طرق كسب الصديقة

[مملكة الكاكاو]

السلام عليكم و على من اتبع الهدى :68_asmilies-com:

تحياتي الى أحلى منتدى على الاطلاق.. الصراحة فيكم الخير يا بنات "كويتيات" أستانس اذا تفاعلتوا معاي بالموضوع و شفت ردودكم الحلوة.. فخلونا نبدي الموضوع عشان نقرا النقاشات تالي مع باجي البنات والكل يستفيد..

موضوعي اليوم عن "طرق كسب الصديقة"..

يعني اذا كان عندج وحدة من صديقاتج شلون "تحافظين عليها" أهم شي وان ما تخترب صداقتكم أو تتفكك..

من ناحيتي راح أذكر لكم بعض النقاط (من وجهة نظري) وياليت الباجي يفيدونا..

1- أعتقد ان لازم تكونين على اتصال دائم معاها وتسئلين عنها حتى لو كانت هي مقصرة من هذه الناحية.

نطروني راح أكمل.. نطرووووووني

 

[راح حبيبي]

شوفي انا صار عندي مشكله بتكوين الصداقه قبل كان وايد عندي بنات بس الحين لا مو نفس قبل وما عدت اعرف شلون كون صداقه

 

[صب القفشه]

الموضووع وااايد حلو

بس ليش ما فيه تفااعل

ناااطره التكمله

 

[أبشري]

من وجهة نظري اكييد لازم تهتميين فيها بمعنا تشاركينها بفرحها وحزنها تقدميلها النصييحه اذا غلطت وطبعا اذا كنتي تعزيينها تقوليلها انج تحبينها وتعزييينها
ويسلموو على الموضووع

 

[@ NIGHT_STARS @]

عليكم السلام والرحمة


موضوعج حلو ويستحق نرفعه


من رايي ان في اشياء وايد تكسب الصديقة


اولها الصراحة معاها بس بدون تجريح ولا تحسسينها انها غريبة عنج خاصة الصديقة القريبة حيل من القلب


حسسيها باهتمامج لها وفعلا مثل ما ذكرتي السؤال عنها اهم شي يبين انج صج مهتمة لها


وطبعا لازم يكون هالشي متبادل من الطرفين


و تحسين فيها وتشاركينها افراحها وهمومها اذا حبت هي تفضفض عطيها مجال وسمعيها بكل شي


وهي لازم تبادل نفس الاحساس معاج


لان مروا علي ناس بس يحبون احنا نسمع بس ما يبون يسمعون لنا وانا هالشي ما اعتبره صداقة


ويعني اذا ما قدرتي تشوفينها تواصلينها مسجات لان الحين المسج صار اقرب شي للتواصل بين الناس


واذا صار موقف وزعلتوا لازم الوحدة تحس بالثانية وبالنسبة لي الي تحس بغلطها ومن نفسها تبدا بالكلام تكبر بعيني


وعلى حسب الغلطة اسامحها او لا وممكن ترد العلاقة بس مو مثل قبل اذا كان الموقف كبير وجارح


وبعد يعني لا تنسينها بالعزايم وما تعزمينها او ما تقولين لها انج تزوجتي مثلا يعني في بنات وايد جذي يخافون من العين اذا تزوجت


خلاص لا تعرفج ولا شي وهالخصلة انا ما احبها


يعني انا اقول من وجهة نظري الاشياء الي تخلي الصديقة تكبر بعين صديقتها وعشان تقوى علاقتهم اكثر


واذا تذكرت شي بعد راح ارجع لموضوعج



ويعطيج العافية حبيبتي

 

[مملكة الكاكاو]

شكرا على تفاعلكم و اعجابكم بالموضوع.. حبيبتي "صب القفشة" تقولين ليش مافي تفاعل!! مو أول مرة يصير جذيه.. 39 وحدة شايفة الموضوع و 4 فقط الي معلقين.. لوووووووووول.. انشالله راح يتفاعلون بعدين
المهم.. لنفترض ان صار خلل في احدى النقاط الي ذكرتها، خلونا نقول حتى لو مني.. لكن ممكن يكون سبب الخلل أو النقص بسبب قصور من الطرف الآخر.. بمعنى ان لو ما كان في تواصل مستمر بين الطرفين وان "ينشلع قلبج وانتي تحاولين تواصلين صديقتج.. و ترتبين طلعات ولا قعدات.. أو تبينيين لها معزتها.. وتدزز مسجات.. وكلللل يوم تطري على بالج".. لكككن من ناحية ثانية، ما أقول ان الطرف الثاني مطنش 100% لكن ما يبذل مجهود مثلج..

فشنو تتصرفين بهذي الحالة؟؟؟ نقطة ثانية مهمة: "اذا زعلتي، وطنشتج و عطتج بو لبااااس ولا كأن شي صاير".. شنو تسوين في هذي الحالة؟؟ و حطي في بالج ان انتي تكونين راعية زعل واااايد.. يعني مو أول مرة تزعلين وتنطرين منها ردة فعل معينة.. فهذا ممكن يأثر على اجابتكم عشان نكون صادقين مع بعض

 

[الحــــياة]

شكرا على تفاعلكم و اعجابكم بالموضوع.. حبيبتي "صب القفشة" تقولين ليش مافي تفاعل!! مو أول مرة يصير جذيه.. 39 وحدة شايفة الموضوع و 4 فقط الي معلقين.. لوووووووووول.. انشالله راح يتفاعلون بعدين
المهم.. لنفترض ان صار خلل في احدى النقاط الي ذكرتها، خلونا نقول حتى لو مني.. لكن ممكن يكون سبب الخلل أو النقص بسبب قصور من الطرف الآخر.. بمعنى ان لو ما كان في تواصل مستمر بين الطرفين وان "ينشلع قلبج وانتي تحاولين تواصلين صديقتج.. و ترتبين طلعات ولا قعدات.. أو تبينيين لها معزتها.. وتدزز مسجات.. وكلللل يوم تطري على بالج".. لكككن من ناحية ثانية، ما أقول ان الطرف الثاني مطنش 100% لكن ما يبذل مجهود مثلج..

فشنو تتصرفين بهذي الحالة؟؟؟ نقطة ثانية مهمة: "اذا زعلتي، وطنشتج و عطتج بو لبااااس ولا كأن شي صاير".. شنو تسوين في هذي الحالة؟؟ و حطي في بالج ان انتي تكونين راعية زعل واااايد.. يعني مو أول مرة تزعلين وتنطرين منها ردة فعل معينة.. فهذا ممكن يأثر على اجابتكم عشان نكون صادقين مع بعض

((والله حبيبتي اذا مطنشتني اطنشها وراح تحس وترد عقبها والله انا جذي مره رفيجتي علي زعلت على سالفه ماتسوا دقيت ما ردت طرشت مسج اعتذر ما ردت قمت سحبت نفسي عنها لاني ماقصرت بعد شسوي اكثر من جذي ما اقدر بعد بعدها بيومين طرشت مسج وطاح الحطب جان من اولها ليش التغلي))
اما عن سؤالج الاتصال والمسجات كل شي يقرب الحين..وتبنين معزتها وغلاتها دايم وقدرها واشاركهها افراحها واحزانها..
يسلمووو على الموضوع الاكثر من رائع..​

 

[مملكة الكاكاو]

((والله حبيبتي اذا مطنشتني اطنشها وراح تحس وترد عقبها والله انا جذي مره رفيجتي علي زعلت على سالفه ماتسوا دقيت ما ردت طرشت مسج اعتذر ما ردت قمت سحبت نفسي عنها لاني ماقصرت بعد شسوي اكثر من جذي ما اقدر بعد بعدها بيومين طرشت مسج وطاح الحطب جان من اولها ليش التغلي))
اما عن سؤالج الاتصال والمسجات كل شي يقرب الحين..وتبنين معزتها وغلاتها دايم وقدرها واشاركهها افراحها واحزانها..
يسلمووو على الموضوع الاكثر من رائع..​

مشكووورة حبيبتي على المشاركة واعجابج بالموضوع.. طيب سؤال آخر اذا طنشتي و ردت عليج.. وطنشتي وياااات لج تسأل عنج من نفسها.. و مرة رابعة و عاشرة طنشتيهااا بعدين تتغير و يصير ما يهمها زعلج أو رضاج.. لأن عارفتج ان انتي بنفسج راح ترجعين.. هل يعتبر ان انتي الي غلطانة ل
أن وااااايد تتزيعلين!!!!!