طالبات كلية التربية عفية تعالو أملي فيكم .. عفية لاتخلوني

[G-Moda]

السلام عليكم ورحمة الله وبركاته ...

بنات انا تمرمطت انقبلت شريعة وبعد سنة ونص حولت تربية
وتوني مخلصة تمهيدي .. وولا مادة انحسبتلي الا جم مادة ..

وانا بتخصص انجليزي ابتدائي ويبيلي جم مادة .. ومسجلة حق الصيفي مادة انجليزي 110 عند دكتورة زهرا بارز

ولما اخلصها قالولي عادي اخذ مادة 111 مع 170 ( مقدمة في الادب ) هذا كلام التوجيه والارشاد ,, اكيد بنات يصير اخذهم مع بعض ولا لازم اخلص 111 بعدين الكورس اللي وراه 170

وبنات شلون تخصص الانجليزي زين .. انا زينة بالانجليزي واحبه .. بس يعني التخصص صعب وايد ؟؟ مابي اتمرمط بعدين انصدددددم بالتخصص يكون وايد صعب
عفية ساعدوني ولكم مني جزيل الشكر وخالص الدعاء
الله يوفقكم اجمعين لا تخلوني عفية​

 

[حلو الذكريات]

هلا حبيبتي انا نفسج بتخصص ان شالله انجليزي ابتدائي
وبالصيفي هذا أخذت 111 وبعدين الكورس الجاي آخذ 170
يعني كل مقرر بمادة مايصير تاخذينهم مع بعض
موفقه ان شالله

 

[G-Moda]

واي على هالتوجيه والارشاد هذا اسمه تضيييييييييع وافساد والله كل معلومة غلط يأملوناا ويعشمونااا وباالاخير ننصدم .. افففففففففف
صج صج الجامعة تنحش الوحده
مشكورة حبيبتي حلو الذكريات عاد انا مسوية جدول كامل حق المواد اللي باخذهم .. مواد التخصص يبيلج 3 سنين على ما تخلصين بكل كورس 5 مواد وصيفيين تاخذين فيهم مادتين

 

[G-Moda]

افا .. يعني اللي يقول عفية وما عفية ماتردون عليه ........!!!!!!!

 

[روح الدنيا]

انا مادري بس مدامج عند زهره بارز ارقدي وامني .. و اشبعي غيابات

 

[G-Moda]

مشكورين حبايبي

الباجي صدمتوني صراحة

 

[Bnt 36a]

اب اب الله يسهل عليج
وان شاءالله اذا شديتي حيلج ماكو شي صعب

 

[G-Moda]

بنت عطا فديتج بنت عمي

 

[Miss independent]

جي مودا بما انج بنت عمي بفيدج
لووووووووول لا اضحك
شوفي
انا قبل ماكنت اسأل التوجيه والارشاد
كنت اسأل محمد خريبط
بس الحين حاط ورقة مايبي البنات يكلمونه الظاهر
فمالج الا العماده تاخذين الاوكي منهم
مع ان تخصصي انجليزي بس ماطلبو مني هالمادتين الظاهر مجرشييتنا قديم

 

[طالبة1990]

انتي اكيد مو ماخذه في القدرات فوق ال70

عشان جذي ممرمطينج بالنظام الجديد

شوفي ماعليج من كلام التوجيه والارشاد

170 من ضمن متطلباتها المسبقة احد المجموعات التالية:

1- 110 + 111 << بنات التربية الادبي
2- 114 +116 <<بنات التربية العلمي

واذا كنتي جايبة في القدرات 70 وفوق يصير مسبقها

105+107+108

ولحسن حظكم ان 110 و111 راح يعادلونها لكم مع 105 و107 اللي هي محادثة وقراءة

انا على ايامي ماعادلوها لي

لان اساسا 110و111 مو موجوده بالميجر شيت

بس شوفي ترا سيستم الجامعة خرطي

يعني عادي تفتح لج وانتي مو مستوفية الشروط

اعرف وحده خذت مادة علم المعاني قبل ماتاخذ قواعد تحويلية

تقول استعبط وحطيت اضافة وفجأة تسجلت لها

تقول مو مصدقة قلت يمكن يسحبونها او شي

وكاهي عدت المادة الكورس اللي طاف

 

[درة أهل الطولات]

ما ادري بس سامعه قبل ان تخصص الانجليزي لازم تكونين ناجحة بالقدرات بنسبة 70

 

[G-Moda]

احنا دفعة 2007 منعونا من القدرات .. الدفعة الوحيدة اللي مايصير تقدم قدرات كلش ظالمين والله العظيم

 

[G-Moda]

مشكورين كلكم حبايبي وتسلمون
طالبة 1990 فديتج حبيبتي مشككككككوووورة بس شلون على وقتكم وانتي 1990 >>ان شاءالله مادشين باخلاق البنية هههههههه

 

[طالبة1990]

هههههههههههههههههههههههههههههههههههههه

ولا يهمج اجاوبج على استفسارك<<< تحب تشرح قصة حياتها

اولا ليش حكمتي اني مواليد 1990

يعني اللي حاطين نكهم 2009 مواليد 2009

ثانيا بالصدفة اسجل في المنتدى جا في بالي سنة الغزو <<< تحب الاكشن

 

[[..كـــــرك..]]

مالج امل اقرب صوب الانجليزي اعرفله بس مادانيه

الفرنسي ارحم

<< لازم مقدمه


عشان جذي ماقدرت اساعدج فديتج

والبنات ماقصرو

بس احب اضيف لج معلومه

ليش 5 تقدرين تاخذين بالكورس العادي 6 وبالصيفي 4 او 3

اضغطي لجل تخرجين

 

[G-Moda]

اي انا بضغط بس الصيفي حدج 3 مواد ما يصير 4 ..

طالبة لوووووووووووووول حدج اكشنات هههههههههههههههه