ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
اول شي تغسلين العيش تقريبا انا اسوي جيله(4 اكواب عيش)وتنقعين مده ساعه تقريبا وبعدها تسلقينه بماي وملح وشويه زيت وخليه حبه حبه لاتسوينه لين
نقعي كوب عدس الاسمر (نفس الي بالكشري) وهم سلقيه بس خليه يستوي ويلين
اللحين سوي حمسه الربيان . اول شي حمس بصله كبيره مفرومه بالزيت وبعدين حطي معاه مكعب ماجي( طبيعي) فصين ثوم كبار مفرومين وقطعه زنجبيل صغيره بحجم حبه ثوم صغيره مفرومه وحمسيها مع البصل وبعدها حطي الربيان المنظف ومغسل بعد مانقعتيه بطحين عشان يشيل زفرته وسلقتيه بكوب ماي 5 دقايق
حطي مع الحمسه حبه جزر مبشور هم يشيل الزفره والريحه من الربيان وعقب ماتحمسينهم زين حطي قفشه كبيره معجون طمام + عصر نص ليمونه بعدها حطي كزبره مجففه قفشه وحطي معاهم طماط مقصص طري وملح وبهارات(ليمون اسود ناعم وفلفل اسود وكزبره بودر وكركم وشويه فلفل احمر وعلب فلفل اخظر حار)
وحطي كوبين ماي حار
خليهم بس دقايق عالنار عشان الربيان بسرعه يستوي مايحتاج وقت
سلقي كوب عدس اسمر الى ان يطرا ويلين وحطيه على حمسه الربيان
اللحين زهبي الجدر وحطي بقاعته شويه زيت وحطي عليه جزء من العيش وشويه مع حمسه الربيان وكرري العمليه على طبقات
واخر شي حطي باجي الحمسه وفوقها قفشه سمن نباتي اوزيت
قصري النار وحطي تحته حديده اذا عندج يستوي على مهل
التعديل الأخير:
تسلم ايدج يالغاليه 
