طالبه مساعده

[ناسيه نفسي]

مساء صباح الخير حابه تساعدوني والي شجعني لما شفت تفاعلكم مع بعضكم انا حابه اغير شكلي بس ماني عارفه الي يناسبني طولي 154 ووزني 67 وبشرتي حنطيه وعمري 29 وامممم ونسيت اهم شي والي منسيني اسمي ام وع فكره سمنتي متركزه عند البطن يعني لي كرش وحابه اغير شكلي للعيد واعرف اش الي يناسبني والله يخليكم ساعووووني مالي غيركم لان احنا صايرين كلن نفسي ومشكووورين

 

[أنـيـن الـحـزن]

هلا حبيبتي ماحبيت اطلع من غير رد ويشرفني اني ارد اول وحده

حبيبتي العبي رياضه عشان وزنج وكرشج او ادخلي نادي صحي عندج فلكس حلو وهم قللي من اكلج سويلج رجيم بسيط

والبشره يبيلها عنايه مستمره واهم شي التغذيه مافي شي احلى من الخلطات الطبيعيه كل شي موجود بالمطبخ واذا حابه تغيرين شكلج قصي شعرج واصبغيه ترى التغيير حلو ومرغوب والله يوفقج

اتمنى اني فدتج

 

[ناسيه نفسي]

مشكووووره ياانين وعسى الله يسعدك في الدارين ويحفظك انا حابه اعرف الي يناسبني في اللبس اما ع رياضه ماالتزم لكن بحاوول

 

[بس احبك]

اهلين حبيبتي واكيد بنات المنتدى ماراح يقصرون معاج بشي

انين ماقصرت كفت و وفت

بس اذا على اللبس انتي شوفي شنو استايلج وشوفي الموضه اللحين واللي دارج بالسوووق واهم شي وقبل كل شي انه يناسبج يعني لاتاخذين شي على انه موضه وبالاخير مو حلو عليج

انصحج بالتايقر انا احبه واهو اللحين الموضه اللي هابين فيها ولاتكلفين وايد باللبس يعني مو تخلينه اوفر او وايد بالالوان اللبس كل ماكان بسيط كان احلا

والبشره امممممممممممم كثري من الفواكه والخضره وانواع العصاير والتمر ترا وايد زين يعطي نظاره للبشره وقللي من اكلج

واي سؤال حاضره مايردج الا الكيبورد : p

واتمنى اني فدتج حبيبتي ^_*