* طرائف من أيام الغزو * :d

[ازمه وتعدي]

الله يديم عز الكويت ويطول بعمر ال الصباح

عاشت الكويت حرة

 

[ديـمه]

من المواقف بعد طبعا انا سعوديه وكل الخليج عايش الغزو

عاد كنا بزارين بوقته باول ابتدائي >>فضحت عمرها

المهم

جابو لنا الكمام تعرفونه الي لين ينلبس يسوي الواحد كانه قرد

وبيييييييه كله متشوقين يعني ان يبخون الكيماوي عشان نلبس هالكمام على بو كشخه لان كان في كميه محدوده مو كل الناس عندهم اظن

حاجه زي كذا

وكل انتظر الصواريخ تطق واسهر ومن انام تطق الصواريخ وانا خبر خير وطول ماني قاعده ماشي وابوي يعني متحمس يعني يبيني اعايش الموقف حق الصواريخ يقولي طافج

عاد يعني احنا بالخبر كنا ماداومنا بس بنت خالتي كانت بمنطقه قريبه من الكويت ويداومون بالمدرسه بييييه ومره صارت صكه الصبح وقعدو بالمدرسه الين المغرب لين هدا القصف

والله ماكنا ندري عن شي عبالنا الدعوى وساعة صدر وببطنا بطيخه صيفي حتى ابوي عاد هو سعووووووووووودي حيل وكله يهايط بالسعوديه عاد يقول مادام ال سعود بالسالفه عمااااااااااااااار

يالبى ابوي بس وحشني >دخلت عرض وقالت قصة حياتها

 

[MyLittleBerry]

رد : * طرائف من أيام الغزو * :d

عيل انا صج السالفه اللي كل مره اتذكرها اموت من الضحك

صجج كنا يهاااال

اذكر امي وعمتي عند الدريشه يقولون ويييييي هليكوبتر عراقي هني كان اعتقد اول يوم غزووو

وانا واختي استانسنا هييييييي الله وناسه وقمنا نطامر

وامي ( اماراتيه ) اصرت ان نطلع من الكويت المهم طلعت الجنطه واحنا مستانسين جنه العيد !!!

والكل كان في بيتنا لان كان بيت يدي

والحريم يقولولنا يالله يهالو روحو لبسو بجايمكم صدام بيدش علينا !!!

واحنا حفله مسوين من الوناسه رحنا لبسنا كلنا وقعدنا عجال بالصاله

صجج يهال ماندري عن السالفه

بس ماحسينا فيها الا لما طلعنا وايد عانينا


واذكر يدي الله يطول بعمره واحنا طالعين بالسياره كان في مطارة ماي عنده فمن العطش شفايفنا تيبست

قلناله نبي ماي يدي

صب لنا ماي بغطى المطاره تدرون شنو الغطى صغير جنج تشربين ماي بقفشه !!! يحليله كل هذا خايف يخلص علينا الماي

 

[نهايتنا قبر و موت]

خخخخخخخخخخخخخخ

سالفة الامام سالفة .~

 

[zqertya]

الله يحفظ ديرتنا الصراحه ماعندي مواقف تضحك بس بقولكم سالفة امي
تقول امي على ايام الغزو كانوا العراقيين ياكلون الكريم على بالهم قيمر وتقول كان في عراقي معجب بامي كان يحرسهم مايرضى عليهم وتقول كل يوم يبوق شي واييبه لها هديه عمه بعينه ولا يغيب فتره راح مارد ولا تقول لما بروح سعوديه ولا تشوفه ميت ومنقص نصين احسن

واختي اذكر كانت صغيره حيل بو سنه ولا سنتين لما كنا بنطلع من حدود ولا عراقي ياخذها يلعبها ويبوسها وللحين نعاااااااااااااريها بسالفة البوسه

 

[دايم على البال]

الله لا يعيدها من ايام

بس سالفة الامام مو صج هههههههههه

فطستني ضحك

 

[ماما نونا]

صج كنا يهال ماندري شالسالفه نراكض بكل مكان ويوم يينا بنطلع هيييييييييييييييه بنسافر لوووووووووووووووول

 

[ديانا سبنسر]

الله لايعيدها من ايام

 

[~*~الملكة~*~]

لوووووووووول احلى شي سالفة الامام

كنت صغيره ماذكر شي

 

[Tutti-Frutti]

رد : * طرائف من أيام الغزو * :d

اشووف الموضوع انقلب موااقف
مشكورين على تفاعلكم
ما هقييت عندكم مواقف تضحك من الغزو

هل من مزيييييييييد

رياح الشيشان : يستاهلون ينفلعون بصخور مو بس بطول ماي وبيبسي :eh_s(13):

الملكة فكتوريا : الحمدلله انه الطلقه ياته بجتفه مو بقلبه
الله يخليه لكم

kuwaitbutterfly : صج براءه اطفال

zqertya : اشوه الله فك امج منه
واختج خخخخ

 

[Tutti-Frutti]

رد : * طرائف من أيام الغزو * :d

وانا افرفر بالمواقع
لقيت بالصدفه جم موقف ذاكرينه من ايام الغزو

1)
ضابط عراقي اجبر سائق تنكر مجاري على ملء تنكر بمياه للشرب لتوزيعها على الجنود العراقيين بالجهراء , فاوضح صاحب التنكر للضابط بان التنكر مخصص للمجاري , لكن الضابط اصر على طلبه فكانت النتيجه تسمم خمسين جنديا !!!

2)
جندي عراقي داخل الجمعيه يبحث عن صابون لتنظيف جسمه فسال احد الموظفين : عيني وين يبيعون الصابون ؟
اجاب الموظف : اي نوع تبي ؟ صابون طبي او عادي او للبشره الدهنيه او للبشره الجافه او للحساسيه ؟
فجن جنون الجندي وقال : يابا ما اريد شي , ان شاء الله عمري ما تنظفت

:krkrkr:

 

[ألايانفس......]

خخخخخخخخخخخخخخخخخ
سالفة الامام عجيبة
ولا كلش ولا سالفة اللي تصارخ على الحدود وبالاخير ولدت >>>>>>> هذا من الصرااااااااخ

 

[حجيه هيونه]

يحليله الامام هد الصلاة وقام يضحك خوش موقف
امممممممممم

الله لا يعيدها من ايام

اي تذكرت موقف بس اخاف اقوله يجكوني الي يعرفونا لووووووول


هالموقف صار مع ناس من جماعتنا واهم طالعين من الكويت رايحين صوب الاردن ايام سكروا الحدود مع السعوديه

المهم

اهم كانو عوايل كذا عائله وطبعا معاهم يهال

نزلوا ياكلون ويريحون شوي

مرت هيلوكبتر قريبه

الا واحد من اليهال حاذفهم بقشر رقي لووووووووووووول

طبعا ماظن حاشهم بس الطياره قربت فوقهم وقامت تحوم

فقام واحد من الكبار يأشر لهم انه ماكو شي وهذيل يهال ومادري شنو وراحو

بس بلعوا العافيه طبعا كان بامكانهم يرشونهم برشاش ومحد درا عنهم

وطبعا من يومها الي حذف القشر مانعينه ياكل رقي لووووووووووووووووووووووووووووووووووول

 

[ماما نونا]

ههههههههههههههههههههههههه اهم شي اللي احرموه من الرقي

 

[Tutti-Frutti]

رد : * طرائف من أيام الغزو * :d

لووووووووووووووول مسكين بعد السالفه صارلها 20 سنه ليلحين ما ياكل رقي

 

[marimor]

انا ماكنت مولوده بالغزو بس اهلي يسولفونلي عنه
ابوي يقول العراقيين حميير حدهم
ياخذون الكريم ويذوقونه حسبالهم قيمر كاااك
وامي وبنت عمها كانوا يتمشون بالفريج وفي عراقي يوزع جريده النداء عطه امي وخذتها جان تروح بنت عمها وتخمط الجريده من ايدها وتحذها بويه الجندي وتقوله مانبي ماالت علييك لووووووول بس اشوا طلع طيب وماسوالها شي

 

[دلوعة روحي]

الله لا يعودها من ايام

و الله ال 7 اشهر كنا فيها بالكويت

حاولت اعصر مخي بموقف يضحك ما لقيت

كل المواقف كانت تخرع و تنشف الدم

احلى شي بالموضوع ان كل خالاتي و احنا تجمعنا ببيت يدتي كل عايلة بغرفة

يعني صارت لمة و جمعة حلوة

و ارد اقول الله لا يعودها من ايام

 

[ضايعة بدنيتي]

رد : * طرائف من أيام الغزو * :d

^

^

اميييييييييييين يارب العالمين .. ربي يجعلها ديرة خير وامن وامان ويحفظها من كل شر .. وحسبنا الله ونعم الوكيل في كان السبب!

 

[Tutti-Frutti]

رد : * طرائف من أيام الغزو * :d

marimor : امبييييي من صجها خالتج حدها جريئه
زين ما سوا شي لو غيييييره اقل شي يذبحها .. خو الذبح عندهم مثل الماي

شكرا عـ المرور خواتي

 

[f@rsaq8]

الله يحفظ لكويت من كل شر