طريقتي اليديده ورق عنب حامض حلو مع الصورة

[ساره ستايل]

شلونكم بنات

انا لما ادش المطبخ:ada:
احب أألف وايد واحب أخلط نكهات مع بعض وحمدالله الله موفقني بالشي هذا ((قولوا ما شالله))

- للتنبيه : ترا انا مالي مقادير معينه بالقفشه .. ماعرف :0bee2e8d89: بس بالنظر اقدر .. وراح تشوفون اشلون اقيس مقاديري

طريقتي اليديده لورق العنب :

المقادير :
قرشة ورق عنب

جيلة عيش التموين(الجيلة اهي قوطي الاناناس الحديد)

بصل مقطع صغار ((تقريبا 4 بصلات كبار))

طماط مقطع اصغار (نفس مقدار البصل)

اشبنت مقطع اصغار ((مقداري طاسة النخي بس طاسه وحده))

فلفل علوب اخضر حار (على حسب رغبتج ..بس انا حطيت ثنتين وقطعتهم اصغار كلش)

كوب كبير زيت زيتون للحمسه

كشمش على حسب الرغبه..انا حطيت كوب.. طبعا تفوحينه شوي.

مربى مشمش ((تقريبا 4 قفاش كبار)) : وهذا اهو سر خلطتي _03BA:

دبس رمان ((تقريبا 5 قفاش كبار))

صبار =تمر هندي : ينباع جاهز في بطل ينباع صوب الكتشب والفلفل ..اتوقع انه يديد بجمعيتنا (الفيحا)
وكل ما سألأني احد عن الطريقة واقول لهم عن هالبطل .. مايعرفونه
المهم : مقداري من هالصبار الجاهز ثلاثة ارباع القرشة

صبار ابو الجيس الازرق الصغير حق فوح ورق العنب بعد اللف(جيس واحد)

ملح
شكر(نفس مقدار الملح اللي بتحطينه))
وطبعا مالي مقدار معين .. احط كميه وعقب اذوق ليما اضبط النكهه

كمون
فلفل اسود

بطاط حق قاعة الجدر عقب اللف

الطريقة :

1- تحطين زيت الزيتون بقاعة الجدر وحمسي اول شي البصل عدل
وعقبه حطي فوقه الطماط وحمسيه معاه
وعقبه الفلفل العلوب وحمسيه مع اللي قبله
وعقبه الشبنت
وخليهم ينخلطون مع بعض عدل مدل

2- الحين تاخذين البهارات السابقة الذكر .. وخلطيهم عدل مع الحمسة السابقه

3- ييبي الصبار الجاهز ودبس الرمان وحطيهم فوق هالخلطه وخلطيهم هم بعد عدل مدل :dddds:

4- حطي فوقهم العيش (المغسول سابقا) وخلطي عدل عشان ياخذ طعم الخلطه ويتشرب فيها
تقريبا خلي هالخليط عالنار لمدة 4 دقايق فقط

5- قصي البطاط شرايح مدورة وصفيها ابقاعة الجدر وصبي بعد زيت زيتون عليهم عشان ما يتحرق البطاط

6-صفي ورق العنب عقب ما تلفينه طبعا

7- غطي اللي صفيتيه ابماعون صين ثقيل عشان مايتحرك ورق العنب مع تبقبق الماي (( ادري مصطلحاتي عتيجه ومالت عيايز :dddds: ههههههه ))

8- اخذي الصبار الهندي بو جيس ازرق وشخليه مع الهرس .. وصبيه على مقدار من الماي بحيث انه يكفي الجدر اللي انتي حاطه فيه ورق العنب.. وحطي مع هالماي 3 قفاش دبس رمان وملح وشكر على حسب ذوقج .. يعني حطي وذوقي.

9- صبي هالماي فوق ورق العنب بس لا تخلين الماي يترس الجدر
لأ .. خليه بس يغطي الصحن الصين وصبي فوقه زيت زيتون تقريبا كوب .​

10

- يبيله تقريبا ساعه .. اول شي خليه على النار العادية .. وبعد ربع ساعه وطي النار .. وعقبها اذا بدا يقل الماي .. حطي حديده تحت الجدر ..​

وبالنهاية راح تحصلين على هالصورة العجييييييييييبة​

- بنات بليز اللي بتنقل هالموضوع عني.. عليها بألأف عافيه ..
بس لابد من ذكر اسمي واسم المنتدى .. للمصداقيه فقط والامانه الفكريه :tek:​

بانتظار تجاربكم ​

 

[جارة القمر]

شكله يشوق

وعلييييييييييييييييييييييييييكم بالعافيييييييييييييييييييية

 

[ضحـاوي]

تسلم ايدج

ومشكوووره

 

[ضحكة الدنيا]

شكله لذيذه
تسلم ايدج ومشكووووووووووره

 

[ساره ستايل]

جارة القمر : الله يعافيج .. وبانتظار تجربتج لها .. اكيد بيطلع احلى.

ضحاوي + ضحكة الدنيا : الله يسلمكم .. تشرفت ابمروركم .

 

[ايفيان]

شكله لذيذ حده

تسلم ايدينج

 

[جرح الليالي]

انا مو لي هناك ويا الحامض حلو
بس غرامي الحامض يميي يمييي


ومع هذا يا سارووونة فشكله عجييييييب


يعطيج العافية حبوبة

 

[شمس الأصيل]

تسلم الايادي ما شاء الله عليج

 

[ساره ستايل]

حيااااااكم الله ياقلبي
والله يسلمكم
الف شكر عالمرور

جرح : لايطوفج .. اذا جربتيه مره .. راح اتسوينه ستعش الف مررررررره ههههه

 

[جورية كويتية]

تسلم ايدج شكله اينن

:eh_s(18): :eh_s(7): :eh_s(18):
​

 

[الفنانه79]

تسلم ايدج ياااااااااااااااااااارب

وفعلا عاد انتي اتبدعين من بعد الربياااااااااااااان اللذيذ (تذكرين )


​

 

[أمانيQ8]

بجرب طريقتج يسلمو الايادي

 

[ساره ستايل]

جورية : مشكورة حبيبتي

فنانه : هلاااااااااااااااااااااااااااااااااااااااااااااا قلبي شخباااااااااااارج
اي الربيان المشوي اشلون انساه عجييييييييييييب..

 

[ساره ستايل]

اماني : جربيه وناطرين رايج فيه

 

[M @ Z Y O N A]

شكلـه يشووووق

بس بسأل ألحين ورق العنب تنقعينه ولا شنو على طول تستخدمينه فهميني لأن اول مره بسوي ورق عنب

انا سمعت في ناس تنقعه بالساعات الورق نفسه قبل اللف

ياليت تفيديني

 

[زيـنـه]

تسلم ايدج ما شاء الله عليج

و عليكم بالعافيه

 

[لولي**]

تسلم الايادي
شهيتيني بهالليل
شسوي الحين منين اجيب ورق عنب يالله انطر الصبح
الله يسامحك
ويعطيك الف عافيه بجربها وبقولك

 

[atooma]

تسلم ايدج

 

[كريستال ليدي]

وااااي شكله يشوق حده عليكم بالعافية

 

[norema-sarto]

شكله لذيذ حده

تسلم ايدينج