طريقه شرح الدراسه الصحيحه بالصور // حمله نبيها امتياز هالسنه // حياكم لكل المراحل

[Miss Hayoon]

قمر الله يعينكم اشوه ابلتنا الفيزيا زينه

 

[memo_elnz8a]

رد : طريقه شرح الدراسه الصحيحه بالصور // حمله نبيها امتياز هالسنه // حياكم لكل المراح

بنااات أنا ما أعرف شلوون أدرس
مالي خلق .......................

 

[SeLf^CoNfiDeNce]

فديتكم على احلى طله ع الموضوع و عسى شفتوا درس النحوو ؟؟؟
اتمنى تقولون رايكم فيه و بصراحه هذي طريقه دكتورتي بالشرح رووووووووووووووعه ...*

 

[Miss Hayoon]

اي مشكوووووووووووووووورة واايد ما قصرتي حبيبتي

 

[حبك عنواني]

رد : طريقه شرح الدراسه الصحيحه بالصور // حمله نبيها امتياز هالسنه // حياكم لكل المراح

يــإأآحبيبتي تؤونئ قــريت المؤوضؤوع حدده عجييب ممكن صؤوره عن( الطب هدفي ) صرإأآحــه ميته على الطب حيــإأآتئ لااتبخلين وتنسيني ..

فديييتـــج ..​

 

[dadomi]

رد : طريقه شرح الدراسه الصحيحه بالصور // حمله نبيها امتياز هالسنه // حياكم لكل المراح

امبيه الموضوع حددددددددددددده عجيب

 

[PO PO22]

حلو درس النحو حيل حلووو مشكوره بميزان حناتج بس النسبه لي هالشي اعرفه ياليت قواعد الانجليزي لاني احس اني موفاهمته وابي بطريقتج لاني احسها اتدش المخ

 

[SeLf^CoNfiDeNce]

مشكورين ع المرور حبايبي

 

[بنت المتوسط]

رد : طريقه شرح الدراسه الصحيحه بالصور // حمله نبيها امتياز هالسنه // حياكم لكل المراح

الله يوفقج يوفقج
حبيتي
مشكوووره اقوى شئ

 

[joja <3]

مشكورة على درس النحو

توني ادري ان ( من - ما ) اسماء موصوله لووول

صج موضوع متعوب عليه

بميزان حسناتج

 

[SeLf^CoNfiDeNce]

fdaitkoum
po po22
ensallah 7yatii ;*

 

[nonaalj]

رد : طريقه شرح الدراسه الصحيحه بالصور // حمله نبيها امتياز هالسنه // حياكم لكل المراح

يعطيج العافية حبيبتي

متابعتـج ..,’

والصراحة درس النحو ماقريته =$

مااحب النحوو كلشش :s

 

[PO PO22]

up up up

 

[Miss Hayoon]

اب اب موفقه حياتووو

 

[( نورة )]

بناات ما شاء الله الموضووع حيييل حلو ..
واااايد عجبني وبصراحة شجعني حيييل ..
وإن شاء الله راح ترتفع درجتي يارب ..
بنااات بليز ادعولي إن الله يوفقني في دراستي وترتفع درجتي بإذن الله ..
وإن شاء الله راح تلاقوني أطل عليكم كل شوي وأشارككم ..
يعطيج العافية self confidence على الموضووع الي مادري بشنو اوصفه صراحة ..
صج موضوع يشرح الصدر ويشجع الوحدة أكثر عشان يتحسن مستوانا أكثر وأكثر ..
أتمنى هالموضوع يكون فيه تفاعل أكثر وياارييت يتثبت لأنه بصراحة حييل مفيد وشامل جميع المراحل ..

بس سؤال يمكن يكون غبي شوي :
هالموضوع بس حق الثانوية ولا لكل المراحل ؟؟؟؟

وسلامتكم ..

 

[شــــــــــــــوقــــه]

سلام عليكم

مشكوره وايد على هالموضوع المفيد و المتعوب عليه و عساه في ميزان اعمالج ان شاء الله :eh_s(7):

بس عندي ملاحظات اتمنى تتقبلينها بصدر رحب

انتي ما قصرتي شغلج حلو ان خليتي البنات يحطون هدف براسهم ويشدون حيلهم بس لا تخرعين البنات بالدراسه و الامتياز و النسبه

انا شفت طريقة كلامج شلون تقولين لا تنامون الظهر و درسو اول بأول و نامو مبجر في بنات مو متعودين على جذي

و بنفسهم قالو مو قادرين ما ينامون الظهر يتعبون لان جسمهم تعود

غير جذي انا احس انج فهمتيهم ان الامتياز والنسبه شي صعب :$ اهو صح يبيله مجابل بس مو بالضغط الي انتي قلتيه

خليهم على الروتين الي اهم متعودين عليه بالدراسه لان اذا ضغطو على روحهم هالفتره راح تلقينهم بنص الطريج ما يكملون لان شي فوق طاقتهم

[ الـــدراســـه قـــدرات ]

وكل انسان له قدراته في وايد ايبون امتياز و كل واحد فيهم له طريقه بالدراسه ..شوفي على ان كلهم امتياز بس واحد نسبته 90 واحد 94 واحد 98

ليش الي شد حيله و ياب 94 ما قدر اييب 98 او 99 !!

لان اولا يعتمد على قدرة الانسان نفسه
ثانيا حالته النفسيه وظروفه الصحيه
ثالثا غذاءه الصحي

كل واحد من هالثلاث له دور كبير بالحفظ والاستيعاب


اهم شي يا بناااات لا تضغطون على نفسكم اعيدها مليون مره الشطار الي اييبون امتياز و نسب عاليه ما يضغطون على نفسهم ( انا شاطره بس مو دايما احفظ قصايد و اشعار و مو دايما اشارك و ما انام مبجر و ساعات اطوف واجبات اذا مالي خلق بس مو مواد علميه ..العلميه اطوفها بس اذا ما عرفت احل ) انا ما اقولكم اخذوني قدوه لا ..كل واحد ينام على الجنب الي يريحه مثل ما يقولون

على فكره اغلب الفائقين وانا وحده منهم ما يدرسون الا ليلة الامتحان نادر الي يدرسون اول بأول

وانا جربتها درست جم ماده درس بدرس و حفظت بس وقت الامتحان رديت درست من الصفر جنا مو دارسه شي

وانا الف الحمدلله كل سنه امتياز باستثناء الكورس الاول من عاشر يبت جيد جدا مرتفع وان شاء الله الله لا يغير علي بالامتياز لي الجامعه

سألو اغلب الشطار راح يقولون نفس كلامي و اعطيكم نموذج ثاني بعد عشان لا تأيسون و تشوفون الامتياز صعب

واحد من اهلي تخرج من الثانويه نسبته 98 واهو الحين مهندس و ما كان يدرس الا ليلة الامتحان

انا هالسنه الشي الوحيد الي زدته بطريقة دراستي ان قمت اقرا الدروس الي خذيتها بس و لو تقرونها قبل لا تنامون احسن لان المخ بفترة النوم يردد اخر شي تقرينه

والي بخاطرها امتياز وشايفه ان عندها صعوبات مو قادره اول شي لازم تسوينه تتوكلين على الله و تكون عندج اراده بعدين تعالجين المشاكل الي تواجهينها بأي ماده عشان تتغلبين عليها و دايما قولي ماكو شي صعب​

واخر شي اتمنى تدعولي هالسنه الله يوفقني و اييب النسبه الي فبالي :yaaaaaarb:

و صاحبة الموضوع لا تزعلين فديتج بس هذا مثل ما يقولون نقد بناء ​

:hearting:

 

[شــــــــــــــوقــــه]

اي بنات تذكرت شغله بعد قالتها حقي ابلتي العربي و العام ب11 هم قالتها لي ابلة بس مادري منو

دااااايما جددي نيتج

اي عمل تسوينه فيه خير و مصلحة سواء لج او لغيرج دايما قولي لله

حطي فبالج ان دراستج و روحتج للمدرسه و العلم الي تاخذينه عبااااده

قولي انا بدرس وانجح عشان ارضي الله واخذ اجر و عشان انجح و ارفع راسي

درجات بالآخرة قبل درجات بالدنيا

بس اهم شي خلي ثقتج بالله كبيره و الله راح يعطيج على قد نيتج ويوفقج صدقيني

والي تستفيد من كلامي مابي منها غير دعوه عن ظهر قلب ​

 

[( نورة )]

بناات !

أحب اضيف شي ..
بالدراسة دايما خلي شغلج منظم ..
يعني كتبج بالبيت خليها منظمة وبمكاان مناسب ..
شي مهم بعد ..
لازم يكون المكان الي تدرسين فيه منظم ونظيف ويفضل تكون ريحته حلوة ،، مو قوية بس هادية عشان تنفتح نفسيتنا ،، وبعد يكون هادي وألوانه هادية شوي ،، حتى الجو يكون مناسب لا تقعدوون بمكان حييل بارد يمكن البرد يدوخكم ولا حار بعد عشان ما تتضايقون ..
هيئوا الجو المناسب واخذوا راحنكم بالكتابة ..
وحافظوا على صلاتكم ودايما ادعوا الله عشان يوفقكم ..
وخلي دراستج تصير تقريبا من بعد صلاة العصر بشوي لي أذان المغرب ،، توضوا وصلوا المغرب أو حتى إذا ما توضيتي غسلي ويهج عشان تتنشطين أكثر ،، بعد الصلاة قومي بس شيكي على كتبج ورتبي جدولج مراجعة سريييعة وبسيطة على الواجب ،، راجعي أي آية حفظ أو قصيدة أو تعاريف ،، يعني شطبي على الدراسة اخذي بحدود النص ساعة أو ساعة أو الي يكفيكم ..
ومثل ما قالت سيلف كونفدنس لا تحطون الموبايل يم راسكم وانتوا نايمين وحطوه سايلنت بليل وإذا تطفينه بعد أحسن وأحسن ..
اي وبناات خلوا جدولكم مرن ولا تحكمون روحكم بجدول مستحيل تغيرين ولا دقيقة فيه ،، حطي لنفسج بديل أو ( جدول بديل ) أو ( نظام بديل ) فرضا طلعتي العصر وما قدرتي تدرسين سويلج جدول ثاني تكون ساعاته بليل ،، فرضا كنتي مشغولة طول اليوم وما عندج وقت ،، خلي عندج جدول زاهب باي وقت يكون فيه نظام حق دراستج يكون مختصر شوي ويحدد الأشياء المهمة ،، أو مثلا ممكن تشيلين شي كنتي بتسوينه اليوم مثلا بتشبكين أو بتسوين شغلة مو مهمة ..
وبعد إذا كنتي مستعيلة بدي الأشياء الضرورية ،، يعني مو لازم تزخرفين الصفحة مثل كل مرة ،، تسطير سريع وممكن بعد ما تسطرين اليوم عشان انتي مستعيلة ،، كنتي فاضية بيوم ولج خلق ،، قومي سطري جم صفحة بعد ،، بالعطلة تقدرين تسطرين خمس صفحات حق الأسبوع كله أو على حسب عدد الحصص ،، وبعد حاولي تكونين مزهبة التقارير والبحوثات الي لها فترة طويلة مبجر ،، عشان تكونين حاسبة حساب أي ظرف ممكن يصيرلج ،، وما فيها شي لو قدمتي البحث مبجر ،، روحي حق الابلة سلمي عليها وسأليها بالأول إذا اهية فاضية ولا لا ،، وقدمي الي عندج مبجر ،، راح تاخذ الأبلة فكرة حلوة عنج ،، وبنفس الوقت تقوين علاقتج بالأبلة ودايما حاولي تخلينها رفيجتج بس باحترام ،، جذي إن شاء الله راح تحسين المادة أحسن وأحلى حتى لو شوي ،، حتى الآيات والقصائد والأحاديث حفظيهم مبجر ،، على الأقل اقريهم كل يوم مرة أو أكثر بعد راح يسهل عليج الحفظ بعدين ..

هذا الي عندي ألحين ولي رجعة إن شاء الله ..
​

 

[( نورة )]

بنااات ما جاوبتوني :
الموضوع بس حق الخريجات ولا لكل المراحل ؟؟

 

[c00L G!RL]

شوااااقه الله يعطيج على قد نيتج و يوفقج يا حياتي