طبــــــق حلـــــــــو لذيذ وسهل على ضمانة سبوجه

[سبائك]

السلام عليكم


يايبتلكم اليوم طبق حلو سهل جدااااااااا وما ياخذ لا وقت ولا جهد وطعمه لذيذ


بف باستري بالصلصه

المقادير

عجينة بف باستري
شعريه باكستانيه محموسه

الصلصه

2قيمر
2كريم كراميل
صلصة البان كيك(تقريبه نص قلاص كبير)


الطريقه

تقطعين عجينة البف باستري بالقطاعه المدوره وتصفينها بالماعون وتحطينها بالفرن لما تنتفخ وتتحمر وتصير بهالشكل

تالي تصفينها بماعون التقديم بعد ما تبرد وتصبين عليها الصلصه(بعد ما تخلطينها بالخلاط)
بهالشكل وشوية صلصة ككاو والمفروض شعريه محموسه بعد بس أنا نسيت للأسف!!!

وهذا شكلها النهائي للتقديم

وطبعا طريقة التقديم تتقدرين تتفنين فيها على كيفج

وهذي طريقه ثانيه للتقديم(تحطين عود اسنان على كل كره من كور البف باستري عقب ما تصبين الصلصه عليها)

طريقه ثالثه أنج تقدرين تصفين الكور بطبقات فوق بعضها وتسوينهم مثل الجبل يطلع الشكل وايد حلو بعد

وعواااااااااافي ويارب يعجبكم أن شاءالله

 

[لولي**]

يسلمو اديكي غاليتي
رووووووعه
بجربها

 

[الغاليه نونو]

والله سهل وحلوووووووووو ويهبل
بس اشلون بالشعريه علمينا الطريقه فديت اناملج يااالي مااااانشوف منج الا كل حلووو ياحلوه


وبعد بغيت اعرف يااقلبي شنو البان كيك هذااااا ماعرفه علميني يزااج الله خير


سويت اليوم شييييييز كيك طلع ماي مايوووه ورخووووووو عيالي ياكلون ويقولولي شنو هالطبخه يمه قلت هذاااا حلووو ايطالي يديد من المطبخ الايطالي وخنت حيلي يشربوونه من الشوربه يقولون لذيذ ويضحكون من تحت لي تحت وانا بقلبي اقوول لهم هني وعافيه يمه هذا اللي قدرت اسويه ومااظبط

مشكلتي الحلويااات ماجيدها ابدددددددددددددددددددد ابد

 

[سبائك]

لولي الله يسلم عمرج يارب

الغاليه نونو بعد قلبي ترى الحلو ماااااااااا يبيله شي سهل بس اتبعي الخطوات بالضببببط وان شاءالله يضبط معاج كل طبق حلو تسوينه

هذي صلصة البان كيك صورتها لج علشان بس تشوفينها بالجمعيه تعرفينها




يالله شدي حيلج وسويها وبشريني بالنتايج

 

[سبائك]

بالنسبه للشعريه يالغاليه نسيت لا أقولج

تاخذين شعريه باكستانيه تكسرينها صغار وتحمسينها لما تاخذ لون ذهبي

لما تسوين الحلو وتصبين عليه الصلصه حطي فوق كل كره شوية شعريه

ان شاءالله أذا طبقته بالشعريه راح اصورها لكم واحطها باذن الله

 

[الغاليه نونو]

فديييييييييتج والله سبوووجه الحين عرفت البان كيك علي قولتج صورته بموبايلي وباجر بشتريه واسويه وانشاءالله بتعلم احط الصور وارويج شغلي هههههههههههههههه


بس علي طاري شغلي بالحلويات والله العظيم اسوي كل شي بالخطوات بس مادري ليش سبحان الله يطلع شغلي خربوطه ههههههههههههههههههه مره سويت سنابون مثل اللي مسوينه البنات والله ولالج علي حلف صار جنه صخرررررررررررر يابسسسسس ماينوكل

وسويت عيينة دوناااااات خليتها من الظهر ليماااااا الساعه 4 تقريبا ومااااختمرت ولا انتفخت ابد

المعجناات والحلوياات عقدتي بالحيااااااااااااااااااااااااااااااااااااااااة

لوماجنتي راحمه حالي بالمطبخ تسوي الحلويات جان علوم

 

[أحلى الجياكر]

تسلمين سبائة خوش طبق

 

[زيـنـه]

تسلم ايدج .. سهل و سريع و هذا المطلوب

 

[جارة القمر]

تسلم ايدج يا قلبي


ومشكووووووووووووووووووووووووره:eh_s(17):

 

[nero]

شكله فلللللله

تسلم ايدج وان شاء الله بسويه

 

[توت عنكبوت]

تسلم ايدج

 

[ضحكة الدنيا]

شكلها يشوق
تسلم ايدج ويعطيج العافيه

 

[سبائك]

حياكم الله وعوافي على قلبكم يارب

 

[د.شريفة]

تسلم الايادي سبوجه بسويها حق يوم الزواره حق الشحاطه جدام الكل
بس شكله حلو تسلم ايدينج

 

[سبائك]

الله يسلم عمرج شروفه

 

[june_m00n]

سبائك

الحلو اينن

تسلم ايدياتج

 

[banota]

تسلم ايدج

 

[AwradAli]

وااااااااااااااو شكله مو بس لذييييييييييذ .. ابصم لج بالعشره سبوووج :eh_s(15): تسلم ايدج حبيبتي وانشالله بجرب اسويه مثل الجبل وبسميه سباجه ماونتن :eh_s(3):​

تم النقل بواسطه أوراد علي ​

 

[سبائك]

جون مون و بنوته مشكورييييييين حبيباتي وما قصرتوا

أوراد حبيبتي والله يا حلوج عسوووووووله

ها ماجربتوه بنات؟؟

 

[أم خالد2003]

تسلم ايدج سبوجه على هالحلو
تصدقين أبي أسويه وأسمه مايحتاج حلو سبوجه