طريقة للحمل بولد ... وطريقه للحمل بأنثى

[بشاير الميموني]

لا اله الا الله..

الحمد الله على كل حال ...

جزاج الله الف خير...

 

[جمالي خيالي]

ونعم بالله وبقضائه وقدره وكل شي ربي كاتبه لنا خير
بس ليش مركزين على اختيار جنس الجنين ان ذنب عظيم
واللي يختار جنس البيبي غلطان ومذنب ؟

اختيارنا لسيارتنا قضاء الله
واختيارنا لبيتنا قضاء الله
واختيارنا لوجهة سفرنا قضاء الله
واختيارنا لاسامي عيالنا قضاء الله
واختيارنا للاكل اللي ناكله قضاء الله ورزقه المقسوم لنا

بالنهايه كل اختياراتنا بحياتنا هي بالنهايه بعلم الله سبحانه

احنا اللي علينا نسعى ونختار والنتيجه على رب العالمين

ولو ترجعون للشرع في مسألة اختيار الجنس تلقون الاجابه الوافيه

بجواز بذل الاسباب لتحديد نوع الجنين والباقي على رب العالمين

ف الله يخليكم اللي ماعندها علم بأي مسأله لاتفتي من مخها وتاخذ ذنب كل من يصدقها ويتبعها

خلو المسائل الشرعيه لأهل الشرع

 

[زينانه]

اكيد كل شي بيد رب العالمين
بس الوحده مايمنع تحاول بالوسائل الموجوده
اذا صدف وجابت اللي تبي الف حمد وشكر
واذا الله كتب لها ماتجيب غير البنات او الاولاد هم الف حمد وشكر

الدور الاخير عالام هل هي حامده ربها وصابره ومحتسبه والا متذمره على طول و اف و اف



واشكر لج موضوعج

 

[ام هزاع]

اشكركم عالتواجد

واحب ارد على الاخت ""جمالي خيالي"""


يالغالية انا ما قلت حرام واعوذ بالله من ان اكون مفتيه اقري الموضوع عدل ... ولا تقوليني كلام انا ماقلته الله يرضالي عليج

السيارة والاسماء والبيت وغيرها من الاشياء اللي قلتيها واحنا نختارها هذي اشياء مادية محسوسه ونشوفها ونقدر نختار من بينها ... لانها تدركها حواسنا الخمسه .... اما الجنين فهو نطفة في علم الغيب ,,, قد يكتمل او يسقط .... قد يكون ذكر او انثى ... قد يكون واحد او اكثر .... لا نراه ولا نلمسه الا بعد ان يتكون ويكون ذكر او انثى ...


ما قلت هالطرق حلال او حرام انا بس قلت اتركو هالشي على رب العالمين لانه كتب لنا شنو نجيب قبل ان يخلق الكون بخمسين الف سنه ... ونكون راضين بما يخلق الله في ارحامنا .... لانه الاعلم بمصلحتنا والخيرة لنا ....

 

[(سلام)]

شوفي اختي الامر الاول والاخير لله تعالى لو وش نسوووووووي هوه اللي يحدد سبحانه وهذي كله اشياء ماتغيرشي من اللي الله كاتبه لنا ياما سمعت انه وحده اتبعت نظام لمدة كم سنه واللي سوووا اختيار اجنه والاخير ماجابوا نفس الجنس اللي يبووونه لانه الله مو كاتب لهم لو كاتب لهم جان زرقهم اياه واللي تسوووي هالاشياء ورزقهااا على نيتهاااربي كاتب لهااا قبل ماتسووويهااا

 

[سبائك]

بارك الله فيج كلامج عين العقل

محد مرتاح الي عندها بنات يحسسونها انها مسكينه ما يابت اولاد

والي عندها اولاد يحسسونها انها مسكينه ما يابت بنات!!!!!!!!!

والناس صارو وين واحنا للحين بنت وولد الحمدلله والشكر بس

 

[ام هزاع]

سلام

اشكرك على ردك الطيب ياغالية ......




سبائك

الناس ماراح تسكت ولا راح نقدر نسكتهم ... خل يتكلمون لين يشبعون ... وخل يعايرون .. الله موجود وكل كلمة مسجله عليهم ومحسوبه ..... اهم شي ان قلوبنا تكون رااااضيه عن عطايا رب العالمين ...



شااااااكرتلج تواجدك الغالي

 

[جمالي خيالي]

اشكرج ام هزاع على التوضيح سامحيني ماكنت قاريه الموضوع بانتباه
وبالنسبه لاختياراتنا الملموسه ف الطفل كذلك شي ملموس
احنا نبذل الاسباب والباقي على رب العالمين ونرضى بما كتبه الله لنا
تبقى اجتهادات علميه ووسائل مباحه شرعا ان ضبطت خير وبركه وان لم تضبط ف ربي لك الف حمد وشكر على نعمه الاولاد

 

[fulla.81]

الله يرزق كل محرومه للضنا

 

[It'S Me]

صح كلامج

بس انتي تسعين و على الله النتايج

يعني الحين مشاءالله الطب تطور ايام التبويض و نوعيه الاكل و الغسول ليش الوحده ماتسعى حق هالشي و تتوكل على الله

تسوي كلشي و بالاخير ربي اذا كاتبه لها بيصير او يمكن ماتصير الحمله بكبرها

يعني الوحده نفسها تبي يصير عندها ولد و بنت مو عشان ضغطها ريلها ولا اهله

 

[ام هزاع]

اشكرج ام هزاع على التوضيح سامحيني ماكنت قاريه الموضوع بانتباه
وبالنسبه لاختياراتنا الملموسه ف الطفل كذلك شي ملموس
احنا نبذل الاسباب والباقي على رب العالمين ونرضى بما كتبه الله لنا
تبقى اجتهادات علميه ووسائل مباحه شرعا ان ضبطت خير وبركه وان لم تضبط ف ربي لك الف حمد وشكر على نعمه الاولاد

معاكم حق وكلامك كله صحيح ... ولا يهمج عزيزة وغالية وتموووووونين