها وجهان أحدهما معلن ظاهره العداء لأميركا وإسرائيل والأخر خفي حريص على التفاهم معهما والوصول لحل مرض، موضحا أن إيران قبل الثورة الإسلامية كانت ترتبط بعلاقات استراتيجية مع إسرائيل ولكن بعد الثورة حدث نوع من التشدد الإعلامي تجاهها ولكن واقع الأمر أن هناك عددا من التفاهمات بينهما.

ركزوا عل هذا الكلام

 

[دلع Q8]

بكتاب ألفه تريتا بارسي أحد رجال الأعمال الإيرانيين المقيمين بالولايات المتحدة بعنوان «التحالف الشرير» والذي كشف فيه خفايا الصراع الإعلامي الدائر بين إيران من جهة والولايات المتحدة وإسرائيل من جهة أخرى، مشددا على أن السياسة الإيرانية لها وجهان أحدهما معلن ظاهره العداء لأميركا وإسرائيل والأخر خفي حريص على التفاهم معهما والوصول

 

[سلطة]

الله يستر ولن يصيبنا إلا ما كتبه الله لنا شوفوا السحابة البركانيةاللي طلعت فجأة وعفست العالم ومحد قدر يوقفها أو يسوي شي كله بقدرة الله سبحانه وتعالى فالله يرد كيدهم في نحرهم ويبعدهم عن الكويت وأهلها

 

[شيووخه حبي]

الى الان ما استوعبنا الدرس اصحوا تدرون ليش :q8::q8:
العبو علينا اللعبة على اصولها المرسومة لهم مع اخذهم الاجر كامل ف س - م ج - س م لضرب اللحمة الوطنية عشان يشغلونا عن اللي يدور حولينا وينفردون لتنفيذ اجندات تملى عليعم من برة وتامين روحهم قبل لا تنتهي الكويت والكلام هذا انا قاريتة من قبل عشر سنوات عن مخطط كامل لتفتيت الخليج و احنا ليمن الحين ما عندنا الا سالفة تافهة بدو وحضر

 

[شيووخه حبي]

الى الان ما استوعبنا الدرس اصحوا تدرون ليش :q8::q8:
العبو علينا اللعبة على اصولها المرسومة لهم مع اخذهم الاجر كامل ف س - م ج - س م لضرب اللحمة الوطنية عشان يشغلونا عن اللي يدور حولينا وينفردون لتنفيذ اجندات تملى عليعم من برة وتامين روحهم قبل لا تنتهي الكويت والكلام هذا انا قاريتة من قبل عشر سنوات عن مخطط كامل لتفتيت الخليج و احنا ليمن الحين ما عندنا الا سالفة تافهة بدو وحضر

 

[دانه الهيرات]

كلام الدكتور صحيح وذلك لان امريكا تخطط لزرع قواعد بافغانستان و ايران لان هناك وجه نظر مستقبليه لقيام اتحاد من اكبر دولتيين حالييتين اقتصاديا و هما الهند و الصين و هالدولتين بيتحدون مع روسيا لمواجهة الزحف الامركي بالمنطقه . لذلك فامريكا بعد ما وضعت ايدها بالعراق و ثبتت نفسها بتسحب جزء من قواتها و بتوديهم افغانستان لتدعيم قواعدها اهناك و لتكون بمواجهة كل من الهند و الصين و التخطيط القادم انها تتقرب من ايران عشان اتسوي لها قواعد عسكريه مواجهه لروسيا و اصلا ملالي ايران يميلون لاسرائيل و امريكا بالسر و يوالونهم و الشاهد على ذلك صورهم الكثيرة مع حاخامات اليهود