طريقة عنايتي اليوميه ببنتي

[حرم راشد الماجد]

بسم الله الرحمن الرحيم



شلونكم يا امهات يا حلوين >>>>>>>>> مدرسه روضه


بحط لكم موضوع مهم ومفيد خصوصا للبنوتات

انا احب اهتم بنفسي واحب الخلطات والصابون ولما ياتني بنيه حبيت اعودها على طريقتي من صغر فما صدقت تكمل سنه ونص وبلشت معاها خلطاتي :eh_s(9):


اول شي انا بنتي شعرها اول ما يبتها خفييييييييييف بل معدوم فقصيت شعرها عقب طلع شعرها ناعم بس كيرلي <<<<<<< مادري شلون طلع جذي لا انا ولا اهلي ولا ريلي ولا اهله شعرهم كيرلي

المهم فقمت اهتم فيه عشان تدرون الشعر الكيرلي من غير عنايه يصير شكله مو حلو

وسويت هالخلطه واعتمدتها يوم بالاسبوع احط لها


- زيت جوز الهند
- زيت السمسم

ادهن شعرها واسويلها مساج كثر ما الله يهديها وتقعد اذا ملت وقامت تحوس افصخها وادهنها بزيت زيتون مع شوية مساج والبسها واحليها تلعب بو ساعه ساعتين

الحمام

- خلطتي الصابونيه ( اذا تبونها بنزلها لكم )
- شوية ملح خشن
- نص ليمونه مستعمله ( يعني شايلين عصيرها )
- شامبو هيمالايا
- بطل فيه ماي وقفشه عسل


اول شي افركها بالليمون وعقب بخلطه الصابون وافرك كثر ما اقدر وعقب اشطفه بالماي االدافي
وبعدين بفوطه احط شوية ملح وافركها مره ثانيه
وعقب اغسل شعرها واشطفه بماي العسل وعقب بماي خالي

اخر خطوه طبعا احط لها بيبي اويل فيه نقطه دهن عود


وطبعا قبل لا البسها احط لها بودر وادهنها بسيباميد بيبي لوشن


تصير تلقققققققق من النظافه طبعا انصحكم ما تحطون عطور قويه حق اليهال يعني البيبي اويل من شويه العود كافي وبالصيف لا تحطون عود يفضل المسك البيور


طبعا انا ما غسل شعرها كل يوم يوم وترك
والكريم ادهنها يوميا بالليل ببيبي اويل مع نقطة زيت لافندر والصبح اسبحها وبعد الحمام احط بيبي لوشن عادي

 

[om_3azoz]

يعطيج العافيه حبيبتي يالله انطر بنتي تكبر واسويلها خلطات

 

[washwoshh]

يعطيج العافيه والله يخليي بنيتج

 

[hneen2]

ماشالله عنايتج تهبل


انا عندي بنتين الله يحفظهم وحده ٧ سنوات والثانيه دلوعتي كتكوتي سنه ونص


الكبيره مثل ما سوي بشعري اسويلها خلطات روب وعسل او مايونيز او زيوت


وجسمها هم مثلي احطلي واحطلها زيت اللوز المر وعقب ساعه اسبحها وافركها وعقب انا ادخل اتسبح نلقلق خخخخخ



ودايا احطلها عقب السبوح دهن فازلين بزبده الكاكاو عجيب بنات ينعم الجلد وفتحه وريحته تينن


هذا بالنسبه لبنتي العوده


اما بنتي الصغير احطلها زيت السمسم نقطه قبل التمشط نقطه موو اكثر والله ينعم شعرها ويترفه ماشالله او بعض المرات ارش لها من ماي جنسون للشعر المتشابك الاخضر
وامشط


اما جسمها والله ماحطله زيوت وجذي بس محرد وقت ماسبحها اغسل شعرها بشامبو همالايا ونفسه للجسمها رغوه


وعقب ما اسبحهم احطلهم ورا اذنهم مسك قرشي الابيض وارش علي ملابسهم قبل مايلبسونها عطر من زرا عجيييييبييييب بناتي يهبل


وترا العنايه ببشرتهم لازم تبتدي بالاكل الصحي لازم علي طول حليب وخضار وفواكه علشان اجسامهم تحتاج


ومشكوره وايد احب هالمواضيع المفيده

 

[فاقده حنان ابوه]

انا بنتي عمرها سنه وثلاث شهور ادهن راسها بفازلين

الحين بحط زيت السمسم بس عادي غشيمه اهوه نفسه الي ادهن في صدرها الي من الحواي الي يطلع البلغم

 

[Ms.electric]

yaaaaaaaaaaaaay shwagtene ana bnayte 3mrha shahar looooool

na6ra tkbar bs 3lshan al3ab feha lool

allah y5alelch bnaytech w y7afe'6ha ya rab

 

[باقة ورد]

مادري احس ان طريقتج مبالغ فيها خاصة للجسم ما ايني قلب افرك بنتي بالليمون. احسه حار عليها ولا الملح الخشن يعني اصنفر جسمها وهي بهالعمر حرام توه جلدها رقيق و تحتاج مستحضرات خاصة للاطفال

 

[حرم راشد الماجد]

مشكورين عالردود

حنين بدعتي صكيتي علي بصراحه
فاقده حنان : حبيبتي مادري والله ايهو اللي تستخدمينه حق البلغم بس هو موجود بالحواي ماركته الجمل جنه عليه صورة جمل عموما

باقة حبيبتي الليمون وايد زين للجسم وبعدين انا ما فركها حيل لا مجرد يطلع شوية عصير بجسمها يعني افركها عالخفيف
والملح مو صنفره انا احطه بالفوطه يلين ويلين الجسم يعني مو سكرب لا احط بالفوطه ماي وعقب ملح وافرك الملح بالفوطه يذوب

منورين حبايب قلبي

 

[ام الدرر]

وين الغيبة حرم راشد
من غير شر ان شالله
عسى الله يخلي لج اللي عندج ويرزقج برهم​

 

[وصايف4]

الشعر اوكيه احطله دهن واعتني فيه
بس تفرك وخلطات حرام توها صغيره جلدها اصلا ما يستحمل

 

[للصبر أخر]

حلو الإهتمام بس بصراحه مبالغه على بنت صغيره بهالعمر وكل ليله بيبي اويل يدبق الجسم وتضايق واهي نايمه
حرام الواحد ما قدر ينام وشعره مدهن اشلون اذا الجسم كله مدهن وفوقه هدوم بعد!
وفي عطور وايد حلوه وفرش حق البيبي احسن من دهن العود

 

[Mednight Rain]

اب اب

 

[ريح قهوه]

بعد روحي بنت انا اسبحها بجونسون واجسمها بسيباميد مع ان عمرها تبي تكمل ثلاث سنين بس مافكرت احورف ببشرتها بس صج فطنتيني ابي اريت جسمها واهتم فيها وابي اشتري لها ليفه من خوفي لىى جسمها افركها بيدي فديتها وفديت كل البنيات

بعد عطونا افكار ابي شي يخلي بشرتهم ناعمه وبيضه وصحيه والشعر بعد شنو تحطون له قبل الحمام واذا تحطون حنه شنو خلطتكم للحنه

 

[love love]

مشكوووووره

بس بنتي ركبها سود عيزت وانا اسوي واحط عندج له شي؟؟ خصوصا الصيف قرب والركب بتنكشف لووووول

بنات اشدعوا عادي بيبي اويل اصلا يرطب الجسم دايما بجسم بنتي وبجسمي بعد

 

[ام سليمان 2008]

حلو اهتمامج بس توها صغيرة على هال سوالف

 

[نـعـومـه]

مادري احس ان طريقتج مبالغ فيها خاصة للجسم ما ايني قلب افرك بنتي بالليمون. احسه حار عليها ولا الملح الخشن يعني اصنفر جسمها وهي بهالعمر حرام توه جلدها رقيق و تحتاج مستحضرات خاصة للاطفال

رايي من رايها

وانتي قصدج قرعتي شعرها اول مايت ولا قصيتيه عادي

 

[om Firas]

الله يخليها لج

 

[++MesK++]

رأيي من رأي باقة ورد

حرام ملح خشن من الحين و ليمون!

أنا بنتي اذا غيرت لها اللوشن مالها جسمها يقب!

 

[احلى ديما]

لا حرام صغيرة على هالخلطات وينها ووين هالسوالف
الله يخليها لج وتشوفينها عروس وتبدعين فيها ان شاء الله

 

[ام الحلوااات]

انـــا اشــــــوف انــهـــا صـــغـــيـــرة واااايـــــــــد عـــلــــى الاهـــتــمـــام الــمــبـــااالـــغ فــيــه بــجـــســـمــهــــا