طريقة للحمل بولد ... وطريقه للحمل بأنثى

[ام هزاع]

السلام عليكم خواتي الغاليات ...


اولا : الله يرزق كل وحده فيكم الذرية الصالحه .... ويجعلهم بارين فيكم ....




ثانيا :

بالنت ... بالدوام .. بالمجالس النسائية ... كثير اسمع من الحريم كلام عن طرق لانجاب الولد ...

وحده تقول بروح للدكتور الفلاني لانه يعطي ابر تجيب الولد ..

ووحده تقول حق الثانية روحي حق الدكتوره الفلانية وراح تجيبين توام اولاد مو واحد ..

غير الابر اللي تحدد عدد الاجنة وجنسهم ..!


كلامي اللي بقوله الحين لكل وحده فكرت تسوي شي من هالاشياء عشان تحمل وتجيب الولد :


اختي الغالية :

تبين تتدخلين بمشيئة رب العالمين ؟؟ تبين تغيرين شيء الله كاتبه لج بالقوة ... وماتدرين لو حملتي بالولد بهالطرق ممكن يطلع مريض او غير سوي ....


هذي ارزاق ... وكل واحد الله كاتب له شنو يجيب وجم طفل يجيب .. كما جاء في كتابه الكريم :


قال الله تعالى ( نهب لمن نشاء إناثاً ونهب لمن نشاء ذكوراً ونجعل من نشاء عقيماً ) .


حبيباتي ... خواتي الغاليات ....

خلونا نرضى بما قسم الله لنا .. ونملأ قلوبنا باليقين انه قد كتب لنا ماهو الافضل لنا ....

ومانتدخل فيما يتحرك في احشائنا ... لاننا لا ندري ايهما سيكون اكثر برا بنا ... وايهما سيكون اكثر عقوقا لنا .... وهو وحده يعلم ....


لنسلم امرنا لله ... ونتوكل عليه .... ونطلب منه مانريد بالدعاء .... ونتذكر دائما : وعسى ان تحبوا شيئا وهو شر لكم ....





اختكم المحبه لكم :

ام هزاع​

 

[شيــوخه]

جزاج الله خير

 

[سوسن1980]

ثاااانكس

 

[منونتي]

جزاج الله خير

صدقتي ...

 

[االفرس]

معااج حق يا الغاليه ,, ومشكووره ماقصرتي والله يجزااج خير واتمنى البنات يستفيدوون ..

 

[ReDLOve]

صاااااااااااجه و اكو بعد من انواع الاكل تاكلينها تحول البنت صبي

انا احس يعنى راح يصير جنس ثالث اذا صدق هالكلام لان بتداخل الجينات و الهرمونات مع بعض و يصير غير سوى

والله حراام الى ايي من الله حياه الله شفيها البنت ذخرررررر حق الاهل و شفييييه الولد بشيييل اسم اهله والله كلهم ايننوون و يهبلووون

 

[Miss McDonald]

• يزآج الله خير ,
• الله يهديهم هالحريم عبالها اذا يابت ولد بتمسك الريآل

 

[نـعـومـه]

جزاج الله خير

بس ترا الناس تأثر

تحسس ان اللي عندها بنات مسكينه !!

او الريال يحن

او اهل الزوج

عشان جذي الحريم يدورون سوالف لجنس معين

عموما الله لايحرمنا لا من الولد ولا البنت

 

[متيمه بهواه]

اختي
ممكن يكون كلامكـ به نوع من الصحه
بس كل وحده تمشي على على حسب ظروفها تلقينها تفتر من هنا ولهناك
بسبب ضغط الزوج عليها
سواء بالزواج او التهديد شي من هالقبيل

او الي يجيبها وهي نفاس بالبنت ويقول لها عظم الله اجركـ
المره الجايه تجيبين الولد

ليه البنت طالعه من كم ...؟

ترى الناس نفسيات وظروف تجبرهم
ومهما سووا وفعلووا بيجي المكتوب سواء استخدمت شي او ما أستخدمت شي

والله الرازق فوق كل شي
والله يصلح العطى يارب

 

[لياليـ]

يزاج الله خير

 

[مظلومة حيل]

مشكوورة

 

[ماركة انثى]

جزاج اللــــــــــــــــــــــه خيــــــــــــــــــــرْ~~~}ْ​

 

[ليت الهم ينساني]

صح كلامج

بس اسعى ياعبد وانا اسعى معاك

والعلم تطور مو يقولولج فيه ايام للتبويض ومادري شنو

المره تسوي اللي عليها والله يرزقها واكيد ماراح تزعل اذا يابت بنت ولا ولد كلهم نعمه من الله

بس الولد بيشيل اسم ابوه وسند لهم

 

[ام هزاع]

اشكركم على ردودكم الطيبه وتواجدكم الاطيب


وبالنسبة للي يقولون ضغط الاهل والزوج ماقول الا الله يهدي كل زوج يضايق مرته على هالسالفه

وسمعنا قبل مده ان جنس الجنين يكون بالحيوان المنوي والرحم مجرد وعاء لاحتضان هذا الجنين يعني لا هي ولا هو لهم حول او قوة ... القوة والاختيار لله عز وجل

والخيرة فيما اختاره الله



اشكركم من القلب يالغالين

 

[@الغلا كلة لي@]

جزاج الله خير مشكورة اختي ام هزاع

 

[فوفو..]

كلامك منطقي جداااااا اتمنى واتمنى من ربي وفي الاخير مالنا الاماكتب الله لنا ....الله يحسن الخلق ويهون الطلق للجميع...وادعي الله يرزقني البنت التامة الخلق والخلقه..

 

[ام الحلوااات]

جزاج الله خير

بس ترا الناس تأثر

تحسس ان اللي عندها بنات مسكينه !!

او الريال يحن

او اهل الزوج

عشان جذي الحريم يدورون سوالف لجنس معين

عموما الله لايحرمنا لا من الولد ولا البنت

:ggdw: :ggdw::ggdw: :ggdw:​

 

[ام هزاع]

فوفو

الله يرزقج البنت التامه والحسنة الخلق والخلق ... ويجعلها باره بوالديها واهلها حافظة للقران عاملة به ...

 

[سارة ة]

كلامج عدل

 

[رزوونة]

قال تعالى:
(نساؤكم حرث لكم)
معناه أن المرأة أرض للزرع واللي يزرعه الريال يطلع هي مالها علاااااقة بعتقد هيك سمعت تفسيرها
بس الرياييل يحنون عالولد الله يرزق الجميع بالبنت وبالولد
أمين