طحت على زوجي رايح شقة

[غزاله شارده]

رد : طحت على زوجي رايح شقة

امبيههههههه الموضوع يخرع
بس صراحته تدل على انه على نياته ولبه الطيب
حاولي تخوفيه بكلام الله العظيم عشان يشتغل ضميره
وما يفكر يروح مره تانيه
شكله طيب وتقدري تتحكمي فيه

 

[^^المهره^^]

مدامه اعترفلج حطيه على راسج من فوق
وكسبيه بدال ماتسوين مثل مايقولوج البنات حاربيه و حقريه ومادري شنو
اوكي زعلي عليه شوي ومدي البوز ولا ياراضاج قوليله اوعدني ماتعيدها و حلفيه و عطيه شوية كلام
وبس
ترى تصرف ريلج صحيح غلط
لكن كونه يا واعترفلج هذا اكبر دليل على انه نظيف ويحبج
ولو انه عاجبه الشي وناوي يعيده ترى ما ايي يقولج عشان يفتح عينج هاا
كبري عقلج حبيبتي

 

[DooLy88]

السلام عليكم

قالي إنه راح مع ربعه شقة وأنا صريح ماخش شي عنج بس والله ماسويت شي بس تطمشت وطلعت ماقعدت والله وشفت بنات ووووايد بس والله ياعمري أنج أحلى وارقى منهم كلهم ورديتلج ؟؟؟؟؟؟؟؟؟؟
​

خير؟ يعني صدقـــــــــــــــــــ:080402ask_prv:ـــــــــــــــــــــني يعني مسوي روحه انه جافهم موحلوات وعلى طول رجع لج - بس ليش متأخر - الظاهر قعد يتأمل بوحدة وحدة
زين هاذي صدقناها (طوفناها)

لكن لو كانو احلى وارقى منج شنو بيسوي ؟ بيكملها وبيزني اكيد
وشنو الضمان اصلا انه مازنا دامه خان ربه وزوجته وراح للقذارة

يعني هذيل اللي مايستحون على ويوههم كل ما خانو وسوو سواد الويه قالو انتي العزيزة والاحلى والغالية ومالي الا انتي ؟؟؟؟؟ اكيد ارقى منهم ومستواها اعلى
اهو اللي مستواه تحت
وبالله شنو هالطماشة؟ وشنو راح تستفيد من هالروحة ؟؟؟؟؟؟؟؟؟؟؟ :yaaaaaarb: عسى ربي يفضحهم
وطبعا سكتي عنه وارضي ولا جنه صاير شي اي مو انتو كلكم جذي تطيحون على رياييلكم وتسكتون عنهم وتطوفون
لكن انتو غلطو غلطة كبر النملة - يقومون القيامة على راسكم

سكتي عنه علشان يتمادى اكثر واكثر بعد

باطين جبدي اللي يقوولون اشوا انه اعترف لج - يعني المرة اذا غلطت واعترفت حق زوجها كفو عليها وتنحط عالراس
اسمها خياااااااااااااااااااااااااانة

ولاتقولون كشخي له وتسنعي وسامحي وطوفي
بسكم عاد ليمتى ؟؟؟؟؟؟ وعسى ما هالرياييل غلطو حطيتو الغلط عالمرة وقلتو اهي مقصرة لانها ماتتعدل

كاهو يقول انها احلى منهم - دامها لي هالدرجة احلى وارقى ليش راح ؟؟؟؟؟؟؟؟؟؟؟؟؟ الظاهر بعد بيروح يدور يدور ليما يلقى الاحلى والارقى والاكمل والاجمل والامثل ليما يسوي اللي براسه واهي ساكتة وبعدين عاد محد ينفعها

 

[ikarusia 3asola]

قعدي وتفاهمي معاه بهدوء وخليج هاديه بدون صراخ قوليله فهمني انا مقصره معاك بشي عشان اذا مقصره اوفرلك الي تبيه وما خليك تحتاج لغيري وقوليله انا منصدمه من الي سويته لو انك تعزني وتحبني جان مافكرت حته ولو تفكير بس انك تروح ويقصون عليك مافكرت انه ربك مراقبك وعندك مره ولو كنت مكانك شراح تسوي بترضى ؟! صدقني لو مره غيري جان ماسكتت ثانيه !! بس انا مابيك تكون جذي ونتفارق بسبت هالاشياء لانها ماتستاهل والله انها تفرق المره عن ريلها بسبت حاجه وبتشبعها مع غيري <<< وسامحيني طولت عليج

 

[شقرديـه عالطل]

استغفرالله
صج وقاحه هالرياييل

 

[Tutti-Frutti]

رد : طحت على زوجي رايح شقة



حبوبه في شعره بين الصراحه والوقاحه
وريلج مع احترامي الشديد اللي قاله يعتبر وقاحه
حتى لو صج رايح شقه ومو مسوي شي
خل يستر على نفسه !!
مو شي حلو اللي سواه

الله يهديه يارب ويبعده عن اصحاب السووء
ويفرج عنج

 

[*peace*]

الله يهديه

قويه والله

 

[غلا ستايل]

وقح للاسف سوري
اذا اهو جذي قطها بويهج هذا معناتها ان شخصيتج ضعيفه وم عندج كلمة عليه هدديه
وخليج قويه قوليله اذا ما حطيت حد لهسوالف انا احط حد

 

[احلى ـآ وحده]

الله يعين استغفر الله

 

[om Firas]

الله يهديه

 

[Ba$ko0oTa]

الصراحه ريلج مو صج الله يكون بعونج
يعني يقولك انا بالشقه شالوقاحه
يعني باجر يييلج يقولج أنا نمت مع وحده بس ما عجبتني
انتي أحلى حطي حد حبيبتي ولا تسكتين

 

[%متفائله%]

عسى الله يهديه ويصبرج يالغلا

 

[بنت عطا]

هذول اهم كل بلوه يقطونها بروس ربعهم اي شي وصخ ربعي مالي شغل والله وابصم زوجج جذاب ولو انه صاج مانزل روحه وراح للاماكن هذي

 

[شــغــب]

وعآدي عنده ..؟

مفتخر بهالشيَ .؟

وإنتي عادي عندج

قسم بالله قليل آدب

عالاقل يحترمج شـوووي

إذا انا ومالي علاقه احتريت .. اجل انتي كيف

 

[بنت عطا]

انزين اهو ماقرب لهم من كل عقاج هالبنات ماقطوا روحهم عليه وللاسف زوجج مايحترمج والله.

انا طحت على زوجي يطالع فيديو نوريات يرقصون قومت الدنيا وماقعدتها خير ان شاءالله

 

[أمواج البحر]

هذي وقاحه مو صراحه

ويرفعون ضغطي اللي يقولون تدلعي عليه!!!

يا سلام الريال رايح شقه وشاف الاكو والماكو اكافئه باني اتدلع عليه

يبا لازم يوقف عند حده

هذا جنه يقول ترى رحت شقه وكاني قلت سواء عاجبج ولا مو عاجبج

والريال حتى لو كان غلطان على الاقل لازم يعطي مرته قدر ومكان

مو يقولها رحت شقه وشفت بنات وحلوين ومادري شنو

وادعي الله الله يهديه ويبعده عن هالطريج

 

[صمت المرافئ]

رد : طحت على زوجي رايح شقة

ان مديت بوز انتي خسرانه
وان تهاوشتي وزعلتي هم بتصيرين غلطانه
يتعلم ما يقولج شيء
آنا ما اقول اللي سواه عادي ابدا شيء يحر ويقهر
حبيبتي حاولي انج تقوين الوازع الديني عنده وتحيين الجانب الايماني في نفسه
عسى الله يهديه لج ويزينج في عينه ويبعد عنه عيال الحرام اللي يزينون بعينه الخراب

وما اقول الا عش رجبا .. تر عجبا ​

 

[الحنونهـ]

حبيبتي نصيحه مني لاتسمعين كلام البنات ال قاعدين يتطمشون ويقطون كلام ماله داعي ..
والله انا احتار لما ادري ان مراهقه ماتعدت ال13 سنه ترد على مواضيع حساسه..
وانا اشوف اغلب ال ردو مراهقة ..
المهم
..
دام زوجك صارحك وقال لك هالشئ زين على زين لو هو مخبي هالشئ عليش وطاح الفاس براس شنو بتسوين..
مادري ليه البنات قاعدين يقولون زوجك وقح وجري وصريح حيل وياليت لو ساكت احسن <<<<<<< شئ يحير لو هو مخبي عليش بترضين بالعكس بتموتين قهر..
انا راي تقولين له هالكلام :: دام انت رحت وشفت وتطمشت وشبعت شوف خلاص لا تكررها لاني لو دريت انك كررتها راح تخسرني وتخسر بيتك وعيالك علشان ناس تافه ويكون بعلمك ال يلعب بنات الناس حتى لو هم رخاص يلعب بعرضه.. وانا ماراح اسامحك لو صار شئ في عيالك بسبت طيشك ومراهقتك وخبالك والله ماراح اسامحك اخاف ربي يعاقبك في عيالي..
ومن هالكلام ال يخوف.
وطبعا لو كررها مالش ال الصبر والدعاء..
والله يهدينا ويهديه ويسخر لك..
اعذريني حبوبه على كلامي شوي ملخبط بس والله انقهرت من بعض الردود ال مايقوله ال وحده يا جاهل او خفيفة عقل..

 

[ميمو نونو]

رد : طحت على زوجي رايح شقة

ااااااااااااااااااااااااااااااااااااااااااااااااااااه منهم الرجالة فعلاً " يامأمنه للرجال " دايماً الخيانة في دمهم
حسبي الله على اللي ببالي​

 

[مس كوكا]

والله بصراحه ما يستحي ولا ليش ما قلتيله هم انا صريحه طلقني او قولي
هم انا صريحا امس كنت بشقه بس تصدق منو فيها مطاوعه وخل يحتر ......................