طرارة غير شكل بصراحة في احد صادفة مثل هالمواقف و الا بس انا

[وهج الحب]

انا مرة في أول يوم عيد الأضحى يت وحدة لي البيت وقالت لي انا ساكنة يمكم أجار
وقصت لي قصة حياتها وقالت لي انا مو طرارة وعلشان اصدقها طلعت لي بطاقتها المدنية وبطاقة زوجها علشان اتطمن لها
عطيتها 10 دنانير ولا أدري قلت يالله صدقة بالعيد
وانما الأعمال بالنيات

السلام:
قسم بالله نفس سالفة صديقتي شيخة مسكينة تعطيها 3000 ريال قطري وتقولها اذا احتجتي تعالي لي ولا تسومين وجهك لاحد ونفس سالفة البطاقة والجواز وكل شهر تعطيها نفس المبلغ لمدة 3 شهور الى ان جا يوم وقالت بطرش لها مونه وطرشت السائق الا راجع لها يقول ما فيه احد محتاج هناك الا راحت الشيخة للبيت اللي وصفته لها الا لقت ناس غير وجنسية غير مسكينة انصدمت ويوم جاتها المراة اطردتها ..مسكينة تقول كنت سعيدة اني اسوي خير وافك ازمة الا اطلعت كذب ..

 

[دانه_83]

صارتى نف السالفه كنت رايح جمعيه العديليه اسحب افلوس من البنك المهم خلصت وتونى داش السياره ولا وحد اصق عليه الجامه تقولى الله يخليج انه محتاج دخلت الجمعيه ونقصنى افلوس ابى اشترى حليب حق البيبى وانه صدقتها اكسرت خاطرى قمت بطلت البوك واعطيها 5 دنانير جان اطالعنى تخيلوه وقاح طرار واتشرط بعد بس هذا متوقع اعطيها اكثر لانى تونى طالع من البنك واقفه عند البنك عشان تدرى الى يطلع توساحب افلون يعطيها همج استغفر الله منهم

 

[@البتووول@]

يابنات تبون تعلقون على اللي يطرون كيفكم بس لاتقولون عطيتها وجم المبلغ بجذي تضيع حسناتج إحتسبي الأجر عند رب العالمين وربي أعلم بنواياهم..

وأما السائل فلا تنهر >>>> لاتعلقين على اللي تطلبج وتقولين لها لبسج وعباتج حتى لو حسيتي إنها جذابه قولي بس الله يرزقج أو الله يعطيج لاتضيعون أجركم

 

[دلوعه وكلي حلا]

رد : طرارة غير شكل بصراحة في احد صادفة مثل هالمواقف و الا بس انا

السلام عليكم ورحمة الله وبركاته .,

اختي الحبيبه والى كل من ذكر اسم اي دوله

لييش تذكرون اسم الدوله لو وحده من بنات السعوديه شافته مو بتضايق

او تبتحش بالكويت .,

لو إنتي دخلتي منتدى سعودي وشفتي وحده منزله موضوع وكاتبه نفس الي إنتي كاتبته

بسس كاتبه الكويت شنو ردة فعلج ..؟

مو تضايقين ..؟

ترا والله انا كتبت جذيه علشان مصلحتج ومصلحت الي يذكرون اسماء اي دوله

ومشكوووره ع الموضوع الرووعه الصراحه وآسفه اذا زعلتج او الكلام يضايقج

وتقبلي مرووري :eh_s(7):​

 

[أم عبداللطيف]

اي والله وانتي الصاجه اللحين زااااادووووو بشكل مو طبيعي

شرايج ياما ماتصيريلي وابوي يقول حتى بالمساجد سمعي السالفه الاولى احنا بتنا في السرة عااد توني بركب مع السايق ولا وحدة معاها سيارتهااا ولا زينه وشفر وعدله مو سياره من سنه يدي ولا توقفني قلت مسكينه تبيني ادليها مكااان ولا على عنوان وبيت ولا تقولي انه اهي كويتيه ومتزوجه بدووون وعيالهااا بدوون ومن هالمجرة وقلت لها الله يعطيييييج

والسالفه الثانية بجمعيه كيفااان مرة وسنع ولبس عبايه سنعه ولا بصدفه قبل لاتكلمني رن تلفونهااا عشتواااا انا حقرتهااا اول ولا تسدة على طول وتكلمني وتسلم علي وعلى اختي باليد انا اخترعت قلت شتبي ولا تقول انا زوجي كويتي اشتغل وطلع من شغله بسبب مرضه وعندي بنااات ومصاريف عاااد شوفي شلون قلت لهاااا عطيتهاا المقسوم وقلت لهااا خالتي بيت الزكااااة مايقصر روحي لهم واهم احسن مني ومن كل شخص عااد تبلعمت وقالت مشكورة مشكورة وراااحت وصدت

والله يابنااات نصيحه من وجه الله لاتعطييين هالاشكاللل عشاان لا يتمااادون عطيني احد اللجان اللي تعرف ويين تصرفهم عدل ونااس محتاااجه وماتطلب من احد ولا كويتين ومسلميييين ومنج وفييج احسن وافضل من هالاشكالل اللي احنااا خلينهاااا يتمااادوم بهالشكل لانه محد قاام يصدهم

عااد وحدة تشتغل في بيت الزكااااة تقول والله يابنااااات تحلف تقول لوما اللحين التطور اللي صار وانشبكت الكمبيوتر كله مع المراكز كلهاااااا تقول ياما ناس تاخذ من هذا المركز وتروح منطقه ثانيه وتاخذ وتروح مركز ثاني وتاخذ من هالمجرة تقول احناا انصدمناااا من هالاشكال

من جذي اي احد يقول لكم لكم قولواااا بيت الزكاااة مايقصر

واسفه على الاطاله

 

[تنايفـ]

حبيبة الكل اسم على مسمة وايد طيوبة الي ودي اعرفة صج صج وين وزارة الداخلية عنهم! وين الشرطة والمخافر ليش ماكو كنترول عليهم !! من سنة يدي واهما على هالحركات بكل الجمعيات شدعوه مايدرون عنهم
شكلي كلما اصادف تجمع من هالاشكال بدق عالشرطة
​

 

[^حبيبة الكل^]

الحمدلله على النعمة و العافية
ويا قلبي الي تقول ليش ذاكرة اسم الدولة
و الله مو نيتنا الدولة بعينها احنا نقصد انها عصابة
و نقطت علينا ابدا احنا مانقصد دولة السعودية انا سردت القصة بشوف في احد صارله نفس السالفة لان هالسالفة
كثرت بالديرة وبنفس السيناريو

 

[النملة نواري]

انا ملاحظة انهم حيل كثروا بهالوقت
خصوصا بالمباركية كل ما اروح ابي استانس لازم يلحقوني عشر

 

[الغدق]

حبيبتي هذول يستغفلونا
ويدرون أنا مقصه وانصدق والله أمي اتحلف
اتقول كانت لابسه وطبعا اتألفلج قصة اتقول اكسرت خاطري
وعطتها والا واهي طالعة اتقول اهي نفسها اللي عطيتها قطت
النقاب والعباية وركبت السيارة
انا ماشفت اللي من السعودية
كلهم فلسطن وسوريين
وأكبر جذاااااااااااااابييييين
واذا كاسرين خاطركم قولولهم في جمعيات خيرية
إذا عندهم أحد بيموت والا مريض مو اتطرون بالشارع
وهالظاهرة من زمان أنا لو شنو يسوون
واحس اللي صج يكسرون الخاطر والله عمال النظافة والفراشات
اللي بالمساجد واللي بالمستشفيات وبكل مكان
هذيل اللي صج احس أجرهم أكبر
لأن مساكين شوفي جم معاشهم وحالتهم كسيفة بس مااستغلوا الناس
وشوفوا فرحتهم لما تعطينهم لو ربع دينااااااااااار

 

[هاكونا ماتاتا]

أنا صارت لي بأحد المستشفيات
وأنا طالعه ولا تمسكني وحده و تبجي و تقول هي بدون و أن أمها مريضه الله يكافينا الشر بالسرطان و محتاجين فلوس علشان يسوون لها تحاليل

أنا حسبالي تبي شي بسيط قلت لها جم تبين

قالت لي إلي تعطيني

و من الفلوس الزايده طلعت لها 20 جان تقولي تكفين لو تزيدينها وتصير 60

هني بطت جبدي قلت لها حبيبتي ترا أنا عطاليه بطاليه و فقرانه و هذي الفلوس من مصروفي و لا عندي غيره

جان تدعيلي و بغت تحب راسي

بس و الله أنا عطيتها لوجه الله قلت إن جانها صاجه الله يفرج همهم و إن جانها جذابه حسبي الله و نعم الوكيل

 

[^حبيبة الكل^]

رب يارب يعطي كل انسان على قد نيته
بس صح احنا لازم نوقف وقفة بويهم
مو اي واحد يتبجبج نعطيه وي ويكسر خاطرنا
و الله مادري اي عضوة قالت ان الفراشات بالمستشفيات وعمال النظافة احق من
هالفئة بالفلوس ولو بالشي البسيط

 

[واحشنى موت]

رد : طرارة غير شكل بصراحة في احد صادفة مثل هالمواقف و الا بس انا

ياكثر هالاشكال اللى طايحين بهالشغله ويجمعون منااا هالفلوس واحنا قلوبنا طيبه ونعطيهم ...... على قولة البنغالى عادى كويتى
فلوووس واجد ... انا صارلى فتره ما اعطى اللى يفرفرون بالاسواق وغيرها واذا بغيت اتصدق اعرف وين اودى صدقتى

 

[ام ملاك2]

سلام ..
حبيبتي اولا مشكورة ع الموضوع بس كنت بقولج شغله شوفي ماكو انسان بهالدنيا يرضى ينهان او ينذل صدقيني والله العظيم كل انسان عزيز نفسه ..فيعني لا تتوقعين انها يوم سألتج وطلبت منج الفلوس نفسها ما انكسرت ولا تتوقعين انها يوم طلبت منج كانت مو محتاجه انا اقطع لج الشك باليقين انها محتاجه يمكن اهي مو فقيره يمكن عندها الله انعم عليها بس نقصها الخير واحتاجت وطرت ويمكن حاجتها مو ضروريه ولا مهمه بس صدقيني انها ماوقفت وطرت الا وراها حاجه ترا ما في شي يكسر بني ادم اكثر من حاجه يطلبها من انسان ثاني

ع العموم هالمحتاجه لو انها طالبه من الله جان ما رداها وجان ما لقت احد يتكلم من وراها ويتشمت او لو انها مشتغله ومحصله لها جم دينار جان ابرك لها بس مو كل واحد فينا قوي الايمان وواعي وفاهم فعشان جي اقولج انتي اللي عليج انج تعطين بدون لا تقيمين اذا هالمحتاجه فعلا محتاجه او لا لان محد فينا يعلم الغيب ولا ندري عن احوالها وظروفها الله اعلم بحالها فانتي مدي ايدج بالكرم ولا تنطرين كلمة شكر او لا تنطرين من الفقيرة انها فعلا تكون فقيرة انتي سويتي هالعمل لوجه الله مو لوجه هالفقيره فكوني على يقين انج خذيتي ثوابج سواء كانت هاذي الفقيره محتاجه او لا

شوفي احنا ولله الحمد قاعدين في بيوت وتحت سقف شايلنا ونعمه ومع هذا دايما نسال ونطلب من الله يرزقنا ويزيد في رزقنا.. الفرق بينا وبين المحتاجه اللي صادفتيها انها سالت الزيادة بالرزق من بني ادم اما احنا سالنا الزيادة بالرزق من رب العالمين فالمساله مو مساله اذا اهي فعلا محتاجه او لا لان كلنا محتاجين بس المسالة بقوة ايمانها لان احنا لو بنحكم ونقيم ونقول هاذي محتاجه وهاذي جذابه فالاولى ان احنا نحكم على روحنا يوم نسال الله الزيادة بالرزق ونشوف اذا احنا فعلا محتاجين او لا فهمتي قصدي ؟ كل اللي بوصله ان مو لازم نحكم على حاجه الشخص الواجب علينا ان احنا نعطي بدون لا نحاسب الشخص ولا نمن عليه مثل ما ربج كريم ويعطي ويرزق من غير حساب

وبعدين في حديث يقول اعط السائل ولو جاءك على فرس

اما انها تتشرط ما تتشرط انتي بعد مالج شغل عطيها اللي تقدرين عليه وكان الله غفورا رحيما واي شي ثاني اهي بتتحاسب عليه

حبيبتى بصراحة مشاء الله عليج كلامج عين العقل يدل انج انسانة وايد طيبة الله يرزقج بكل الى تمنينة ولا يكسر خاطرج ياقلبى

 

[^حبيبة الكل^]

رب يكافينا شرهم يارب
وشاكرة مروركم بنات كويتيات

 

[هاجر الكويت]

يابنات بجمعية الصباحية وبجمعية الرقه بنتين بعمرنا بالعشرينات منقبات ومايطرون إلا من الرياييل بس لان الحريم مايعطون وعارفينهم والله شفتهم اشوي وتقعد يمه بالسياره. هذيلا مو سعوديات والسعوديات عندهم اهل يمنعونهم من جذي هذيلا سوريات ويتحجون كويتي بعد متعودين
على هالسالفه.

 

[^حبيبة الكل^]

يابنات بجمعية الصباحية وبجمعية الرقه بنتين بعمرنا بالعشرينات منقبات ومايطرون إلا من الرياييل بس لان الحريم مايعطون وعارفينهم والله شفتهم اشوي وتقعد يمه بالسياره. هذيلا مو سعوديات والسعوديات عندهم اهل يمنعونهم من جذي هذيلا سوريات ويتحجون كويتي بعد متعودين
على هالسالفه.

صح كلامج انا شفتها بجمعية الرقة منقبة ولابسة دسوس بيضة وتلحق الرياييل لي السيارة و الله
بس مادري شنو جنسيتهم

 

[aba.alkhaileya]

وااااااااااي منهم انا بعد من قبل فتره رحت ازور وحده في المستشفى وانا توني نازله من السياره ولاتيي وحده منقبه تقوولي ابي فلوس التكسي قمت وعطيتها يمكن 3 دنانير المهم ماعجبهاااا قلتلهاا اذا ماتبينهم في غيرج محتاجهم جان امشي عنهاااا والله احس ان احنا مقصه وربي بسرعه يمشي علينا الفلم

 

[viva la glam]

هالاشكال لا تعطونهم ويه ولا تسمعون سالفتهم

 

[7oorq8]

السلام عليكم

والله مرت علي مثل هالحالة بواحد من مستشفيات الديرة، وواضح انها تخدعج بس حبيبتي اهي ما مدت ايدها الا محتاجة،،

الله يكافينا شر الحاجة، انتي بتعطينها احتسبي الاجر والله يحاسبها على كذبها، ما ودج تعطينها اصرفيها بأدب ((وأما السائل فلا تنهر))

واحمدي ربج على النعمة اللي انتي فيها،،

وممكن تنصحينها قوليلها أنا بعطيج لانج محتاجة بس لو سمحتي مالا داعي تجذبين وتاخذين اثم،،

وموفقة حبيبتي

 

[q8rose]

انا صار معاي هم نفس الموقف هم يايين من السعودية وابوهم مريض ويبون تحاليل ومادري شنو نفس الحبكة يعني كان عند ليلى قاليري