طالبتكم طلبه جوفولي دبره في هالموضوع

[قانون كـيفي]

السلام عليكم


مبارك عليك الشهر حبيبتي


الي انتي فيه مو مشكله بس انتي خليتيها مشكله


انا امي عندها 4 اولاد وكلهم اعمارهم من فوق 23 سنه

بس سبحان الله ما ترتاح الا مع واحد فيهم

وتحب تروح معاه وتجي معاه

وهو متزوج بس مع كذا متوفق بحياته الزوجيه

ممكن يكون بسبب دعوه من دعوات امي له

بالنسبه لطلعات

لمن انتي فرضاً تطلعين انتي وهو وامه برا اليوم في اي مطعم او مول او سينما بالكويت

بعد اسبوع كلميه تطلعون وقولي له خلنا بروحنا والطلع الجايه ما يخالف خذ امك معاك

والله يوفقك حبيبتي

 

[MoonDiamond]

شوفي حبيبتي
انتي خذتيها كذا سفره وخذيتي امج سفره

خلاص ما قصرتي بالثنتين

يعني السفره اليايه قولي لريلج ودي اسافر وياك بروحنا
اذا قال لامه قوليله خلاص مابي اروح وشرحيله بهدوء وفهميه
انج تتعبين وما تستمتعين بالسفر مع ريلج وقوليله مرات انتي تبين ترتاحين من الالتزام باي احد
بتنامين وتطلعين وتتسوقين براحتج انتي وياه بس
واليايات وايد
مرات قوليله سفرنا مكان وخلنا ناخذ خالتي ويانا

يعني مره بروحج ومره معاها
وخلاص
بس اذا ما تبينها تروح معاج ولا سفره .. اسمحيلي ما اوافقج بهالشي

 

[حـوريـه]

حطي نفسج مكآنهـآ تبين تطلعين مع ولدج وزوجته
والله حرام
ونسوهآ المسكينه والاجر عند الله
ولاتتمللين منها قدام زوجج ترى تصغرين بعينه
بالعكس رحبي فيها وشيليها بعيونج بتكبررررررررين بعينه
وهذا اهم شي تكبرين بعينه

 

[missdreamer]

شوفي حبيبتي
انتي خذتيها كذا سفره وخذيتي امج سفره

خلاص ما قصرتي بالثنتين

يعني السفره اليايه قولي لريلج ودي اسافر وياك بروحنا
اذا قال لامه قوليله خلاص مابي اروح وشرحيله بهدوء وفهميه
انج تتعبين وما تستمتعين بالسفر مع ريلج وقوليله مرات انتي تبين ترتاحين من الالتزام باي احد
بتنامين وتطلعين وتتسوقين براحتج انتي وياه بس
واليايات وايد
مرات قوليله سفرنا مكان وخلنا ناخذ خالتي ويانا

يعني مره بروحج ومره معاها
وخلاص
بس اذا ما تبينها تروح معاج ولا سفره .. اسمحيلي ما اوافقج بهالشي

انا معاها بس حاجي ريلج بهدوووء

وبعدين البنات الي سوو هجوم عالبنت شدعوا عليكم هي همن ما قصرت وتمت ساكته السفرات الي طافو يعني حرام تطلع مع ريلها ولو مره بروحهم ولا شنو ؟

 

[رهام الكويت]

أشوف الموضوع ماله اي داعي وهذي المشكلة كل وحدة تمر فيها وبالسياسة تحلينها أنت وزوجج
(وجهة نظر )

 

[a.aljowder]

الصعيرية

الله يسامحج
شنو الله يعين خالتي علي
صراحه ذي مب كلام

يعني اللحين شايله مشاويرها داخل الديره وكارمتها

بعد تقعد عله جبدي لي رحنا سفره يومين وغير ذي كله مودينها اكثر من فتره ويانه وقلت حياهه الله بس كل شي له حدود


يعني وديناهه مره واستانست بس مب حلاوة اهوه تنظر لي عقب فترة بنفرحها بشي

مثلج عارف مره كبيرة تتقيدين بمشيتها يعني تتفرقين لها اتشوفين طلباتها

 

[a.aljowder]

الصعيرية

الله يسامحج
شنو الله يعين خالتي علي
صراحه ذي مب كلام

 

[a.aljowder]

نبرآآآس
شوفي حبيبتي
انتي خذتيها كذا سفره وخذيتي امج سفره

خلاص ما قصرتي بالثنتين

يعني السفره اليايه قولي لريلج ودي اسافر وياك بروحنا
اذا قال لامه قوليله خلاص مابي اروح وشرحيله بهدوء وفهميه
انج تتعبين وما تستمتعين بالسفر مع ريلج وقوليله مرات انتي تبين ترتاحين من الالتزام باي احد
بتنامين وتطلعين وتتسوقين براحتج انتي وياه بس
واليايات وايد
مرات قوليله سفرنا مكان وخلنا ناخذ خالتي ويانا

يعني مره بروحج ومره معاها
وخلاص
بس اذا ما تبينها تروح معاج ولا سفره .. اسمحيلي ما اوافقج بهالشي

__________________
حبيبتي كلامج على عيني وراسي وصاجه واييدج بكلامج
السالفة وما فيها واللي اكثر شي فقع مرارتي انه كلمتها ليش ما قلتولي انكم بتروحون للعلم كنت موده امي واختي ياخذون اغراض ماعين ارمضان و اكسسوارات البيت
يعني لو وديتهم ام زوجي بتسوي منافسه اللي يترس صندوق السيارة اكثر اعرفها مجربيتها كذا مره اشسويت فيني في كويت حتى المفتش ايقول هالكثر اغراض

يعني اهيه ما تحاسب لا اتقول مثل ما انه زوجه ولدي تتشرى آنه بعد باتشرى آخر شي ريلي قالي بسج اغراض ما عندي مكان بالسياره

وديتها وانستها جم مره مالي داعي اتقول ليش ما قلتو لي له احنا بعدنا مستلزماتنا واغراضنا ومقاضينا

 

[a.aljowder]

MoonDiamond
حبيبتي المشكلة موبريلي
المشكله انه امه تشره اذا رحنا مشوار بسيط وما قلنا لها
يعني مثلا رحنا السعودية ناخذ مقاضي وما قلنا لها بس والله ما نسيتها شريت لها شي يفرحها بدال ما اتقول منعم الله عليكم
اتقول ليش ما قلتو لي بروح وياكم

 

[a.aljowder]

حُـوريَّـه
حبيبتي
حطي نفسج مكآنهـآ تبين تطلعين مع ولدج وزوجته
والله حرام
حبيبتي ما اعتقد اني مقصره في طلباتها ومشاويرها
ونسوهآ المسكينه والاجر عند الله
ولاتتمللين منها قدام زوجج ترى تصغرين بعينه
بالعكس رحبي فيها وشيليها بعيونج بتكبررررررررين بعينه
وهذا اهم شي تكبرين بعينه

حبيبتي وديتها وياي اكثر من سفره مع انه السفره الاخيره ريلي خلاني عند الامر الواقع واهيه كلها يومين يعني قهرني وبلعت وسكت وقلت ما يخالف
بس مو معناته تتلعلق فينا ونقلصها ويانه بعد احنا صراحه من حقنا سفره تنسينا هموم الشغل


الله يعني وياج على الاجر

 

[a.aljowder]

moondiamond و missdreamer
مشكورين رايكم حلو

بس لا والله حشى آنه ما قصدت اني احرم ولدها انه ايوديها وايبها ويسفرها ويدلعها

بس اقصد يعني ونسناج جم مره هالمره خلنا بروحنا أو بمعني اصح لا تشرهين علينا جنه موضوع اجباري وضروري احنا نسيناه

 

[a.aljowder]

رهام الكويت

اختي آنه لو ما اعزكم واغليكم ما طلبت مشورتكم ، وكلامكم اللي يبرد القلب ، احنا خوات ونستفيد من بعض

 

[Judy abbott]

رد : طالبتكم طلبه جوفولي دبره في هالموضوع

بنااااااات ليش كلكم واقفيين ضدهاا
البنت ما قالت ماتبي تاخذها وتوديها
بس اهياااا قالت ودها بسفره حقها وحق ريلها وسفره حق خالتها
ما قالت ماتبيهاا

حبيبتي هذي امه ومو معقوله يبي يضايقه ويزعلهاا

وانتى بحسبه بنتها ولو ما تحبكم جاان ما قالت تبي تروح معاكم الا اذا اهيا مرتاحتلكم

عشان جذي لا تجرحينها وتضايقينها وعامليهاا مثل امج وانشاءالله باجر عيالج يسولج مثل ما تسويلها

بس الطريقه الي تقدرين تسافرين مع ريلج بدون ما تزعلين خالتج
قوليلهاااا انه مثلا عيد زواجج او عيد ميلادج او اي مناسبه سعيده خخخ وريلج حجزلج مفآجأه عشان تغيرون جو

 

[kuwaitya_zoGaa]

انا اعطيج الحل
لاتسافرين ... دامج ماتبينها والا خلو شغلكم بسكات
بس والله حرام كسرت خاطري يعنى عيوزه منو عندها انويها اجر

 

[مطيريه ميه ميه_]

شمعنا قلتي عن امج ( طلبت تروح ويانا ) وام زوجج الي لو الله ثم هي ماكان موجود قلتي عنها لاصقه لصقه بنيه انها تحبنا ! يعني تمثل حبها لولدها ؟؟

تخيلي انتي ولدج يسوي فيج جذي ! يااااااااو شلون ترضين اتكلمين عنها بوقاحه جذي قاعده علا جبدي ! ترضين احد يقول عن امج جذي ترضين مرت ولدج تقول عنج جذي؟؟؟
حبيبتي ترا الزوجه بدالها مليون زوجه الام مافي منها المفروض تحطينها علا راسج ياليت زوجج مايفضلج عن امه بس المفروض امه الي تدش قبلج .. بعدين انتي ماخذه امج واختج وماباقي الا خدامتكم ..وهو بس اخذ امه وهذا وااجب عليه يرضي امه بالاول قبلح وقبل اي انسان بالدنيا
زمن اقشرررر لاتزعلين بس هذا الصج

 

[كتكوته ورديه]

اصبري او كلميها

 

[miss mama]

مو قادره اصدددددق انه للحين في بشر يفكرون نفسج !! ام وتحب ولدها لو عندها مليون غيره ما تقدرين اتقولين اشمعنا اهو وغيره لا !!!!

اقول حبيبتي هذي امه وما يطلع من جزاهاا لوو شنوووووووووو يسووووووووي !

انتي متضايقه عشانها تروح وياكم؟ اقول ترالها مو تامه وياكم طول العمر خصوصا انها مره كبيره اكرميهااا بطول الباال و سعة الصدر ..والدنيا دوراه خافي ربج فيهاا وراعيها في الباقي من عمرها عشان تكبرين بعيون زوجج ومردج تكبرررررررررين وتكونين مكانهااا

تحياتي لام زوجج . عسى الله يعطيها طوووووووووووووول العمر ويتمم عليها العافيه .. باي

 

[عصيرِ كوِكتيلْ]

ياربي حرام عليكم ترى المرة ماقالت شي شالت خالتها بعيونها بكل سفرة وعاملتها خوش معاملة بس مشكلتها تبي تسافر مرة مع رجلها بروحهاا
وامها يوم خذتها خذتها سفرة وحده مو كل سفر ومشوار نفس امة اوكي امه ماقلنا شي بس عاد تفج عنهم اشوي ادري الحين بتاكلوني وتشربوني بس حطوا نفسكم مكانها غيرها يسافر ويستانس واهي خالتها معاها ومقيدة حريتهاا ... اكيد اهي ماتكرها بس تبي فجة وبعدين مفروض خالتها تحس على روحها يعني حرام مو من حقها سفرة بروحهاا ؟
الله يعينج و احتسبي الاجر

 

[كويتاويه2009]

والله خالتج متعلقه فيكم مسكينه يمكن تحس بفراغ بدونكم حبيبتي الدنيا فااانيه لا تنغرين فيها اخذيها شبيصير يعني اعتبريها امج لا تقنعيني بكل طلعاتج تروح معاكم اهم شي لااا تضايقينها هي من نفسها راح تخفف هذي ام تعرفين شنو ام الله يوفقج ويهديج للصراط المستقيم

 

[a.aljowder]

Judy ABBOTT
بنااااااات ليش كلكم واقفيين ضدهاا
البنت ما قالت ماتبي تاخذها وتوديها
بس اهياااا قالت ودها بسفره حقها وحق ريلها وسفره حق خالتها
ما قالت ماتبيهاا


( صح لسانج ، اشوه انج لاحظتي الهجوم اللي سووه البنات )


حبيبتي هذي امه ومو معقوله يبي يضايقه ويزعلهاا

( مو آنه شنو اللي امسكتني انها مره كبيره وريلي ولدها ولا تربيتي ولا اخلاقي ولا ديني يخليني انهرها او ارفع صوتي عليها او اطردها من المستحيلات )

وانتى بحسبه بنتها ولو ما تحبكم جاان ما قالت تبي تروح معاكم الا اذا اهيا مرتاحتلكم

عشان جذي لا تجرحينها وتضايقينها وعامليهاا مثل امج وانشاءالله باجر عيالج يسولج مثل ما تسويلها

بس الطريقه الي تقدرين تسافرين مع ريلج بدون ما تزعلين خالتج
قوليلهاااا انه مثلا عيد زواجج او عيد ميلادج او اي مناسبه سعيده خخخ وريلج حجزلج مفآجأه عشان تغيرون جو

تسلمين حبيبتي كلامج يبرد القلب