طاقه فيني الوسيعه وين تنصحوني اسافر بالربيع

[روج وردي]

السلام عليكم صبايا
شخباركم

انا ضايق خلقي ولين شهر 2 بكون كملت سنتين ماسافرت سفره عدله
حدي دبي والسعوديه

وعاد هالمره خاطري اسافر
رشحولي بلاد حلوه وبنفس الوقت كم ممكن تكلفني حق 4 اشخاص كبار
للعلم انا بنت يعني مابروح مع زوجي بروح مع امي وابوي

عاد يارب ابوي يوافق ومايكشت فيني :eh_s(11)::yaaaaaarb::eh_s(16):
​

 

[وجدان الحلا]

ماليزيااا او سنغاافوره

انا ماارحتلهم الصرااحه بس يمدحووونهم

 

[ضي الغلا]

حسب ميزانيتج

ترى ماليزيا الحين غاليه و سنغاافوره حيييييل غالي السكن و التذاكر ما تسوى


افضل اوروبا او تركيا

 

[عبيرالحب]

احجزي على ماليزيا وانتي مغمضة
بلد سياحي من الدرجة الاولى
السفرة راح تكون كوكتيل يعني مرة جزيرة ومرة جبال وغابات ومرة منتجاعات ومرة ناطحات سحاب واسواق اصغر واحد خمس ادوار
واذا تبين برنامج للسفرة بسويلك بالتفصيل الممل ما عليك الا تطبعينة وتوكلين على الله
اما تركيا ووروبا جليد اللحين يعني اذا سافرتي راح تجلسين بالفندق طول الوقت
لكن ماليزيا بلد استوائي امطار ورطوبة عالخفيف وجو معتدل وانا دائماً ما أسافر لماليزيا الا في فصل الشتاء

 

[عبيرالحب]

راح تكلف ٢٥٠٠ شاملة تذاكر سكن ومصروفات يومية
بالنسبة لجدولي انا بدون مكاتب سفريات

 

[ملاك الأمل]

راح تكلف 2500 شاملة تذاكر سكن ومصروفات يومية
بالنسبة لجدولي انا بدون مكاتب سفريات

بعد اذن صاحبة الموضوع

صديقتي بتروح شهر عسل لمدة اسبوع

ممكن برنامج حلو و كم التكلفة؟؟؟

و متى افضل وقت لحجز التذاكر ؟؟؟


و مشكووووووووووووووووووورة

 

[روج وردي]

انا اصلا في بالي 70% ماليزيا
بس قلت اشوف الاقتراحات


مشكوووووووورين

 

[ماريا 2006]

عبير نزلي لنا برنامجج بالتفصيل عشان اطبعه واخليه عندي يمكن اهون اوربا

 

[أم سيف وسلطان]

انا بعد ارشحلج ماليزيا كل شي فيها حلو

سيري وانتي مغمضه

 

[عبيرالحب]

اوكي بكتب لكم برنامج لمدة اسبوع حق شهر العسل
وبرتب جدول روج وري لمدة ١٢ يوم كافي والا تبي انا ما قدرة ارد عالخاص عشان ماعندي مشاركات كثيرة
اللحين بكتب بورقة وارتبة بعدين انزلة لكم

 

[اريج الجوري]

على حسب متى بتروحين ؟؟؟

انا مارحت شرق اسيا ولا افكر اروح لها ،،،

بالنسبه لي السفر اوروبا واقطع ،،،

ارشحلج المانيا والنمسا ،،،

واذا تحبون الاثار والتاريخ روحي ايطاليا عجيبه وكل شي فيها ،،،

تسوق وطبيعه وراحه واستجمام وآثار وقعدات ،،،

حيل حيل حبيت ايطاليا ،،،

تحياتي ...

 

[اريج الجوري]

واعذريني على لقافتي عنوان موضعج غلط ،،،

ضاقت فيني الوسيعه مو طاقه ،،،

شسوي معلمه لازم اصحح الخطأ ،،، هع

 

[عبيرالحب]

بالنسبة للطيران الاتحاد ابو ظبي واذا حجزتو بدري تقل قيمة التذكرة
يومين في سلانجور فندق صنواي لاقون هو عبارة عن منتج فية مدينة العاب فيها العاب مائية وحديقة حيوان وجسر مقلع بالهواء ينقلكم للجزء الثاني من مدينة الالعاب وفية سوق سبع ادوار وطبعا سوبرماركت فالدور الارضي ومطاعم عالمية وفية مساج وصالون يعني يومين على ماتخلص المنتجع باللي فية نسيت فية سينما
ثلاث ايام في جزيرة لنكاوي بما انهم شهر عسل فندق ويستن هي جزيرة هادية جدا تحسين انك في حلم مو حقيقة من جمال الطبيعة فيها والشاطئ النظيف اذا يحبون الرحلات والالعاب يحجزون من المطار فية مكاتب كثيرة راح يشوفونها والا الشاطئ فية العاب كثيرة
ثلاث ايام في كوالالمبور وهي عاصمة ماليزيا ومدينة ناطحات السحاب الفندق تريدس يقع في حديقة البرجين. وتاخذ غرفة مطلة عالبرجين اهم شي عشان تستمتع بالمناظر انا زدت يوم عشان تقدر تروح لجنتنج وتلعب في مدينة الالعاب وتعانق السحاب
بنات لاتحجزون من مكاتب اذا عندكم بطاقة البنك حق الانترنيت احجزو عن طريق النت ارخص عن طريق النت
واذا بتشوفين الفنادق تلقين لهم تقارير من الاعضاء فالعرب المسافرون

 

[عبيرالحب]

هذا لروج وردي
الطيران الاتحاد من ابوظبي او الامارتية من دبي او القطرية (لاتفكرين في غيرهم لو عطوك تذكرة بالمجان)
يومين في منتجع صنواي لاجون روزريوت غرفة مطلة على مدينة الالعاب على فكرة فطورهم عجيب والا المنظر وانتي تفطرين اذا اخذيت طاولة خارجية اخر حلاوة دايما هالمنتجع يكون وجهة المسافر الاولى لراحة من تعب السفر وكل شي موجود مايحتاج تطلعون برة الا اذ حبيتو تشفون المدينة
اربع ايام في جزيرة بينانج في فندق بارك رويال غرفة مطلة عالبحر واذا تبين رايي روحو للجزيرة عن طريق الباص عشان تستمتعون بالمناظر الخلابة او طيران اذا تبون توصلون بسرعة اقل من ساعة بالطائرة والسيارة اربع ساعات ونص ترى الباص في اي بي شي فخم وبعضهم فية مساج بالكراسي والمكتب
قدام الفندق صنواي لاجون تطلعين وتشوفينة قدامك لوحة لونها اصفر
اهم مايميز جزيرة بينانج القطار الجبلي حديقة ارتيم رحلة صيد السمك والعاب اللي على الشاطئ مثل البنانة وركوب الخيل والجت سكي والبراشوت
فيها اسواق وجنب الفندق السوق الليلي فية المنتجات المقلدة والشلالات حديقة الفراشات والفواكة ومصنع القهوة حديقة البهارات تصلح للوالدة وارخيص
خمس ايام في كوالالمبور طبعا الفندق المفظل عندي تريدس عشان موقعة حلو يقع في حديقة البرجين يعني تخيلي وانتي نايمة عالسرير تشوفين البرجين قدامك الجدار عبارة عن زجاج والستارة كبيرة مرة احجزي غرفة مطلة عالبرجين وحديقة البرجين والنافورة الراقصة نفس اللي بدبي كل هذا تشوفينة وانتي قاعدة بالغرفة وتخيلي وقت نزول المطر روعة تشوفين السحاب يصدم ابعض وبعدين ترعد وتبرق برق قوي وبعدين تمطر فية احلى من المنظر
والحديقة فيها العاب طبعا مجانية وحمام سباحة وجلسات تفتح النفس يعني تخلين امك وابوك فالحديقة وتروحون لمول سواريا بالبرجين قدام الحديقة عن الازعاج ويستمتعون بالجو وغير كذ فية كافيهات سطرة كاملة مقابل الحديقة وانتي طالعة من بوابة مول البرجين والمسجد روعة جنب الفندق عشان الوالد
كوالا كلها اسواق اهمهم البافليون وسوجو وكي ال والسوق الصيني وميجا مول ولوت تن والمطاعم في شارع العرب ناب الايراني والطربوش وحضرموت للكبسات ومول البافليون كله مطاعم حلوة فيها بعد حديقة الطيور وحديقة الفراشات جنب بعض تروحين لهم بوقت واحد وفية ماينز وندر لاند روعة لاتفوتينة سوقين يفصل بينهم نهر وتحجزين سفينة وتمشين فالنهر وتنزل السفينة فيكم سبع امتار وبعدين ترتفع بالروحة وبالردة تجربة حلوة حلوة وتسوقون وفية مطاعم بالسوق وفية حديقة والالعاب وفية عروض للالعاب النارية س٧ والحديقة المضيئة هذا طبعا لة يوم وعندك المنارة وفيها مطعم بوفية وعندك مدينة جنتنج في اعلى قمة مدينة العاب فيها العاب داخلية والعاب خارجية ومطاعم وفنادق وتلفريك وفية وانتي جاية من جنتنج تمرين المدينة الفرنسية واليابانية
كانك سافرتي لفرنسا واليابان وانتي بماليزيا وعالطريق فية الشلالات البسع مروها والمعبد الهندي بس لاتروحون لة راح تشوفين الصنم كبير من ذهب شكله
يعني جنتنج يوم كامل من الساعة ٩الي٧المغرب النهار عندهم طويل
الحجز راح يكون عن طريق النت اذا ماتعرفين دوري احد يعرف ويحجزلك ارخص بكثير من النت الطيران احجزو بدري او وقت العروض
يمكن تكلف الفنادق من النت غرفتين ٥٠٠ دينار لمدة ١١يوم او ٦٠٠
لوتروحين لمكتب سفريات كلفك ٦٠٠للشخص الواحد في غرفة مزدوجة الحجز من النت يوفر لك
والتذاكر راح تكون بحدود من١٩٠الي٢١٥ ماراح تتعدى يعني اذا لاربع اشخاص ٨٠٠ والباقي مصرفكم اليومي والتسوق
بالنسبة لفندق تريدس فية بالدور الاخيركافية مجاني للي يحجزون غرفة مطلة على البرجين من س٥الي٧ والبركة وجلسات حلوة والاكواريوم موجود في نفس الفندق في الممر اللي بين الفندق والبرجين وفية توصيل مجاني للبرجين سيارة قولف لان المسافة قريبة جداً بس لكبار السن حلوة
يعيب الفندق شي واحد عدم وجود الشطاف بالحمام الله يكرمكم انا اخذ شطاف السفر يبيعونة بالمنتدى مدري اذا اللحين حطو لان الخليجيين يطلبون منهم
اي شي تبينهة او ما فهمتي اسالي علية فالخدمة ودمتم بود
*

 

[روج وردي]

اوكي بكتب لكم برنامج لمدة اسبوع حق شهر العسل
وبرتب جدول روج وري لمدة ١٢ يوم كافي والا تبي انا ما قدرة ارد عالخاص عشان ماعندي مشاركات كثيرة
اللحين بكتب بورقة وارتبة بعدين انزلة لكم

ايه 12 يوم حلوين :eh_s(7):

 

[روج وردي]

هذا لروج وردي
الطيران الاتحاد من ابوظبي او الامارتية من دبي او القطرية (لاتفكرين في غيرهم لو عطوك تذكرة بالمجان)
يومين في منتجع صنواي لاجون روزريوت غرفة مطلة على مدينة الالعاب على فكرة فطورهم عجيب والا المنظر وانتي تفطرين اذا اخذيت طاولة خارجية اخر حلاوة دايما هالمنتجع يكون وجهة المسافر الاولى لراحة من تعب السفر وكل شي موجود مايحتاج تطلعون برة الا اذ حبيتو تشفون المدينة
اربع ايام في جزيرة بينانج في فندق بارك رويال غرفة مطلة عالبحر واذا تبين رايي روحو للجزيرة عن طريق الباص عشان تستمتعون بالمناظر الخلابة او طيران اذا تبون توصلون بسرعة اقل من ساعة بالطائرة والسيارة اربع ساعات ونص ترى الباص في اي بي شي فخم وبعضهم فية مساج بالكراسي والمكتب
قدام الفندق صنواي لاجون تطلعين وتشوفينة قدامك لوحة لونها اصفر
اهم مايميز جزيرة بينانج القطار الجبلي حديقة ارتيم رحلة صيد السمك والعاب اللي على الشاطئ مثل البنانة وركوب الخيل والجت سكي والبراشوت
فيها اسواق وجنب الفندق السوق الليلي فية المنتجات المقلدة والشلالات حديقة الفراشات والفواكة ومصنع القهوة حديقة البهارات تصلح للوالدة وارخيص
خمس ايام في كوالالمبور طبعا الفندق المفظل عندي تريدس عشان موقعة حلو يقع في حديقة البرجين يعني تخيلي وانتي نايمة عالسرير تشوفين البرجين قدامك الجدار عبارة عن زجاج والستارة كبيرة مرة احجزي غرفة مطلة عالبرجين وحديقة البرجين والنافورة الراقصة نفس اللي بدبي كل هذا تشوفينة وانتي قاعدة بالغرفة وتخيلي وقت نزول المطر روعة تشوفين السحاب يصدم ابعض وبعدين ترعد وتبرق برق قوي وبعدين تمطر فية احلى من المنظر
والحديقة فيها العاب طبعا مجانية وحمام سباحة وجلسات تفتح النفس يعني تخلين امك وابوك فالحديقة وتروحون لمول سواريا بالبرجين قدام الحديقة عن الازعاج ويستمتعون بالجو وغير كذ فية كافيهات سطرة كاملة مقابل الحديقة وانتي طالعة من بوابة مول البرجين والمسجد روعة جنب الفندق عشان الوالد
كوالا كلها اسواق اهمهم البافليون وسوجو وكي ال والسوق الصيني وميجا مول ولوت تن والمطاعم في شارع العرب ناب الايراني والطربوش وحضرموت للكبسات ومول البافليون كله مطاعم حلوة فيها بعد حديقة الطيور وحديقة الفراشات جنب بعض تروحين لهم بوقت واحد وفية ماينز وندر لاند روعة لاتفوتينة سوقين يفصل بينهم نهر وتحجزين سفينة وتمشين فالنهر وتنزل السفينة فيكم سبع امتار وبعدين ترتفع بالروحة وبالردة تجربة حلوة حلوة وتسوقون وفية مطاعم بالسوق وفية حديقة والالعاب وفية عروض للالعاب النارية س٧ والحديقة المضيئة هذا طبعا لة يوم وعندك المنارة وفيها مطعم بوفية وعندك مدينة جنتنج في اعلى قمة مدينة العاب فيها العاب داخلية والعاب خارجية ومطاعم وفنادق وتلفريك وفية وانتي جاية من جنتنج تمرين المدينة الفرنسية واليابانية
كانك سافرتي لفرنسا واليابان وانتي بماليزيا وعالطريق فية الشلالات البسع مروها والمعبد الهندي بس لاتروحون لة راح تشوفين الصنم كبير من ذهب شكله
يعني جنتنج يوم كامل من الساعة ٩الي٧المغرب النهار عندهم طويل
الحجز راح يكون عن طريق النت اذا ماتعرفين دوري احد يعرف ويحجزلك ارخص بكثير من النت الطيران احجزو بدري او وقت العروض
يمكن تكلف الفنادق من النت غرفتين ٥٠٠ دينار لمدة ١١يوم او ٦٠٠
لوتروحين لمكتب سفريات كلفك ٦٠٠للشخص الواحد في غرفة مزدوجة الحجز من النت يوفر لك
والتذاكر راح تكون بحدود من١٩٠الي٢١٥ ماراح تتعدى يعني اذا لاربع اشخاص ٨٠٠ والباقي مصرفكم اليومي والتسوق
بالنسبة لفندق تريدس فية بالدور الاخيركافية مجاني للي يحجزون غرفة مطلة على البرجين من س٥الي٧ والبركة وجلسات حلوة والاكواريوم موجود في نفس الفندق في الممر اللي بين الفندق والبرجين وفية توصيل مجاني للبرجين سيارة قولف لان المسافة قريبة جداً بس لكبار السن حلوة
يعيب الفندق شي واحد عدم وجود الشطاف بالحمام الله يكرمكم انا اخذ شطاف السفر يبيعونة بالمنتدى مدري اذا اللحين حطو لان الخليجيين يطلبون منهم
اي شي تبينهة او ما فهمتي اسالي علية فالخدمة ودمتم بود
*

:eh_s(9)::eh_s(9)::eh_s(9)::eh_s(17)::eh_s(17)::eh_s(17)::eh_s(17):


ميرسيه ميرسيه يختي

 

[الحوراء_بنت نجد]

شوفي إذا عندك اسبوعين وقت روحي ماليزيا إذا اقل لاتروحين ماليزيا لانو يبي لها اسبوعين عشان تروحين لكل شيء
إذا عندك اسبوع واحد روحي النمسا ولا سويسرا تغيرين فيها جوو وإن شاء الله تكفيك اسبوع إذا مدينة وحدة

\

/

 

[فنيسيااا]

اذا تحبين السوق والكافهات وزحمه الناس وحديقه كبيره اللي اهي الهايدبارك
مالج الا لندن ونيسه وعلى قوله اللبنانيين عجأه
طبيعه وثلوج ومباني قديمه مثل الببايات ملج الا اوروبا
اما اسيا ما عرف فيها كلش
ما احب جوها ولا ناسها ولا احس اكلهم حلو
بس اذا تحبين الغابات والبحر وجو استوائي روحي اسيا
والله يفك عنج الضيقه يا اختي

 

[نجود بنت محمد]

عبير الحب

كفيتي وو فيتي

استفدت من جدولك يعطيك العافيه ي عسسل

 

[AVE.NJ]

مايبيله تركيا هل الايام الناس هابه فيها
بس شويه برد
بس ياحلاة سوقها واكلها